Te fundit
Tregu i përbashkët energjitik/ Shqipëri-Kosovë, memorandum bashkëpunimi
29 Mars 2014, 14:22Rajoni
TEMA
Memorandumi i bashkëpunimit Shqipëri -Kosovë synon ndërtimin e një tregu të përbashkët energjitik dhe ky është vetëm hapi i parë në drejtim të realizimit të një tregu të përbashkët dhe heqjes së barrierave mes dy vendeve për çdo produkt tjetër, veç energjisë elektrike.
Memorandumi, i nënshkruar në Tiranë nga ministri shqiptar i Energjisë dhe Industrisë, Damian Gjiknuri dhe ministri për Zhvillimin Ekonomik i Kosovës, Fadil Ismajli, pritet të kurorëzohet me ndërtimin e linjës së interkonjeksionit 400 kW, një projekt i mbështetur nga banka gjermane kWf,
Në një deklaratë për mediat, ministri Gjiknuri tha se linja do të përbëjë shtyllën kurrizore energjitike mes Shqipërisë dhe Kosovës, duke sjellë qëndrueshmëri në furnizimin me energji, e pasuar kjo dhe me qëndrueshmëri në çmim.
“Jam i sigurt se integrimi i të dyja vendeve në një treg të përbashkët krijon më shumë qëndrueshmëri në furnizim, më shumë qëndrueshmëri në çmime, si dhe në krijimin e mundësive më të mira për investime private në të dyja krahët e kufirit”, tha ministri shqiptar.
Ndërsa për ministrin kosovar, Fadil Ismajli, ndërtimi i një tregu të përbashkët energjitik nuk mund të realizohet pa u vënë në funksionim linja 400 kw.
“Me përfundimin e linjës 400 kW do të përfundojë dhe puna për ndërtimin e këtij tregu të përbashkët. Kjo shënon dhe hapat e parë në drejtim të realizimit të një tregu të përbashkët dhe heqjes së barrierave mes dy vendeve për çdo produkt tjetër, veç energjisë elektrike”, tha ai.
Sipas Ismajlit, tregu i përbashkët energjitik Shqipëri-Kosovë do të pasohet me tregun e përbashkët të telekomunikimit.
8 komente në “Tregu i përbashkët energjitik/ Shqipëri-Kosovë, memorandum bashkëpunimi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Fantastike si per Shqiperine dhe per Kosoven
Menyra me e mire per te bashkepunuar dhe per te realizuar synimet shteterore qe kane te dyja shtetet.
ky eshte patriotizem!!!
Bashkepunim real midis dy shteteve , bravo
Qeveria Rama po ndermerr projekte bashkepunimi ne cdo fushe te rendesishme me Kosoven, Bravo
Kjo do te thote se me ne fund po ecet ne rrugen e bashkepunimit real.
eshte elezetshme kur lexon komentet (bravo!shume bukur!ky eshte shtet!fantastike !ju lumte ! e tralalaa)mos eshte vete qeveria qe boton keto komente??? ka dicka te vogel ketu se dardha e ka bishtin mbrapa……………..
Tani do cofin prej zilie Tourkopordhosi alias Tourkofagos dhe baba i tije
– Janullaqes.