Te fundit
Berisha: Kjo nuk është Kosova që e deshën familjarët e mi
26 Mars 2014, 19:47Rajoni
TEMA
Ka pritur gjatë kthimin e trupave të familjarëve, por 15 vjet më pas, mashkulli i vetëm i mbijetuar në masakrën ndaj familjes Berisha në Suharekë, Gramoz Berisha, thotë se nuk e ka menduar kështu këtë ditë.
Në ceremoninë ku ka varrosur vetëm gjysmën e familjarëve, Gramoz Berisha tha kjo nuk është Kosova që e deshën familjarët e tij.
“Unë nuk e kam pritur që kjo ditë të jetë kështu. Nuk kam pritur që të jetë e përgjysmuar. Pas 15 vjetësh ne ende jemi vetëm në gjysmë të rrugës. Në gjysmë të rrugës për të ndërtuar Kosovën që e deshën familjarët tanë që nuk janë më, në gjysmën e rrugës për të ndërtuar mirëqenien tonë. Për ironi, sot po rivarrosim vetëm gjysmën e familjarëve tanë”, tha Gramozi.
Më 26 mars të vitit 1999, forcat serbe shkaktuan ndaj familjes Berisha njërën nga padrejtësitë më të madhe kundër njerëzimit.
Në këtë masakër u vranë 48 burra, gra, fëmijë e pleq. 15 vjet pas, vetëm trupat e 24 anëtarëve të kësaj familje janë gjetur.
Trupat e të tjerëve ende mungojnë.
Gramoz Berisha foli me tone pozitive për të ardhmen.
Ai tha se kohëzgjatja nuk do t`i ligështojë, sepse ai dhe familjarët e tjerë do të qëndrojnë për ta zbardhur të vërtetën.
“Ky është fati ynë. Drejtësia vonon, por ajo do të vijë. Nuk do të jetë përgjysmë, por do të jetë e plotë. Ne nuk duhet të ligështohemi nga pritja që ndoshta është pak më e gjatë. Ne jemi mjaftueshëm të fuqishëm të përballemi me këtë fat. Ata që e shkaktuan padrejtësinë, duhet t’i frikësohen të ardhmes. Ne duhet t`i gëzohemi të ardhmes”, tha Gramozi./Express
6 komente në “Berisha: Kjo nuk është Kosova që e deshën familjarët e mi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje pikellim qe te kepute shpirtin, Mozi behu i fort, aty afer isha kur morre keta flamuj,po thuaj te gjithe i nifesha personalisht,sot edhe qielli qante mbi Suhareke.
-Pushoni te qet u qoft dheu i lehte.
Tragjedi e vertete, e njeh kete familje @z???
Bashkohemi me dhimbjen tuaj!Zoti te dhente force ta perballosh dhimbjen!
Nuk mbahen fjalime “POLITIKE” ne te tilla cermoni,aq me teper kur viktimat perbejne familje.
Vertet nje nga ngjarjet me te renda te luftes se Kosoves. Por forcat serbe u larguan me turp njehere e pergjithmone nga territori shqiptar. Te ardhmen e kane vete ne dore shqiptaret.
Wendy-B po e vertet i njof te gjithe,ishte nje tragjedi familjare,biles jam edhe lidhje gjaku,isha i ri dhe te njetat tmerre kam perjetuar dhe un .Fati e deshi te jem sot ne mesin e te gjalleve,por large atdheut.