Basha: Çdo paralele mes Kosovēs e Krimesë, e pavend dhe justifikime tē Putin

“Çdo paralele qē bēhet mes Kosovēs dhe Krimesë ēshtē e pavend dhe njē justifikim i Presidentit Vladimir Putin, i cili ende nuk e ka njohur pavarēsinē e Kosovēs”.

Kēshtu u shpreh Kryetari i Bashkisē sē Tiranēs Lulzim Basha gjatē fjalēs sē mbajtur në seancën solemne të Asamblesë Komunale të Deçanit, ku iu dorēzua zyrtarisht titulli “Qytetar Nderi”.

Pavarësia e Kosovës, sipas Bashēs, ka diktuar që sytë e të gjithë popujve të rajonit, përfshirë edhe atē serbë, të kthehen drejt Europës. Nē kētē kuadēr, kreu demokrat tha se ky është mesazhi më i mirë për të gjithë ata që e kundërshtuan, apo ende s’e kanë njohur shtetin e ri.

“Qytetarët e rajonit, përfshirë edhe serbët kanë kthyer sytë nga Europa. Ky është impakti që ka sjellë pavarësia e Kosovës, ky është mesazhi më i mirë pë rata që e kundërshtuan pavarësinë dje dhe për ata që nuk e kanë njohur akoma pavarësinë sot. Anëtarësimi i Kosovës dhe shteteve të tjera të Ballkanit në NATO dhe BE do i japë një fund të plotë dhe të merituar situatës konfliktuale në rajonin tonë dhe do të hapë perspektivën e një bashkëpunimi më të ngushtë, në të mirë të qyteteve dhe vendeve tona. Ata që deri dje kundërshtuan me gjithë forcën e tyre pavarësinë e Kosovës, ata që u përpoqën për të parandaluar mbrojtjen e civilëve shqiptarë nga agresioni genocidal serb, nga spastrimi etnik dhe nga instrumentet e tjera të tmerrshme të barbarisë e terrorit po e përdorin sot si alibi për të hequr paralele me veprimet e tyre që bien në kundërshtim të hapur me të drejtën ndërkombëtare”, theksoi Basha.

Nē vijim, kryebashkiaku Basha ka shprehur mirënjohjen e tij për dhënien e titullit “Qytetar Nderi” i Deçanit.

“Unë ju falënderoj për këtë nder të madh dhe ju them se ndonëse përherë jam ndier pjesë, siç jam, e familjes së madhe të shqiptarëve të Kosovës, nip Kosove, nip Peje, nip Drenice, ky nder i veçantë, përulësisht më zgjon ndienjën e madhe të përgjegjësisë, si i zgjedhur vendor i bashkisë së kryeqytetit, si qytetar i Tiranës, si shqiptar, një ndienjë e madhe përgjegjësie për të merituar plotësisht vlerën, domethënien, kuptimin e nderit të veçantë që më bëni sot.Më lejoni të them sot po ashtu, se e ndiej thellë në zemër se ky, përtej të qënit një nder personal, është një nderim, respekt, shenjë vëllazërie, dashurie për qytetarët e Tiranës dhe për mbarë qytetarët e republikës së Shqipërisë, ndaj më lejoni edhe njëherë t’ju falënderoj në emër të tyre, për këtë nder të madh e të veçantë”, deklaroi Basha.

Vizita e kryebashkiakut Basha në Deçan nisi me homazhet në nderim të heronjve të kombit në qendër të Deçanit dhe në kompleksin memorial të Ushtrisë Çlirimtare të Kosovës, në Gllogjan. Një manifestim i veçantë me titull: “Epopeja e Dukagjinit” ka mbyllur kremtimin e 15 vjetorit të ndërhyrjes së NATO-s në Kosovë dhe 16 vjetorit të epopesë së UÇK-së në Dukagjin.

Në këtë aktivitet përkujtimor, kryebashkiakut Basha, njëherësh kryetar i PD i është dorëzuar zyrtarisht titulli “Qytetar Nderi” i Deçanit, me motivacionin: “Për kontributin e dhënë për çështjen kombëtare dhe angazhimin diplomatik, për njohjen ndërkombëtare të shtetit të Kosovës”.

FOTOT/ “Mos harroni 1999” (dhe një përpjekje e rusëve për të ndryshuar historinë)

12:40 Rajoni

VIDEO/ Kamerat fiksojnë momentet e vjedhjes në një dyqan të Prishtinës

12:06 Rajoni

Publikohen FOTOT e martesës së Albin Kurtit

11:50 Rajoni

Rasmussen: Dallim i madh ndërmjet Kosovës dhe Krimesë

17:05 Rajoni

AAK: Peticionin kundër qeverisë e kanë nënshkruar afro 60 mijë qytetarë

17:00 Rajoni

Bushati nderohet me çmimin "Anëtar Nderi i LHK"

10:26 Rajoni

Protesta “Rri Hashim”

10:08 Rajoni

Rama në Kosovë për bashkëpunimin midis bizneseve

19:45 Rajoni

Serbët e Kosovës kundër krahasimit me Krimenë

18:14 Rajoni

“Luftë” në qendër të Pejës, vriten dy persona, plagosen pesë

18:10 Rajoni