Falja e gjobave/ Hysi: Gjobiteshin lokalet me miliona vetëm se pinin kafe deputetët e PS. Reagon Strazimiri

Komisioni parlamentar i Ligjeve u përfshi nga debatet mes deputetëve të pozitës dhe opozitës gjatë diskutimit të p/ligjit “Për faljen e dënimeve administrative në formën e gjobave, të vëna në bazë të kontrolleve dhe verifikimeve tatimore të kryera për periudhën 1 mars deri më 31 gusht 2013”. Projektligji, që propozohet për miratim, synon faljen e gjobave të vendosura, si pjesë e detyrimit tatimor, nga administrata tatimore ndaj tatimpaguesve, të cilat vetëm janë evidentuar dhe kontabilizuar në regjistrat tatimorë në mënyrë abuzive gjatë periudhës 1 mars – 31 gusht 2013. Bëhet fjalë për gjobat, si pjesë e detyrimit tatimor, të vendosura nga administrata tatimore ndaj tatimpaguesve, të cilat vetëm janë evidentuar dhe kontabilizuar në regjistrat tatimorë në mënyrë abuzive gjatë kësaj periudhe. Gjithashtu, gjobat që falen janë ato të vendosura për mos instalim të pajisjeve fiskale apo moslëshim të kuponit tatimor, të cilat për periudhën e mësipërme nuk janë paguar. Po ashtu, falen gjobat e vendosura të cilat, në momentin e hyrjes në fuqi të këtij ligji, janë ankimuar dhe janë në proces ankimimi administrativ apo në proces gjyqësor. 

Deputetët e opozitës kundërshtuan draftin me pretendimin se janë falur gjobat e përkrahësve politikë. Deputeti i PD-së Gent Strazimiri, u shpreh se përmes këtij projektligji po falen vetëm gjobat e bizneseve që përkrahin qeverinë.

“Është një propozim krejtësisht politik i bërë që gjatë fushatës elektorale  që do të thotë, po falni gjobat që i konsideroni abuzime. Që do të thotë keni dhe emrat përkatës që sipas jush kanë marrë gjoba në mënyrë abuzive dhe na qenkan njerëz që gjatë fushatës elektorale qenkan përfshirë në krahë të PS-së, qoftë edhe duke dhënë një ambient për të bërë takime. Ky është projektligji që sillni. Është bërë sigurisht me nxitim”, tha Strazimiri.

Reagimi i ligjvënësit demokrat erdhi pasi deputeti Pandeli Majko deklaroi se gjatë fushatës sapo Partia Socialiste organizonte një takim në një lokal apo ambient privat, të nesërmen në derën e subjektit shfaqeshin tatimorët.

“Mos bëjmë kështu, në Shqipëri jetojmë dhe jemi dhe e dimë sesi funksiononin gjërat. Sapo ne bënim një takim diku, të nesërmend shfaqeshin përfaqësuesit e tatimeve dhe vendosnin gjoba”, u shpreh Majko.

Kundër deklaratës së deputetit Strazimiri reagoi deputetja socialiste Vasilika Hysi, e cila kërkoi vënien para përgjegjësie të atyre që vendosën gjoba në mënyrë abuzive gjatë periudhës 1 mars deri më 31 gusht 2013.

“Unë Strazimiri kam heshtur kaq shumë sot sepse kudo që kishte shkel këmba ime në fushatë janë gjobitur njerëzit nga 50 milionë dhe 10 milionë vetëm se pija kafe në një lokal.Në ka gjë që ne duhet të bëjmë këtu në komision që të mos kemi më ligje të tilla, është pikërisht për t’i dhënë fund pikërisht asaj lloj gjuetie që mund të bëjë administrata tatimore dhe prandaj kemi mekanizmat e kontrollit parlamentar për të kontrolluar këto gjëra.  Në këtë kuadër , nëse ju mendoni  se duhen falur, në fakt duhen falur të gjithë gjobat e 8 viteve të qeverisjes suaj. Por unë jam dhe do të bëja një sugjerim që të çojmë në ndjekje penale të gjithë ata që kanë abuzuar”, theksoi Hysi

I pyetur nga deputetët e opozitës për arsyen e faljes së dënimeve administrative në formën e gjobave për periudhën 1 mars deri më 31 gusht 2013, përfaqësuesi i Ministrisë së Zhvillimit Ekonomik, Tregtisë dhe Sipërmarrjes, Zamir Stefani,deklaroi se nga kontrollet është konstatuar se në këtë periudhë ka pasur një fluks shqetësimesh nga biznesi.

Ndërkohë një tjetër p/ligj i miratuar në Komisionin e Ligjeve ishte ai “Për disa shtesa dhe ndryshime në ligjin nr. 8328,   datë 16.04.1998 “Për të drejtat dhe trajtimin e të dënuarve me burgim dhe të të paraburgosurve” të ndryshuar”.  “Unë e konsideroj me vend iniciativën e ardhur nga qeveria, pasi argumenti që kanë dhënë propozuesit e kësaj nisme, janë të qenësishme, qoftë nga pikëpamja e kostos, e plotësimit të standardeve, por dhe në zbatim të ligjit që merret  me trajtimin e të dënuarve”, tha deputeti Piro Lutaj.
Ndryshimet parashikojnë që institucionet e ekzekutimit të vendimeve penale janë publike ose private.  Funksionimi, administrimi, kontraktimi si dhe rregullat që përcaktojnë elementë të sigurisë në institucionet private të ekzekutimit të vendimeve të veprave penale përcaktohen në përputhje me legjislacionin në fuqi. Në institucionet private të  ekzekutimit të vendimeve penale vendosen të dënuar për të cilët është caktuar dënimi në maksimumi deri në 5 vjet burgim. Në institucionet private të  ekzekutimit të vendimeve penale nuk vendosen të dënuar që me vendim gjykate janë caktuar në burg të sigurisë së lartë ose masë sigurimi mbi 5 vjet.

Akuzat e PD ndaj policisë/ Lutaj: Sulmi i padrejtë, statistikat tregojnë sukses

16:08 Politika

Tahiri takon delegacionin parlamentar shqiptar/Shqipëria mbështetje për integrimin e Kosovës

15:48 Politika

Komisioni i Sigurisë debaton mbi ligjin për mjetet motorike/ Tahiri: Moratoriumi dëmtoi turizmin. Cdo mjet lundrues i regjistruar dhe me GPS

14:52 Politika

Zhduken dosjet e inspektimit të gjyqtarëve nga arkiva/ Ministria e Drejtësisë ngre padi

14:10 Politika

Vetëflijimi i 52 vjeçares në Korçë/ Basha: Prokuroria të çojë para drejtësisë përgjegjësit

14:05 Politika

Kërkesa e PD për seancë me Kodhelin/Braho: Akuzat, haluçinacione, nuk ka fakte

13:05 Politika

Luftimet në Siri/ Arrestohet organizatori i rekrutimit të shqiptarëve

12:57 Politika

Droga e kapur në Bari/ Ristani: Medalje e re në gjoksin e Tahirit, segmente të Qeverisë të përfshira në trafik

12:32 Politika

Përgjimet/Visho Ajazi Lika raporton më 22 Prill në Kuvend

12:20 Politika

Edi Rama: Këputëm një këmbë të krimit, atë që ishte në Ministrinë e Brendshme

11:28 Politika