Hetimi i policisë/ Komisioni mbyll punimet, PD paraqet raportin e saj: Të shkarkohet Didi

Deputetët e Partisë Demokratike, anëtarë të Komisionit parlamentar Hetimor për lëvizjet në Policinë e Shtetit, kërkojnë largimin e Artan Didi nga pozicioni i Drejtorit të Përgjithshëm të Policisë.

Pas paraqitjes së raportit nga ana e ligjvënësve të PS-LSI, Komisioni është njohur me variantin e propozuar nga opozita, ndërsa Kuvendit do t’i raportohet vetëm 1 raport.

Duke qenë se vlerësimet në raportet e paraqitura janë tërësisht të kundërta, shanset për një raport integral janë të pakta, çka do të thotë se Kuvendit do t’i paraqittet vetëm një variant, ai i hartuar nga mazhoranca parlamentare.

Kjo e fundit në raportin e saj prej 134 faqesh thekson se akuzuesit, të cilët pretendojnë për shkelje të emërimeve të drejtuesve të policisë, përpara se të hedhin tym mbi këto emërime, duhet të ngrenë akuzë ndaj ish-Ministrit të Brendshëm, sot President i Republikës, Bujar Nishanin, që në kundërshtim flagrant me ligjin ka emëruar në detyrë, tre ish-Zv/Drejtorë të Përgjithshëm të Policisë si Agron Kuliçajn, Dashamir Maçin dhe Anila Hoxhën.

Agron Kuliçaj, si Drejtor i Departamentit kundër Krimit të Organizuar dhe Krimeve të Rënda; Dashamir Maçi si Drejtor i Departamentit të Shërbimeve Mbështetëse dhe  Anila Hoxha, Drejtore e Departamentit të Trajnimit Policor rezultojnë se nuk kanë pasur as gjysmën e vjetërsisë në shërbim sipas kërkesave që parashikon Ligji për Policinë.

Mazhoranca ka bërë të ditur po ashtu se në bazë të raportit të SHKB-së të vitit 2013,  para se Qeveria “Rama” te merrte detyrën, ishte i konfirmuar degradimi i Policisë së Shtetit për moszbatimin e të gjitha kërkesave të udhëzimit “Për përdorimin e burimeve të informacionit, marrjen, administrimin, verifikimin dhe vlerësimin e të dhënave”.

Referencë tjeter është edhe Progres- Raporti i BE-së, që në mënyrë eksplicite në tetor 2013 ka parashtruar gjendjen, sidomos në fushën e luftës kundër krimit të organizuar, trafiqeve dhe krimit ekonomik.

Në raport me 3- mujorin e parë të vitit 2013 ka tregues tepër sinjifikativë në shumicën e veprave kriminale, rritjen e forcës goditëse të policisë për shumicën e veprave kriminale dhe trafiqeve të paligjshme, ç’ka bën krejtësisht të pavlefshme pretendimet dhe akuzat e opozitës për impakt negativ të reformës së nisur në strukturat policisë.

Raporti i opozitës

Duke iu referuar përfundimeve të raportit të hartuar nga PD, Kryetari i Komisionit Arben Ristani tha se situata në polici është alarmante. Raporti kërkon lirimin nga detyra të Drejtorit të Përgjithshëm të Policisë së Shtetit, Artan Didi, pasi nuk plotëson asnjë kriter për emërimin në këtë detyrë, ndërsa kërkoi të hetohet roli i tij në vdekjen e pasagjerit grek për ngjarjen e vitit ’99.

“Në momentin e emërimit të zotit Didi nuk kishim të depozituar asnjë dokument. Aksioni policor i drejtuar nga zoti Didi në 28 maj ‘99 është tregues i qartë i mungesës së profesionalizimit nga zoti Didi. Të hetohet roli i tij në vdekjen e pasagjerit të pafajshëm”, tha Ristani.

Raporti kërkon lirimin nga detyra e zv.Drejtorit të Policisë Altin Qata dhe rikthimi në detyrë i Muhamet Rrumbullakut. Në detyrë sipas këtij raporti duhet të kthehen edhe të gjithë ata efektivë policie të pushuar padrejtësisht nga puna. Sipas Ristanit në raportin voluminoz me 250 faqe u pyetën shumë dëshmitarë dhe u provuan faktet e mëposhtme:

Nuk provohet që ndryshimet e strukturës policore të jenë paraqitur për hetim nga drejtuesit e policisë.

Drejtori i Përgjithshëm nuk ka ngritur asnjë grup pune për ndryshimin e strukturave në polici.

Janë shkurtuar 80 funksione organike.

Emërimet në polici janë bërë me karakter politik.

Zoti Sokol Bizhga, zv/drejtori i Policisë së Shtetit nuk plotëson kriteret e parashikuar për të mbajtur këtë pozicion. Ndërsa disa drejtorë të policisë në qarqe, janë ripranuar në kundërshtim me kuadrin ligjor në fuqi, po asht edhe disa shefa komisariatesh janë ripranuar në kundërshtim me rregullat ligjore në fuqi.

Janë shkelur kriteret e gradave, shumë shefa policie nuk kanë gradën e duhur. 21 shefa komisariatesh nuk kanë gradën e duhur.

Deputetët e mazhorancës në këtë komision e cilësuan raportin të pavërtetë dhe të njëanshëm.

The Telegraph: Shqipëria e varfër ofron punë për Blair-ët

11:37 Politika

Statusi/ Këshilltari i kryeministrit, letër parlamenteve të vendeve të BE për integrimin

10:54 Politika

Der Standard: Merkel i premtoi Ramës se do ndërhyjë tek Holanda. Monika Kryemadhi mund të kandidojë për Tiranën

10:29 Politika

Edhe Agjencia Ndërkombëtare e Energjisë e mohon: Shqipëria nuk theu embargon me Iranin

10:06 Politika

Vritet në Siri një 35- vjeçar shqiptar/ Të afërmit: E veshi me perçe vajzën 1 vjeçe

09:55 Politika

Trafiku i drogës/ Dëshmitari: Piloti italian e njihte mirë zonën

09:37 Politika

BE: Gjykimi i 21 Janarit, kusht për statusin

21:43 Politika

Ndalohet për vjedhje punonjësi i SHISH, djali i ish- këshilltarit të Nishanit

21:23 Politika

INTERVISTA/ Peter Lucas: Rishfaqjet e Enver Hoxhës tregojnë dështimin e politikës në Shqipëri

15:27 Politika

Prokuroria mbyll çështjen e pallatit të Linda Ramës: Nuk ka vepër penale

14:02 Politika