Te fundit
Veliaj apel bizneseve: Aplikoni për të përfituar nga Fondi i Nxitjes së Punësimit (VIDEO)
12 Maj 2014, 14:08Sociale
TEMA
Ministri i Mirëqenies Sociale dhe Rinisë Erion Veliaj ka ftuar të gjitha bizneset që deri në datën 25 maj të aplikojnë për të përfituar nga Fondi i Nxitjes së Punësimit. Gjatë një vizite në kompaninë e tekstilit “A-M Tekstil” në qytetin e Cërrikut, Veliaj nënvizoi se fondi i punësimit është një mundësi e mirë për të gjitha bizneset e vogla që duan të rriten.
“Është e rëndësishme të aplikoni tani që kemi çelur Fondin e Nxitjes së Punësimit. Që do të thotë se qeveria mund t’ju mbështesë duke u paguar katër muaj rrogë dhe sigurimet shoqërore për një vit çdo punëtori të ri që fillon punë. Këto janë disa para që qeveria i ka vënë mënjanë për të ndihmuar njerëz si ty, që e kanë filluar nga zero, me krahët e tyre”, iu drejtua z. Veliaj presidentit të kompanisë “A-M Tekstil”.
Ai vuri në dukje se kjo nuk është një ndihmë e vogël për ato biznese të vogla që duan të zgjerojnë aktivitetin e tyre.
“Ne nuk targetojmë kompani që kanë 1.000 apo 2.000 punëtorë, sepse tashmë ky biznes quhet i konsoliduar, por një biznes familjar që kërkon të shtohet me 2, 3 apo 5 vetë. Kështu, kemi mundësi që një pjesë të madhe të kostos ta shlyejmë nëpërmjet Fondit të Nxitjes së Punësimit, prandaj të ftoj që të aplikosh deri në 25 maj”, u shpreh ministri Veliaj.
Këtë vit, qeveria ka trefishuar Fondin e Nxitjes së Punësimit në 2.7 milion dollarë, nga e cili do të përfitojnë ato kompani që do të punësojnë punëtorë nga kategori të ndryshme, sidomos gra e vajza, të rinj, persona me aftësi të kufizuara ose nga komuniteti rom dhe egjiptian. Fondi për nxitjen e punësimit përbëhet nga gjashtë programe të ndryshme, që mbështesin krijimin e vendeve të reja të punës duke subvencionuar punëdhënësit me pagesën e sigurimeve shoqërore për një vit dhe katër paga për çdo punonjës të punësuar.
2 komente në “Veliaj apel bizneseve: Aplikoni për të përfituar nga Fondi i Nxitjes së Punësimit (VIDEO)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kam pare pak strategjine e nxitjes dhe me pelqen! me shume ne fakt me pelqen fakti qe keni punesuar ne dikasteret perkatese te shtresave ne nevoje njerez nga keto shtresa! bravo more djale.
te lumte o King