Te fundit
Miratohet krijimi i KEK/ Koçi: Garant për partneritetin publik-privat dhe rritjen e transparencës
19 Maj 2014, 19:50Ekonomia
TEMA
Komisioni për Veprimtaritë Prodhuese, Tregtinë dhe Mjedisin, miratonprojektligjin “Për krijimin e Këshillit Ekonomik Kombëtar” , si një strukturë e re me një entitet juridik më vete. Relatori i projektligjit Ervin Koçi theksoi se qëllimi i kësaj nisme ligjore është garantimi i bashkëpunimit institucional dhe të partneritetit publik -privat për zhvillimin e politikave ekonomike, për garantimin e dialogut dhe këshillimit ndërmjet organeve të administratës shtetërore dhe sektorit privat, si dhe rritjen e transparencës në vendimmarrjen publike dhe përfaqësimin e sektorit privat në këtë proces.
“Ky ligj ka për qëllim formimin e Këshillit Ekonomik Kombëtar dhe përcakton parimet e procedurat, në bazë të të cilave do të zhvillohet e do të bazohet procesi i dialogut dhe i këshillimit në KEK. Për të realizuar qëllimin e saj, kjo strukturë e re do të ketë një entitet juridik më vete, që parashikohet nga ky projektligj, ku sanksionohen krijimi i kësaj strukture, mënyra e funksionimit dhe e vendimmarrjes deri te shqyrtimi i kërkesave që vijnë jo vetëm nga qeveria, por dhe nga komuniteti i biznesit e përfaqësuesit e tyre. E gjithë kjo strukturë do të funksionojë mbi bazën e transparencës dhe veprimtaria e saj do të mbështetet në ligj. i gjithë informacioni i duhur do të publikohet në një faqe zyrtare në mënyrë periodike dhe të hapur për publikun dhe palët e interesuara”, tha deputeti Koçi.
Në ndryshim nga ligji “Për këshillin konsultativ të biznesit” që shfuqizohet, projektligji “Për krijimin e Këshillit Ekonomik Kombëtare” parashikon, ndër të tjera, detajimin e punës së KEK në drejtim të mbështetjes së dialogut privat-shtet dhe në mbështetje të qeverisë e Kuvendit në veprimtarinë ligjvënëse dhe në përcaktimin e politikave; detajimin e pjesëmarrësve në takimet të këtij Këshilli dhe mënyrën e përzgjedhjes së tyre; shtimin e të ftuarve që përbëhen nga institucione prestigjioze si FMN, IFC, EBRD dhe BB; kryesimin e këshillit nga Kryeministri dhe mbështetjen e buxhetit të këtij këshilli tashmë jo nga buxheti i shtetit, por nga donacione, sponsorizime dhe burime të tjera të ligjshme
1 komente në “Miratohet krijimi i KEK/ Koçi: Garant për partneritetin publik-privat dhe rritjen e transparencës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk duhet ta drejtoj Kryeministri sepse do te thota qe eshte ai qe dikton dhe vendos ndersa privatet dhe ekspertet vetem sygjerojne (duke u munduar te mos merzisin ate). deri sa atje hartohen politika qe I paraqiten Qeverise , pra ajo pas kesaj vendos , ne krye duhet te jene autoritate qe nuk varen nga Qeveria.
Te tllla grupe(per çeshtje dhe grup problemesh) ngrihen ne France me autoritete ne fushen e ekonomise dhe parneret e tjere. ata I paraqesin Qeverise raporte me studime e propozime.
Ne Itale Renzi e zhduku CNEL-in Keshilli Kombetar I Ekonomise dhe Punes.