Te fundit
Falja e gjobave ndaj bizneseve, ligji hyn në fuqi më 31 maj/ Kategoritë që përfitojnë dhe ato që përjashtohen
17 Maj 2014, 11:03Ekonomia
TEMA
Në fund të muajit maj hyn në fuqi ligji për faljen e gjobave të vendosura nga administrate tatimore, qendrore apo vendore, ndaj tatimpaguesve, për periudhën 1 mars – 31 gusht 2013. Ligji i miratuar në Kuvend në mesin e muajit prill u dekretua nga Kreu i Shtetit pak ditë më parë, ndërsa hyrja në fuqi e tij nis më 31 Maj, dy javë pasi është botuar në Fletoren Zyrtare.
Sipas nenit 3 të ligjit, falen gjobat e vendosura si pjesë e detyrimit tatimor, që janë të evidentuara sipas datës së nxjerrjes së njoftim-vlerësimit (akti administrativ) ose të kontabilizuara në regjistrat e administratave tatimore, qendrore dhe vendore, gjatë periudhës 1 mars deri më 31 gusht 2013, ndaj tatimpaguesve, persona juridikë apo persona fizikë, të regjistruar në administratat tatimore. Po kështu falen gjobat e vendosura, që janë evidentuar, të cilat në momentin e hyrjes në fuqi të këtij ligji, janë ankimuar dhe janë në proces ankimi administrativ apo në proces gjyqësor. Të gjithë tatimpaguesit që janë dënuar me gjobë administrative për punonjës të padeklaruar apo të deklaruar me vonesë, për mosinstalim të pajisjeve fiskale apo moslëshim të kuponit tatimor ose moslëshim të biletave, u falen shumat e gjobave të vendosura.
Përfitojnë nga ky ligj të gjithë tatimpaguesit, persona fizikë dhe juridikë, të regjistruar në administratat tatimore, qendrore dhe vendore, dhe që janë debitorë për detyrimet tatimore të përcaktuara në një nga kategoritë e mësipërme.
Në nenin 4 të ligjit përcaktohen kategoritë të cilat nuk përfitojnë nga falja. Kështu përjashtohen nga falja e çdo dënimi administrativ (gjobës), masa e tatimit dhe kamatëvonesat. Gjithashtu përjashtohen nga falja gjobat , të cilat janë të llogaritura dhe të regjistruara automatikisht nga sistemi informatik i tatimeve, për shkak të shkeljeve të dispozitave të ligjit nr. 9920, datë 19.5.2008, “Për procedurat tatimore në Republikën e Shqipërisë”, të ndryshuar.
Në ligj përcaktohet edhe mënyrat sesi do të rimburohen gjobat e paguara. Kështu subjekteve që kanë bërë pagesat e gjobave, të cilat falen, u rimbursohen në masën 100 përqind shumat e paguara të gjobave, sipas radhës së datës së pagesës së bërë.
2 komente në “Falja e gjobave ndaj bizneseve, ligji hyn në fuqi më 31 maj/ Kategoritë që përfitojnë dhe ato që përjashtohen”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
————————————————————————
Nje pjese e ketyre Bizneseve jane te
kriminelit Ali Bisha qe dalin apo shkojne
pas ne mitingje.
Beni kujdes, se parate keta ja kane dhene
kriminelit Ali Bisha per fushata.
————————————————————————
Kur bota e krimit dhe e korrupsionit riciklohet ne te tria pushtetet nen moton “nga i jati,tek i biri dhe nje djalle e gjysem”,vetem ligje per te grabitur taksapaguesit shqiptare prodhojne ato.
Dita e gjykimit po afron,kjo palo politik vazhdon me legjiken e vjeter duke grabitur ne menyren me demostrative shqiptaret.Marri e shkuar marrise.