Te fundit
Tatimet: Te ardhurat në 4 mujorin e parë, 5 miliardë lekë më shumë
20 Maj 2014, 18:14Ekonomia
TEMA
Drejtoria e Përgjithshme e Tatimeve publikoi realizimin e mbledhjes së të ardhurave për muajin prill 2014 dhe 4-mujorin, duke theksuar se “për muajin prill 2014, si dhe për 4-mujorin, Administrata Tatimore arriti tregues të lartë në mbledhjen e të ardhurave, në përmbushje të detyrave të ngarkuara dhe programit të Qeverisë Shqiptare”.
“Totali i të ardhurave të mbledhura për muajin prill është 14 miliardë e 849 milionë lekë, dhe krahasuar me të njëjtën periudhë të vitit të kaluar kjo shifër, e mbledhur fakt, është 1.6 miliardë lekë më shumë ose një rritje prej 12.34%”, thuhet në deklaratën e tatimeve.
Sipas zërave kryesorë të të ardhurave të mbledhura rezulton se Kontribute të Sigurimeve Shoqërore, Drejtoria e Tatimeve thekson se, “janë mbledhur 5 miliardë e 933 milionë lekë ose 662 milionë lekë më shumë se muaji prill 2013, duke realizuar një rritje prej 12.57 % më shumë se kjo periudhë e mëparshme”.
TVSH, janë mbledhur 3 miliardë e 164 milionë lekë ose rreth 376 milionë lekë më shumë se muaji mars 2013. E shprehur në % kjo shifër është 13.48% më shumë se e njëjta periudhë e vitit të kaluar.
Tatim mbi Fitimin, gjatë muajit prill janë mbledhur 1miliard e 618 milionë lekë, 50.6% më shumë ose rreth 543 milionë lekë më shumë se muaji prill 2013. Krahasuar me periudhën 4-mujore janar – prill të vitit 2013, të ardhurat e mbledhuar në total gjatë muajve janar – prill 2014, janë 57 miliardë e 139 milionë lekë, 9.7 % ose mbi 5 miliardë lekë më shumë se janar – prill 2013.
Totalin e të ardhurave të mbledhura më shumë për këtë periudhë, e përbëjnë më shumë se 1.5 miliardë lekë më shumë TVSH ose rreth 15% me shumë, më shumë se 1.5 miliardë lekë ose 23.5% më shumë Tatim mbi Fitimin, 1.4 miliardë lekë më shumë ose 7.8 % më shumë Kontribute të sigurimeve shoqërore etj.
5 komente në “Tatimet: Te ardhurat në 4 mujorin e parë, 5 miliardë lekë më shumë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po ndonje ze minus kush eshte, se me keto perqindje i bie te jene rritur shume me teper se 5 miliarde te ardhurat!!!
Bravo per punene fantastike,. era shtet
Me vjen mire qe po behen gjerat si ne gjithe vendet qe duan te ecin perpara
Tashme te ardhurat nga tatimet shkojne ne arken e shtetit,jo si me perpara qe shkonin per te mbushur xhepat e saliut dhe servilave te tij, te pakten jemi me te qete kur e dime qe kemi shtet qe nuk mendon per te mbushur xhepat e tij
Bie ere shtet, ju lumt