Sezoni turistik, gjoba deri në heqjen e licencës për kundravajtësit e mjeteve lundruese

Qeveria pritet të miratojë aktet ligjore në lidhje me zbatimin e ligjit për mjetet lundruese me tonazh nën 20 NT në prag të sezonit turistik. Pas miratimit të ndryshimeve ligjore dhe hyrjes në fuqi të tyre në lidhje me rregullat që duhet të përdorin mjetet lundruese , si dhe ato sportive, Qeveria duhet të përcaktojë mënyrën sesi mjetet lundruese të pajisen me GPS, pajisjet e shpëtimit, me sinjalet ndriçuese për lundrimin natën, me pajisjen me radio ndërlidhjeje, të sintonizuar në frekuencat e ndihmës detare. Shkelja e detyrimeve të parashikuara në nenin 4, të këtij ligji, përbën kundërvajtje administrative, dënohet me gjobë nga 10 000 (dhjetë mijë) deri në 50 000 (pesëdhjetë mijë) lekë dhe me heqje të dëshmisë së aftësisë për drejtim të mjetit lundrues. .Në rast se kundërvajtja administrative, e parashikuar në pikën 1 të këtij neni, përsëritet, mjeti lundrues sekuestrohet.Konfiskimi i mjeteve bëhet sipas rregullave dhe afateve të parashikuara në legjislacionin në fuqi për kundërvajtjet administrative.

Gjobat dhe masat e tjera administrative

Ndryshimet ligjore parashikojnë që mjetet lundruese të cilat do të shkelin rregullat apo nuk garantojnë sigurinë e pushuesve në plazhe publike dhe jopublike do të gjibiten nga 100 mijë deri në 200 mijë lekë, masë kjo që do të shoqërohet dhe me heqje të dëshmisë së aftësisë për drejtimin e mjedit lundrues. Në rast se shkeljet përsëriten, atëherë shkohet deri në sekuestrimin e mjetit.  Kjo përcaktohet në ndryshimet ligjore në ligjin “Për regjistrimin, klasifikimin, mënyrën e përdorimit dhe  kontrollin e mjeteve lundruese me motor, me tonazh nën 20 NT”. Shkelja e kushteve për ushtrimin e aktivitetit të rregullt e të sigurt me mjetet lundruese e për mënyrën e përdorimit të tyre për qëllime argëtimi e sportive, sipas nenit 4/a të këtij ligji, përbën kundërvajtje administrative dhe dënohet me gjobë nga 100 000 deri në 200 000 lekë, si dhe me sekuestrim të mjetit lundrues.

Në prag të nisjes së sezonit turistik, ndryshimet e miratuara nga Kuvendi kanë hyrë në fuqi dhe pritet që në mbledhjet e afërta të Këshillit të Ministrave të përcaktohen kushtet për ushtrimin e aktivitetit të rregullt e të sigurt me mjetet lundruese, mënyra e përdorimit të tyre për qëllime argëtimi e sportive dhe rregullat për sigurinë e pushuesve në plazhet publike dhe jopublike, në bregdet apo në ujërat e brendshme në thellësi të territorit. Sipas ligjit, mjetet lundruese duhet të jenë të pajisura me GPS, një masë sigurie kjo për lokalizimin e mjetit në raste të aksidenteve ujore apo humbjes në det.

“Mjetet lundruese duhet të respektojnë rregullat e regjimit të lundrimit në det, liqene, lumenj, rezervuarë dhe përrenj, duke përfshirë dhe normat që lidhen me pajisjet e shpëtimit, me sinjalet ndriçuese për lundrimin natën, me pajisjen me radio ndërlidhjeje, të sintonizuar në frekuencat e ndihmës detare, si dhe me sistemin për lokalizim gjeografik, GPS.””, përcaktohet në ndryshimet ligjore të miratuara. Në kuptim të këtij ligji, mjet lundrues konsiderohen mjetet lundruese me motor, me tonazh nën 20 NT, duke përfshirë edhe ato që përdoren për qëllime argëtimi e sportive, të klasifikuara si të tilla nga Regjistri i Mjeteve Lundruese Shqiptare ose nga institucionet korresponduese të shteteve të tjera.”. Ky ligj zbatohet për mjetet lundruese, objekt i këtij ligji, që mund të përdoren në det, liqene, lumenj, rezervuarë dhe përrenj”.

Ankimi administrativ

Ndaj masave administrative me gjobë, të marra në bazë të këtij ligji, kundërvajtësi mund të bëjë ankim brenda 5 ditëve te drejtori rajonal për kufirin dhe migracionin, i cili vendos brenda 15 ditëve nga data e paraqitjes së ankimit. Ndaj masës administrative të sekuestrimit, të marrë në bazë të këtij ligji, kundërvajtësi mund të bëjë ankim brenda 5 ditëve te Drejtori i Përgjithshëm i Policisë së Shtetit, i cili vendos brenda 15 ditëve nga data e paraqitjes së ankimit. Ndaj vendimeve të marra, kundërvajtësi mund të bëjë ankim në gjykatën kompetente, në përputhje me rregullat dhe afatet e parashikuara sipas legjislacionit në fuqi për kundërvajtjet administrative”. Ngarkohet Këshilli i Ministrave që, brenda 2 muajve nga dita e hyrjes në fuqi të këtij ligji, të nxjerrë aktet nënligjore në zbatim të nenit 4 të këtij ligji.

Përmet, Arta Dade shpallet ‘Qytetare Nderi’

21:38 Politika

Greva e urisë/ Basha: Rama po luan me fatin e njerëzve

21:35 Politika

Lobimi i fundit për statusin e vendit kandidat

20:14 Politika

Kongresi i Përmetit/ Berisha: Klika punisto-mafioze festoi me Enver Hoxhën

19:42 Politika

Hetimet, zbardhet trafiku i klandestineve nga Shqipëria në SHBA kundrejt 15 – 25 mijë dollarëve

16:29 Politika

Vasil Bollano: Për Himarën jemi gati ta braktisim Qeverinë

15:11 Politika 1 koment

“U pushuam si fis brenda një jave për një shkrim për Argitën”

15:07 Politika

Rexhep Qose: Konflikti politik pas 23 qershorit, është bërë patologjik

15:01 Politika

Belgjika, “avokate” e Shqipërisë: Vendet skeptike do binden për statusin

14:45 Politika

Nishani e refuzoi, Qeveria e emëron Ndrecën në Vatikan

14:15 Politika