Lorik Cana në altar: Do dëshiroja të rrija tek Lacio, por…

Kapiteni i Kombëtares shqiptare, Lorik Cana, do kurorëzohet në martesë këtë fundjavë me të fejuarën e tij italiane, Monika. Por, përveç kësaj, ai shpreson që të rregullojë edhe marrëdhëniet me klubin, kjo nisur më së shumti nga pasiguria e krijuar jo vetëm me atë, por edhe me lojtarë të tjerë gjatë edicionit të shkuar. Në një intervistë për mediat italiane, pas ndeshjes me Hungarinë, ai ka bërë një rezyme të kësaj miqësoreje, duke folur për Etrit Berishën.

Pas Hungari-Shqipëri, pavarësisht rezultatit, kjo ishte një ndeshje në prag të kualifikimeve të EURO 2016. Sa mundësi ka sipas jush Shqipëria për të shkuar në këtë kompeticion?

Duke parë rritjen që bëmë edicionin e shkuar në kualifikimet e Botërorit, me shumë lojtarë të rinj që u futën në skuadër dhe pavarësisht se në fund nuk arritëm të kualifikoheshim, them se bëmë një edicion pozitiv. Tani të provojmë që të ngrihemi mbi këto baza, me këta lojtarë të rinj dhe të bëhemi gati për ndeshjen e parë ndaj Portugalisë, e cila natyrisht do jetë shumë e vështirë. Kemi të paktën tri-katër ndeshje shumë të vështira në një grup me pesë skuadra, të gjitha shumë të forta (Portugalia, Danimarka, Serbia, Armenia). Ne duhet vetëm të punojmë për të qenë sa më në formë që të jetë e mundur.

Berisha erdhi si zëvendës i Marketit, por i surprizoi të gjithë, mendon se ai do jetë Nr.1 i Lacios?

Kur erdhi te Lacio, nuk kisha dyshime për cilësitë e tij. E kisha parë me Kombëtaren, teksa bënte pritje të jashtëzakonshme. Por, të vish nga Suedia në Itali, ka një ndryshim, të cilin ai diti ta neutralizojë falë talentit që ka. Berisha thjesht nxori në pah talentin e tij, madje edhe më shpejt nga çfarë ishte parashikuar, duke treguar se është një portier i perspektivës dhe një nga më të mirët në Europë. Madje pas pak vitesh besoj se do ta shikojmë që të ngrihet edhe më shumë.

Ti ke qenë kapiten në shumë skuadra, sa e rëndësishme është për një lojtar mbështetja nga tifozët në momentin kur pritet të bëhet edhe një zgjedhje sa i përket të ardhmes?

Mendoj se në çdo klub, për çdo lojtar, në çdo lloj ambienti, harmonia mes klubit dhe tifozëve është shumë e rëndësishme. Por kjo nuk është në rastin konkret te Lacio, por gjithkush duhet të provojë të bëjë detyrat që i takojnë: ne në fushë, klubi në anën tjetër dhe tifozët në shkallët e stadiumit. Me mbështetjen e tyre mund të bëjmë ndeshje të bukura dhe jo vetëm kur është derbi. Ka qenë dhe mbetet një çështje e komplikuar kjo marrëdhënie kohët e fundit, por unë mendoj se gjithkush duhet të bëjë punën e vet në mënyrën më të mirë të mundshme: ne si lojtarë, drejtuesit dhe tifozët. Të shpresojmë që ato probleme të hasura gjatë kësaj kohe të zgjidhen sa më shpejt të jetë e mundur, pasi mendoj se askush nuk është i lumtur me këtë situatë.

Së shpejti martesa, je i emocionuar? Si ndihesh?

Mendoj se është një gjë që e bëjnë të gjithë. Nëse je i dashuruar, ndihesh i lumtur. Është një hap që e bën gjithkush dhe unë uroj e mundohem që të ardhmen ta shikoj gjithnjë me pozitivitet. Dhe jo vetëm për veten, por për gjithë familjen. Uroj që të qëndroj edhe te Lacio, pastaj të shikojmë se çfarë do të ndodhë.

Shqipëria fiton 4 pozicione në renditjen e FIFA-s

15:58 Sport

Mavraj bën fushatë për radikalistin mysliman, që është kundër Skënderbeut e Nënë Terezës

15:12 Sport

Erikson: Anglia do ta fitojë Botërorin? Mos më bëni të qesh

14:50 Sport

Ilir Azemi i hap derën Shqipërisë: Dua të luaj kundër Serbisë

14:46 Sport

Murinjo “ndryshon” mendje: Finalja e Botërorit, Portugali-Angli

15:21 Sport

Një stadium i mbushur me tifoza…kartoni (FOTO)

15:16 Sport

Pas Lacios, edhe Torino në gjurmët e Elseid Hysaj

14:54 Sport

Te Anglia janë duke menduar për penalltitë

14:51 Sport

Murinjo: Italia do të jetë finaliste në Botëror, ka shanse dhe për ta fituar

18:21 Sport

FederBet konfirmon trukimet në Superiore (vetëm FSHF nuk di gjë)

17:07 Sport