Veliaj në Gjenevë/ Shqipëria për herë të parë anëtare e bordit të ILO-s

Ministri i Mirëqenies Sociale dhe Rinisë, Erion Veliaj, mori pjesë në punimet e Sesionit të 103-të të Organizatës Ndërkombëtare të Punës (ILO) në Asamblenë e Përgjithshme të OKB-së në Gjenevë, ku Shqipëria u zgjodh, për herë të parë në histori, anëtare e bordit drejtues të ILO-s, me më shumë se 400 vota.

Që në krye të fjalës së tij, Veliaj tha se ndihet krenar për progresin e dukshëm që Shqipëria ka bërë këto muaj me modernizimin e zyrave të punës dhe reformën e pensioneve.

Duke falenderuar ILO-n për ndihmën e rëndësishme që ajo ka dhënë në promovimin e dialogut social, mbrojtjen shoqërore dhe përpjekjet për të zbutur udhën drejt një ekonomie dhe tregu formal pune, Veliaj u shpreh se programi i Qeverisë i kushton vëmëndje të madhe çështjeve sociale dhe e cilëson si prioritet hapjen e vëndeve të reja të punës.

Sipas tij, Strategjia Kombëtare për Punësim dhe Aftësi 2014-2020, e hartuar së fundi nga MMSR-ja, është një dokument i vyer i cili integron politikat ekonomike me politikat arsimore dhe sipërmarrëse me qëllim rritjen e punësimit dhe kalimin në një treg aktiv të punës.

“Duke i kthyer sytë nga arsimi dhe formimi profesional po ndërmarrim një tjetër reformë të rëndësishme, e cila synon të aftësojë qytetarët shqiptarë në mënyrë që ata të rrisin mundësitë e tyre për punësim. Vitet e kaluara, sistemi ynë arsimor ka prodhuar studentë me diploma, por jo studentë me aftësi të nevojshme për të gjetur një punë. Prandaj, me këtë strategji synojmë të ngushtojmë hendekun midis kërkesës së tregut të punës dhe aftësive që u ofrojmë të rinjve tanë”, u shpreh Veliaj në konferencën e ILO-s, duke shtuar se efektet e para të strategjisë janë ndjerë me hapjen e zyrave të reja të punës.

Nga ana tjetër, Veliaj përmendi vendosmërinë për të forcuar skemat e mbrojtjes sociale dhe reformën e pensioneve. Sipas tij, skema aktuale e pensioneve vuan nga shumë probleme dhe financiarisht është e paqendrueshme, duke sjellë përfitime të uleta dhe informalitet të lartë, cka në të ardhmen të moshuarit rrezikojnë të mbeten pa pensione.

“Reforma që kemi nisur synon të rregullojë të gjitha këto probleme, së pari për të sjellë më shumë përfitime për të moshuarit e nesërm, uljen e informalitetit dhe rritjen e kontributeve”, tha ai.

Më shumë se 500 delegate ndoqën punimet e konferencës se Organizatës Ndërkombëtare të Punës në Asamblenë e Përgjithshme të OKB-së në Gjenevë, ku përfaqesues të qeverive dhe sindikatave të shumë vendeve të botës diskutuan mbi çështjet e punësimit dhe emigracionit.

Të gjithë sytë tek BQE/ Vendosen norma negative interesi për të nxitur kreditimin

19:37 Ekonomia

Panariti: Nafta pa akcizë për serat me ngrohje

18:44 Ekonomia

Crown Agents: Në 7 javë zbuluam 350 raste të shmangies nga detyrimet doganore

18:39 Ekonomia

Miliona euro për invalidët e rremë/ BB: Në vitet 2000-2013 u rrit në mënyrë fiktive numri i përfituesve

16:08 Ekonomia

Ligji i ri për ish-të përndjekurit/ Veliaj: Femrat dhe personat mbi 75 vjeç dëmshpërblehen të parët

16:39 Ekonomia

Rezolutë e komisionit të ekonomisë për BSH: Të frenohet largimi i parave nga vendi

16:12 Ekonomia

Gjiknuri viziton Azerbajxhanin, ndërsa Total dhe E.ON tërhiqen nga gazsjellësi TAP

12:29 Ekonomia

CEZ, Qeveria e Berishës injoroi çështjen gjyqësore (dhe tashmë Shqipëria rrezikon një gjobë të majme)

16:46 Ekonomia

Shkodër/ Meta përuron Qendrën e re të Formimit profesional: Kjo është Shqipëria e vërtetë

14:32 Ekonomia

BB: Ekonomia ka pësuar çekuilibrime makro- fiskale, duhet rregulluar urgjentisht arsimi

18:36 Ekonomia