Te fundit
Skandali në Gjykatën e Pukës/ Prokuroria kërkon burg për sekserin, avokatët dhe sekretaret
30 Qershor 2014, 19:36Kronika
TEMA
Prokuroria e Shkodrës ka paraqitur pretencën për pesë të pandehur në një nga skandalet më të mëdha të drejtësisë shqiptare.
Bëhet fjalë për atë që njihet si skandali i Gjykatës së Pukës dhe që u dokumentua nga emisioni investigativ “Fiks Fare”.
Skandali tregoi se sistemi i drejtësisë është kaq i kalbur dhe i korruptuar, duke nisur nga sekretaret, avokatët, prokurorët dhe gjyqtarët.
Prokuroria e Shkodrës, pas procesit me gjykim të shkurtuar, ka kërkuar deklarimin fajtor dhe dënimin me 20 muaj burg për sekserin Defrim Prençi; deklarimin fajtor për avokatët Fran Dashi dhe Fariz Xhurxhi dhe dënimin e tyre me 2 vite burg; si dhe deklarimin fajtor dhe dënimin me nga 6 vite burg për sekretaret Liljana Shkjau dhe Meliha Kukaj.
Ndërkohë po vazhdon gjykimi me procedurë normale për ish- kryetarin e Gjykatës së Pukës, Shtjefën Lleshi dhe ish- drejtuesin e Prokurorisë së Pukës, Pëllumb Prençi.
Gjithçka nisi pas arrestimit të gjashtë anëtarëve të një familje në Fushë Arrëz, që po protestonin kundër një firme.
Një familjar i tyre vendosi të dokumentojë kalvarin në shkallët e drejtësisë, duke regjistruar me kamera të fshehtë.
4 komente në “Skandali në Gjykatën e Pukës/ Prokuroria kërkon burg për sekserin, avokatët dhe sekretaret”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
a di njeri perse sekretaret denohen me shume se avokatet qe ne fund te fundit jane destinacioni kryesor i parave?
sekretaret duhet te denohen me nga 2 vjet ndersa te tjeret sekser-avokat e gjykates me nga 6-10 vjet
ja nje deshmie e qarte e deshtimit te sistemit te drejtesise ne Shqiperi…http://goo.gl/wEgJxw
Pellumb Prenci eshte dhendri i ish kryetarit te gjykates shkoder dhe burri i prokurores ne prokurorine e shkodres qe jane femijet e nje te denuari per korrupsion qe ne 2008… Familje kampion kombetar per korrupsion!!