Pastrimi i parave/ Gazheli i prezanton Arvizu arritjet në sekuestrimin e fondeve të dyshimta

Drejtor i Përgjithshëm i Drejtorisë së Parandalimit të Pastrimit të Parave (DPPPP) Genti Gazheli priti në një takim pune Ambasadorin e Shteteve të Bashkuara në Tiranë, Alexander A. Arvizu.

Gazheli prezantoi në mënyrë të përmbledhur punën e bërë nga kjo drejtori që prej krijimit të saj, funksionet si një Njësi e Inteligjencës Financiare e tipit administrativ, rolin që ajo luan në mbledhjen, analizimin dhe shpërndarjen e informacionit që lidhet me pastrimin e produkteve të veprës penale dhe financimit të terrorizmit në agjencitë kompetente në vend, bllokimin dhe më pas sekuestrimin e fondeve të dyshuara si të prejardhura nga akte kriminal, bashkëpunimin ndërkombëtar më njësitë partnere, aktivitetin në drejtim të zbatimit të rekomandimeve të Grupit të Posaçëm të Veprimit Financiar (FATF) dhe përmbushjen e detyrimeve ligjore në drejtim të përputhshmërisë së subjekteve raportuese.

Në takim u diskutua gjithashtu mbi bashkëpunimin e deritanishëm të kësaj drejtorie me Njësinë e Inteligjencës Financiare të Shteteve të Bashkuara (FINCEN), mbështetjen e vazhdueshme që Ambasada e SHBA ka ofruar në kuadrin e OPDAT dhe përafrimit të legjislacionit shqiptar në fushën e masave kundër financimit të terrorizmit, bashkëpunimi ndërinstitucional në kontekstin e funksionimit të Njësive të Përbashkëta Hetimore pranë prokurorive të rretheve gjyqësore në disa rajone të vëndit tonë si dhe roli në rritje i njësisë në shkëmbimin efektiv të informacionit përfshirë çështjet që kanë të bëjnë me financimin e terrorizmit në nivel ndërkombëtar.

Gjatë këtij takimi të dy palët e vunë theksin në nevojën e rritjes së kapaciteteve njerëzore të DPPPP dhe rolin që Ambasada e SHBA mund të luajë në këtë kontekst me qëllim intensifikimin e mëtejshëm të aftësisë së saj parandaluese dhe mbështetjes që ajo ofron për Prokurorinë dhe Policinë e Shtetit.

ILDKPI kallëzon penalisht ish-drejtorin e Drejtorisë Rajonale të Shërbimit Social Gjirokastër

14:28 Kronika

Akuzohet për trafik droge nga policia zvicerane/ I sekuestrohen pasuritë në Tiranë e Durrës

12:49 Kronika

SHKB arreston policin/ Dyshohet si bashkëpunëtor në mitmarrje

10:34 Kronika

E zë mallkimi/ Hajduti vdes nga infarkti pasi i vjedh portofolin të moshuarit

09:49 Kronika

Komandot: Prodhuam 7 mina, por s’i shitëm/ Dyshohet se bombat u përdorën në tre atentate

09:33 Kronika

Aksidentohen bashkëshortët në Fier, vdes gruaja, burri në gjendje të rëndë

20:27 Kronika

Skandali i Gjykatës së Pukës/ KLD shkarkon gjyqtarin Shtjefën Lleshi

17:57 Kronika

Parandalimi i krimit/ Ardian Çipa takon përfaqësues të bankave dhe kompanive celulare

14:21 Kronika

Cefa kundër mazhorancës: Kërkon të marrë kompetencat e KLD-së

14:22 Kronika

INTERVISTA/ De Maiziere: Shqiptarët, asnjë shans për azil në Gjermani

09:40 Kronika