Rama: Të heqim barrierat që pjellin korrupsion, të krijojmë zinxhire vlerash (VIDEO)

Bujqësia shqiptare mund të kthehet në një burim mirëqenieje dhe potencial i fuqishëm për të nxitur punësimin, eksportin dhe prodhimin, me pak mbështetje dhe shumë liri për veprim dhe angazhim të drejtpërdrejtë nga ana e vetë fermerëve.

Kryeministri Edi Rama tha se jo detyrimisht rregullat nënkuptojnë më shumë rend ligjor, por sipas tij duhet më shumë iniciativë dhe më shumë mbështetje ndaj fermerit.

“Të heqim barrierat që pjellin korrupsion, dhe të krijojmë mundësi për të krijuar zinxhire vlerash”, tha kreu i qeverisë.

Rama tha se skema e vjetër e qeverisë Berisha, që kishte si burim të rritjes ekonomikë, ndër të tjera “marrjen e dhunshme të parave nga ana e kompanive”, u vërtetua se ka dështuar. Në këtë kuadër ai shtoi se duhet nxitje e sipërmarrjes së fshatit për ta kthyer atë në një burim potencial ekonomik.

“Duhet të jemi të vetëdijshëm se ka mbaruar një epokë kur të ardhurat vinin nga një rritje, e cila bazohej tek dërgesat e emigrantëve, tek “boom-i” i ndërtimeve si një industri e tranzicionit e ngritur në nevojën për hapësira të reja banimi, dhe tek marrja e dhunshme nga ana e qeverisë e parave të kompanive, një lloj kreditimi i dhunshëm i qeverisë, përmes kontratash të papaguara dhe shërbimesh të papaguara. Këto të treja ishin burimet kryesore të një rritje ekonomike, dhe të një modeli që siç ne e kemi identifikuar, kishte shteruar. Të nxisim sipërmarrjen e fshatit bazuar tek vlera që krijohet dhe krijon, vlerë jo bazuar tek idiologjia e lëmoshës. Kërkuam që vetë fermerët të angazhoheshin për të aplikuar me projekte, projekte jo thjesht për të marrë paratë, por për të parë se çfarë kjo që do të sjellë, për të nxitur prodhimin, punësimin, eksportin, duke krijuar shembuj suksesi që të gjenerojnë sukses. Buxhetet tona shtetërore do të jenë gjithmonë të pamjaftueshme përballë kërkesës për rritje në rast se kërkesa nuk do të përballohet në zinxhiere vlerash që do të prodhojnë rritjen”, u shpreh kryeministri Rama.

Kreu i qeverisë solli shembullin konkret të një fermeri, i cili vlerësonte liritë që i janë dhënë.

“Kemi rezultate të prekshme për të cilat një fermer më tha një fjalë që më mbeti në mend, sepse kemi rritje të dukshme të eksporteve dhe kemi gjallërim të ndjeshëm në territor, por s’mund të themi që kjo që ka ndodhur është rezultat i drejtëpërdrejtë i kësaj politike të re, sepse ne po investojmë tani. Thjesht duke  hequr shtetin si pengesë, duke larguar nga territoret tona administratën e taksidarëve dhe barrierat burokratike të korrupsionit nëpër dogana, Ju na keni dhënë krahë. Thjesht duke ju kthyer dinjitetin si sipërmarrës në fshat, që deri dje keni qenë të detyruar t’i përuleni çdo lloji të korrupsionit, na bëri që të fillojmë të nxitojmë”, tha Rama.

Ministri i Bujqësisë Edmond Panariti u shpreh se në ambicien e institucionit që ai drejton mbetet formalizimi.

“Skema e re mbështet pikat e mëdha të grumbullimit, pagesat në dorëzim, sepse kemi qëllim të formalizojmë bujqësinë shqiptare. Ne arrijmë ambicien për ta identifikuar fermerin, për ta regjistruar, dhe për ta formalizuar”, tha Panariti.

Holanda, ceremoni dinjitoze për MH17/ Familja mbretërore në lot (VIDEO)

21:10 Sociale

Papa Françesku shpallet "Qytetar Nderi" i Tiranës

19:18 Sociale

Familjet Berisha dhe Berger jetojnë në dy botë të ndryshme

18:15 Sociale

Komisioni i Ekonomisë/ Kalon reforma “Veliaj” për pensionet (VIDEO)

17:39 Sociale

Sinan Tafaj i jep 215 milionë lekë vetes

15:59 Sociale

Gjykata Kushtetuese pezullon Isa Mustafën nga detyra e kryetarit të Kuvendit (VIDEO)

15:08 Sociale

Merr fund odiseja e procesit ndaj Dritan Dajtit, dënohet me 4 burgime të përjetshme (VIDEO)

14:51 Sociale

Qeveria tërhiqet nga shkrirja e Gardës (VIDEO)

14:02 Sociale

Përvetësuan para, Banka e Shqipërisë kallëzon penalisht dy punonjës (VIDEO)

13:42 Sociale

VIDEO LAJM/ Në "rrjetën" e policisë deputetë të dhunshëm dhe prokurori "gangster"

13:53 Sociale