Te fundit
Sidoqoftë, Fullani & co. duhet të ikin...
19 Gusht 2014, 11:15Blog
TEMA
Nga Eduard Zaloshnja
Plasja e skandalit të pedofilisë në zyrën sarandiote të deputetit Kokëdhima bëri që skandali i vjedhjes së Bankës së Shqipërisë të kalojë në faqet e brendshme të gazetave apo të përmendet shkarazi në lajmet televizive. Në fakt, pas vizitës së amabasadorit amerikan Arvizu në zyrën e Guvernatorit Fullani dhe mbledhjes së Këshillit Mbikëqyrës të Bankës së Shqipërisë në të njëjtën ditë, u duk se flaka e skandalit të bankës do të shuhej edhe pa shpërthimin e pedofilisë në Sarandë.
I përmbledhur me pak fjalë, mesazhi i ambasadorit Arvizu dhe i Këshillit Mbikëqyrës ishte se Banka e Shqipërisë ka siguruar deri më sot stabilitetetin e sistemit monetar e bankar dhe vjedhja e bankës duhet hetuar nga prokuroria si një rast i shkëputur, ku një keqbërës ka shqfrytëzuar moskryerjen siç duhet të detyrës nga disa punonjës të këtij sistemi.
Në fakt, pjesa e parë e mesazhit është praktikisht e saktë, sepse Banka e Shqipërisë ka garantuar në 15 vjetët e fundit stabilitet të lekut si në tregun e brendshëm (matur nga inflacioni) ashtu edhe në shkëmbimet me jashtë (matur nga kursi i këmbimit të valutave kryesore). Gjithashtu, Banka e Shqipërisë ka garantuar stabilitet të sistemit bankar, duke ndërhyrë me likuiditet në rastet pakta të panikut të depozituesve (siç qe rasti i Bankës Shqiptaro-Amerikane, pas krizës bankare amerikane në 2008-ën, ose rasti i Bankës Credins, pas gjyqit me një bankë azere në 2012-ën).
Është pjesa e dytë e mesazhit të ambasadorit Arvizu dhe i Këshillit Mbikëqyrës, ku llogjika çalon. Janë të gjithë punonjës të emëruar nga Guvernatori Fullani ose nga vartës të tij njerzit që, me moskryerjen siç duhet të detyrës, i krijuan mundësinë një kqebërësi që të vjedhë 7 milion dollarë mu në thesarin e bankës. Janë njerëz që Mbikëqyren nga Guvernatori Fullani dhe Këshilli Mbikëqyrës ata që duhet të kryejnë auditin e brendshëm në mënyrë periodike, për të diktuar nëse diçka mungon në thesar. E pikërisht për këtë arsye, guvernatori/këshilli Mbikëqyrës kanë një përpgjegjësi të madhe për vjedhjen 7-milion dollarëshe brenda institucionit të tyre. Jo se ato 7 milionë dollarë të vjedhura do ta falimentojnë Bankën e Shqipërisë – ato përbëjnë më pak se 1% të aseteve aktive të bankës. Ndërsa vjedhja spektakulare, si akt, si dhe papërgjegjshmëria e guvernatorit/këshillit Mbikëqyrës në lidhje me të, kanë falimentuar besimin e popullit tek i gjithë sistemi bankar.
Kjo është një gjë që s’e meriton as sistemi bankar dhe as populli shqiptar. Dhe ky i fundit do ta ketë rastin të flasë me zë të dëgjueshëm në shtator, kur të rimblidhet Kuvendi i Shqipërisë. Kuptohet, në qoftë përfaqsuesit e vet do të jenë të gatshëm ta përcjellin shqetësimin e popullit në Kuvend…
http://respublica.al/opinion/2014/08/19/sidoqofte-fullani-co-duhet-te-ikin
6 komente në “Sidoqoftë, Fullani & co. duhet të ikin…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
hajde fullani and co shume mire e ke thene
duhet te ikin me ptjt
http://bit.do/fullani-co
Jo mor zotri jo, nuk e ka rruajtur banka stabilitetin financjar ne vend, apo kursin e kembimit. Jemi ne nje treg te lire ku kerkesa per euro ose fuqia blerse e saj varet nga futjet dhe daljet. Sa me shume euro te futet ne vend aq me i fort eshte leku dhe e kunderta. Kjo futja ka ardhur fal sklleverve emigrante qe punojne nate e dite per te ber diçka ne vendin e tyre dhe per te mbajtur me buke familjet atje. E dyta kur ka munguar kjo futje qeverit shqiptare na kane shitur çdo prone tonen dhe me keq akoma na kane futur edhe ne borxhe qe ti sot ashtu si i gjithe populli shqiptar quhesh nje skllav i kreditoreve financjare! Mallkuar qofte fulHajni dhe klasa jone politike se bashku me ju medioker analiste e gazetare qe perhapni kancerin e dizinfomimit ne popull!!!
Kish dhe Zalua diqka per te then… Ky qe ben sondazhe me porosi. Ik more sharlatan.
Jo mor zotni e keni gabim,Fullanet dhe Sadik Llullet duhet ti bashkohen ne qeli Hysen Gashit, jo te ikin sepse kta kane pare me jetu edhe jashta shtetit si pashallare
Vendimi dihet per qdo problem ndaj s’esht e nevojshme te bejm trut dhall me debil.
Ore per te larguar nuk largohen vete ata,por a do ti shkarkojne thuaj