LRI ngre kampingun në Jalë/ Meta: Energji e re për një vend që aspiron BE

Lëvizja Rinore për Integrim ka organizuar për të gjashtin vit radhazi kampingun në bregdetin e Jalës në Vlorë, një aktivitet që është bërë traditë tashmë.

Edhe këtë herë mbi 500 të rinj e të reja nga i gjithë vendi, kryesisht studentë e gjimnazistë, të cilët janë anëtarë e simpatizantë të forumit rinor të Lëvizjes Socialiste për Integrim, janë bërë pjesë e këtij kampi disaditor ku aktivitetet politike, kulturore dhe argëtuese do të jenë në fokus.

Të pranishëm në ceremoninë e organizuar me rastin e nisjes së kampingun kanë qenë Kryetari i LSI-së, Ilir Meta, Ambasadori i OSBE-së në Tiranë, Florian Raunig, Ambasadori i Italisë, Massimo Gaiani, deputetët Monika Kryemadhi, Petrit Vasili e Kejdi Mehmetaj, drejtues të pushtetit vendor dhe përfaqësues të LSI-së e LRI-së.

Duke folur gjatë ceremonisë, Meta ka vlerësuar punën që kanë bërë të rinjtë e LRI-së për ndërtimin e kampingut falë një pune gjigante dhe disaditore, duke i ndryshuar madje edhe pamjen zonës bregdetare. Kryetari i LSI-së u shpreh se rinia duhet të guxojë të ecë më shpejt në rrugën drejt Bashkimit Europian.

“M’u duk një sfidë e vështirë të ndërtosh një kamp në kaq pak kohë, por prandaj na duhet LRI-ja, që është energji e re dhe gjithmonë do të jetë kështu, që mund të guxojë dhe të eci më shpejt, për një vend që aspiron të jetë pjesë e BE-së”, tha ndër të tjerash Kryetari i LSI-së, Ilir Meta.

Fjalën gjatë aktivitetit e morën edhe diplomatët e pranishëm, teksa Ambasadori i OSBE-së, Florian Raunig, shprehu kënaqësinë për frymën e bashkëpunimit që kanë treguar të rinjtë e LRI-së gjatë këtyre ditëve dhe se kjo duhet transmetuar edhe në nivel kombëtar.

“Jam i kënaqur për frymën e bashkëpunimit dhe konstruktivitetit që keni treguar në rinovimin e kësaj zone, duhet ta transmetoni dhe ta transferoni edhe në nivelin kombëtar. Jam i lumtur që së bashku mund të flasim për sfidat e OSBE-së, si sfida të përbashkëta me ju. Më shumë se kurrë ky vend ka nevojë për bashkëpunim dhe mirëqenie në të ardhmen”, tha Raunig.

Edhe Ambasadori i Italisë, Massimo Gaiani, ka komplimentuar të rinjtë e LRI-së për këtë aktivitet të veçantë. “Jam shumë i impresionuar nga kjo punë, sepse kjo do të thotë se kur kemi vullnet asgjë nuk është e pamundur”, u shpreh ai.

Deputetja e LSI-së, Kejdi Mehmetaj, deklaroi se “koha nuk na pret, por koha është e jona dhe ne do ta shfrytëzojmë atë për rininë shqiptare, sepse kjo është ajo çka bën më mirë LRI-ja”.

Kryetari i LRI-së, Endrit Braimllari, e vuri theksin te sfidat evropiane të rinisë shqiptare: “do të jemi të gjithë së bashku në sfidat e kësaj rinie që po bëhet çdo ditë e më shumë evropiane”.

Drejtuesit e LRI-së kanë përpiluar një program tejet të detajuar dhe të mbushur me aktivitete të ndryshme si seminare, trajnime, debate e ku do të marrin pjesë personalitete të ndryshme

Rama: S’do flas me Merkel për përgjimet, nga Gjermania nuk na vjen asgjë e keqe

15:02 Politika

Interneti/ Berisha: Kompania e Koço Kokëdhimës furnizon 176 institucione në shkelje të Kushtetutës

14:21 Politika

PD denoncon një ndërtim pa leje pranë shtëpisë së Ramës: Qeveria bën krim mjedisor

13:37 Politika

Deklarata e Nishanit/ Pjerin Ndreu: S’kemi nevojë për modele që denigrojnë besimin e popullit

13:06 Politika

Vritet edhe një kosovar në Siri/ Xhihadistët e plagosur kthehen për t’u mjekuar në Shqipëri

12:20 Politika

Ja si shmanget “mallkimi i naftës”

12:14 Politika

Përgjimi i Shqipërisë nga Gjermania/ Bushati: Do e trajtojmë çështjen në kanale diplomatike

11:36 Politika

SKANDALI/ Shkon të denoncojë bashkëshortin e dhunshëm, shefi i policisë i kërkon favore seksuale, kolegët e arrestojnë

09:53 Politika

Tiranë/ Djali dhunën nënën pse e pengoi të sillte një grua të dytë në shtëpi

09:24 Politika

Dhëndri i Berishës: Rama si Hitleri, kërkon të jetë kryeministër dhe kryebashkiak

09:10 Politika