MPB: PD reagim keqdashës e dritëshkurtër. Me terrorizëm etnik nënkuptohet qëndrimi ndaj konfliktit në Lindjen e Mesme

Ministria e Brendshme reagoi ashpër kundër deklaratës së ish-ministrit të Jashtëm Aldo Bumçi, duke e konsideruar atë një tentativë për të shtrembëruar të vërtetën dhe për të desinformuar opinionin vendas e ndërkombëtar.

“Gjatë takimit të sotëm të Ministrit Tahiri me Ministren e Brendshme Maqedonase, Gordana Jankulovska për asnjë çast të vetëm nuk është folur për terrorizëm etnik shqiptar në Maqedoni.

Në takimin mes dy ministrave është folur për domosdoshmërinë e forcimit të bashkëpunimit rajonal në luftën kundër krimit të organizuar, trafiqeve të të gjitha llojeve si dhe terrorrizmit”, thuhet në reagimin e Ministrisë.

Duke iu rikthyer deklaratës për media të Ministrit Tahiri, ku theksohet se “Lufta kundër terrorizmit të çdo lloji, përfshirë terrorizmit fetar dhe etnik, është tashmë një sfidë që nuk rri dot brenda kufijve të një shteti, por është sfidë rajonale dhe globale”, sipas Ministrisë ajo vjen në kontekstin e një qëndrimi tashmë të konsoliduar të të gjithë partnerëve të Aleancës së Atlantikut Perëndimor, ndaj situatës së krijuar në konfliktin fetar dhe etnik që po ndodh në disa vende në rajonin e Lindjes së Mesme, si Siri, Irak, etj.

“Fakti se të dy vendet tona janë konsideruar nga terroristët si hapësira të mundshme për të rekrutuar luftëtarë për këto konflikte e bën edhe më të domosdoshëm bashkëpunimin jo vetëm dypalësh por edhe më gjera në rajon. Çdo deklaratë tjetër e pretenduar nga opozita është krejtësisht e pavërtetë dhe çdo koment keqdashës në lidhje me këtë qëndrim parimor të Ministrit të Brendshëm vetëm sa tregon dritshkurtësinë e atyre që deri dje drejtonin politikën e jashtme të këtij vendi”, citohet reagimi.

Deputeti i PD-së akuzoi Ministrin e Brendshëm se gjatë konferencës së përbashkët me homologen maqedonase, me termin terrorizëm etnik, iu referua shqiptarëve në Maqedoni.

Chollet-Kodheli: SHBA vlerësojnë pjesëmarrjen e Shqipërisë në koalicionin anti-ISIS

17:17 Politika

Këshilli i Europës: Mbështesim reformën territoriale si dhe reformimin e KLD

17:05 Politika

Bumci: Deklarata e Tahirit për terrorizëm etnik, e turpshme

15:55 Politika

PD: Inkriminimi i administratës, i vetmi sukses i dyshes Rama-Meta

15:06 Politika

Berisha denoncon Kokëdhimën: Ja sarajet në Qeparo, buzë detit

14:41 Politika

PD refuzon ftesën për Këshillin Kombëtar të Integrimit/ Bregu: Drejtimin ta ketë PD, jo bashkëkryetarë

12:38 Politika

Mesila Doda: Sistemi aktual politik dhe zgjedhor pjell sulltanokraci partiake dhe klientelizëm

12:34 Politika

VIDEO/ Rrëfimi i të mbijetuarit të ISIS: Nuk e di ku shkoi plumbi

12:27 Politika

Kush paguan energjinë në këtë vend? Task Forca: Kemi ndërprerë 483 mijë lidhje të paligjshme deri tani

12:04 Politika

Rama takon homologun Renzi

11:34 Politika