Te fundit
Akuzohet për korrupsion, shkarkohet kryeprokurori i Pukës
1 Tetor 2014, 15:39Kronika
TEMA
Këshilli i Prokurorisë ka votuar me 7 vota pro dhe asnjë kundër, në favor të shkarkimit të ish-drejtuesit të Prokurorisë së Rrethit gjyqësor Pukë, ndaj të cili po zhvillohet gjykimi në Gjykatën e Rrethit Gjyqësor Shkodër.
Kreu i Prokurorisë së Pukës akuzohet për veprën penale “Korrupsioni pasiv i gjyqtarit, prokurorit dhe i funksionarëve të tjerë të drejtësisë”.
“Gjithashtu, Këshilli i Prokurorisë, në mbledhjen e zhvilluar ditën e Mërkurë (dt. 01.10.2014) pyeti në cilësinë e dëshmitarit zyrtarin e Prokurorisë së Përgjithshme, Th. J., për të cilin ish-drejtuesi i Prokurorisë Pukë, Pëllumb Prençi ka ngritur pretendimin se ka diskutuar në praninë e zyrtarit të Prokurorisë së Përgjithshme për rrethanat e çështjes, për të cilën tashmë është marrë si i pandehur dhe po gjykohet në Gjykatën e Shkodrës”,bëhet me dije nga Prokuroria.
Më tej theksohet se Këshilli i Prokurorisë është në fazën e shqyrtimit të të dhënave, sipas të cilave zyrtari i Prokurorisë së Përgjithshme mund të ketë luajtur rolin e negociatorit ndërmjet ish-drejuesit të Prokurorisë Pukë dhe të pandehurit në atë proces gjyqësor, P. Pjetri, lidhur me mosmarrëveshjet që duket se kishin me njëri-tjetrin jashtë procesit penal, por që kishin lidhje me atë proces.
“Biseda rezulton se është kryer para se çështja të bëhej publike”, sqaron Prokuroria.
1 komente në “Akuzohet për korrupsion, shkarkohet kryeprokurori i Pukës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te jete kjo nje shenje e mire , apo nuk kane nga t’ja mbajne e s’ka rruge tjeter qofte e para , ne po presim fd hane kokat kreminelet ..!