Rama: Opozita është bërë komike. Zëri që i përfaqëson, një ish- i dënuar ordiner

Kryeministri Edi Rama akuzoi nga salla e Parlamentit opozitën se po përpiqet të zhvlerësojë Kuvedin duke njollosur integritetin e shumicës përmes akuzash që i bazon në shpifje.

Pas fjalës së mbajtur nga kreu i Grupit Parlamentar socialist Gramoz Ruçi i cili bëri të ditur pranimin e dy prej 3 kërkesave të Partisë Demokratike, kreu i Qeverisë Edi Rama theksoi se mazhoranca e sotme matet e zotimet që ka bërë dhe sfidat që ka përpara dhe jo me opozitën.

 “I qëndrojmë koherent në çdo rast zotimit tonë se pavarësisht gabimeve që mund të bëjmë nuk do bëjmë gabimet që ata që sot janë në opozitë kanë bërë dje, kur ishin në pushtet, duke na cënuar drejtpërdrejt.

Gjithçka që na është mohuar neve në opozitë, opozita e sotme e ka pasur, e ka dhe do ta ketë të garantuar prej nesh.

Por opozita sot është në një përpjekje të vazhdueshme për të zhvlerësuar Parlamentin, njollosur integritetin e kësaj shumice qeverisëse, bëjnë akuza të bazuara mbi shpife.

Nëse opozita ka ndonjë ide, plan konkret për sesi mund të qëmtohet në jetën e tjetrit në funksion të integritetit moral të të gjithë përfaqësuesve të popullit në këtë vend, jemi të hapur ti dëgjojmë.

Ne për kandidatët kemi kërkuar dëshmi penaliteti, që është i vetmi dokument ligjor që përcakton raportin e një individi me ligjin dhe institucionet ligjzbatuese.

Por nëse opozita ka ide dhe argumente për të qëmtuar në jetën e tjetrit, pa cënuar lirinë dhe të drejtat kushtetuese, ne do i dëgjojmë”, tha Kryeministri.

Për sa i përket akuzave të PD-së për inkriminimin e Parlamentit, Rama tha se këtu hyn në lojë pjesa komike e opozitës, pasi zëri që i përfaqëson është një i dënuar për mashtrim e korrupsion.

“Pjesa komike e pranishme në kërkesën e opozitës, pasi zëri më përfaqësues i opozitës në ngritjen e gjithë valës së akuzave në këtë Kuvend është një ish i burgosur ordiner për mashtrim dhe korrupsion.

Ky ish i burgosur kërkon para shqiptarëve, në emër të opozitës, llogari për krime dhe akte të paligjshme të prezumuara, të pa ndëshkuara më parë nga ndonjë gjykatë.

Gjendemi përballë një argumenti që i takon opozitës ta trajtojë. Çduhet të bëjmë ne me ketë të burgosur ordiner për mashtrim dhe korrupsion në Kuvend”,  tha Rama.

Gjatë fjalës së tij në Kuvend, Kryeministri Edi Rama është ndalur edhe tek operacioni që pritet të nisë ndaj vjedhësve të energjisë elektrike. Ashtu sikundër një ditë më parë, Kreu i Qeverisë ka lëshuar një paralajmërim të qartë për gjykatësit që do të trajtojnë raste të tilla. Ai theksoi se gjykatat janë kthyer në ‘gjykata 5 mijë lekshash, të cilët masin gjatësinë e xhepit të hajdutëve të energjisë elektrike’.

“Dua të përsëris dhe diçka për gjykatat. Gjykatat po kthehen në gjykata 5 mijë lekshash që i trajtojnë çështjet e vjedhjes së energjisë jo në mënyrë të drejtë, duke i matur gjatësinë e xhepit kështu.

Çdo njëri që vjedh sadopak është pjesë e kësaj bande. Dhe si ka mundësi që kur bëhet fjalë për bizneset e madhe, gjykata jo i dënon por i detyron kompaninë të rilidhë energjinë sërish.

Si mund të ndodh diçka e tillë? Nga gjykata del kompania fajtore, dhe jo hajduti.

Përballë hajdutëve të energjisë elektrike, gjykatësit duhet të kuptojnë se duhet të kenë para tyre një shkelës të ligjit, të cilit do ti hiqet liria”, tha Rama.

Duke sqaruar edhe njëherë heqjen e fashës mbrojtëse për konsumatorët e energjisë, Rama theksoi se do të hiqet fasha si nevojë për të shmangur vjedhjen nga hajdutët.

“Nuk do ta heqim fashën për pensionistët apo familjet në nevojë, por duke marrë ne përsipër që të paguajmë atë pjesë që vjen si detyrim nga heqja e fashës”, theksoi Rama.

Duke iu përgjigjur akuzave të opozitës në lidhje me rritjen e ccmimit të energjisë, Kreu i Qeverisë tha se opozita po rikonfirmohet sesa qesharake është.

“Nga ana tjetër ata shqiptarë që paguajnë energji elektrike kërkojnë më shumë shkolla, shërbim shëndetësor, dhe mbështetje ekonomike për të dalë nga kursi i papunësisë apo varfërisë.

Kërkojnë lehtësira kur janë sipërmarrës dhe nëse ne vazhdojmë kështu jo thjesht shkojmë symbyllur në greminën që ka hapur dikur qeveria, por i heqim mundësi që të ndërtojmë në vend 150 shkolla të reja të standardeve evropiane. 

Mezi po arrijmë të sigurojmë financimin për një spital rajonal në Fier dhe i heqim mundësinë që të ndërtojmë 100 km rrugë kombëtare në vit.

Kjo është kriza e trashëguar ku ndodhemi dhe pavarësisht përpjekjeve që janë bërë nga kompania e shpërndarjes, përsëri jemi shumë larg asaj që jemi, ku askush mos të guxojë të vjedh energjinë elektrike.

Kjo është sfidë kombëtare e përbashkët e të gjitha institucioneve. Është një sfidë e gjykatave, shtetit ligjor. Mjafton të ngrehësh kokën lartë dhe sheh tela pafund që vidhen çdo ditë. Kemi përballë një opozitë me zërin në mbrojtje të hajdutërisë. Nuk janë llampat e ndriçimit që sjellin këtë krizë, por në radhë të parë janë bizneset e mëdha.

Janë lokalet në qendër të Tiranë që paguajnë si sahatet e familjarëve. Nga këta do nisim operacionin. Nëse sot nuk i dalim përballë këtij problemi dhe kësaj reforme, vitet që vinë para do jenë më të vështira”, shtoi Rama.

Sipas tij, ndalimi i fenomenit të vjedhjes së energjisë, e cila i ka shkaktuar një ‘gropë të madhe’ në ekonomi mund të ndërtoheshin 150 shkolla, apo dhe 100 km rrugë kombëtare çdo vit.

“Çdo qytetar i këtij vendi, lidhur me si kanë rrjedhur gjërat, vitet, ngjarjet, për të na sjellë në qeverisjen e këtij vendi përballë një hendeku që të kërcënojë integritetin ekonominë e sociale të vendit tonë. Hendeku i hapur dhe thelluar nga borxhet e brendshme, dhe i pamjaftueshmërisë që ka sistemi ynë elektroenergjetik qoftë në raport me qytetarët.

 Këtë do e bëjmë në transparencë të plotë, e cila do të fillojë në ditët kur të shpallet plani i aksionit tonë. Dhe shpresojë që me ndihëm e deputetëve të aleancës që ta çojë në ditën e fakteve në çdo familje që paguan energjinë elektrike, që është e interesuar që mos të mbajë në kurriz bandën e borxheve, të ketë vetëdijen e plotë sesa e rëndësishme është që çdo hajdut të përballet me ligjin, dhe të shkojë pas hekurave si vjedhës ordinerë.

Të gjithë sëbashku duhet të bëheni model. Me shumë neveri dhe nuk mund ta redaktojë këtë ndjesi për të gjetur një fjalë më të butë, i kam parë të gjitha përpjekjet e atyre që e kanë çuar vendin në këtë situatë që janë në opozitë, bëjnë të pamundur të nxisin që ata qytetarë mos të paguajnë dhe tu kundërvihet kësaj reforme. Por e kanë kohë. 

Predikuan se do të bëhej nami për akcizën e cigares, madhe dhe për naftën. Jo vetëm që nuk u bë nami, por sot jemi në kushtet kur nga situata që e morëm ekonominë se institucionet që e përcaktonin atë si të paqëndrueshme, e kemi kaluar në të qëndrueshme, e më pas në situatë të qëndrueshme. Jam kurioz të pres përgjigjet e “Doing Bissnes”, dhe të shohim se ku jemi. Do jemi në pozicion ku Shqipëria nuk ka qenë asnjëherë në këto 20 e kusur vitesh. Ne nuk do të rrisim çmimin e energjisë si instrument reforme”, theksoi Rama. /gj.k/

Mima: Qeveria të mos rrisë taksën e qarkullimit, rëndon mbi industrinë dhe qytetarët

12:14 Politika

Mazhoranca i hap rrugën opozitës që të kthehet në Kuvend, tashmë reagimi i takon PD-së

12:09 Politika

Majko: Beogradi gjithmonë ka përdhunuar virgjërinë fillestare të politikanëve shqiptarë

10:21 Politika

Kaç Islami: Në vend është instaluar një oligarki e konceptuar para 15 vitesh. S’ekzistonte para 23 qershorit

10:18 Politika

Deputeti socialist: Nuk do ta hetojmë Nishanin, edhe pse ka qenë shumë aktiv në KLD

09:26 Politika

Kamëz, dhëndrri qëllon me armë vjehrrin 65-vjeçar

09:12 Politika

Rama: Shqiptarët nuk do bien në kurthin e politikës së vjetër

08:19 Politika

INTERVISTA/ Casini: Vizita në Beograd duhet të zhvillohet

21:41 Politika

INVESTIGIMI/ Kur gabimet e policisë i paguajnë qytetarët

21:07 Politika

Vrasja e Ilia Karelit në Greqi, në gjyq 13 gardianë dhe ish-drejtori i burgut

20:42 Politika