Qytetarët të dyzuar mbi ashpërsimin e dënimeve në Kodin Rrugor

Ndryshime të reja në kodin rrugor u diskutuan këtë javë gjatë mbledhjes së Komisionit të Veprimtarisë Prodhuese dhe Ministri i Transportit bëri me dije rritjen e gjobave për shkeljet e kodit rrugor që në shumë raste janë dyfishuar.

Sipas nenit 144 për mosrespektimin e sinjalizimit rrugor, nëse drejtuesi i mjetit vazhdon lëvizjen, ndonëse sinjalizimi i semaforit e ndalon atë, ai do të gjobitet me 40-50 mijë lekë gjobë nga 20 mijë lekë që është aktualisht.

Sipas nenit 22, cilido që hap hyrje apo degëzime të reja ose cilido që transformon a ndryshon mënyrën e përcaktuar të përdorimit të atyre ekzistuese pa autorizimin e entit pronar të rrugës, apo që mban në përdorim hyrje ekzistuese të paautorizuara ndëshkohet me masë administrative me gjobë prej 100-400 mijë lekë.

Sipas ministrit rreth 60% e aksidenteve në Shqipëri vijnë si pasojë e gabimeve të drejtuesve të mjeteve, ndaj një vend të rëndësishëm në masat e reja do të zërë dhe testimi psikologjik e fizik i aplikantëve të rinj për leje drejtimi.

Në mbledhje u diskutua gjithashtu për vendosjen e sistemit të pikëzimit të patentave. Sipas ministrit Haxhinasto, çdo drejtues i mjeteve do të ketë 20 pikë në patentë. Në bazë të shkeljeve të kryera, drejtuesit do t’i zbriten pikët nga patenta dhe në rast se ulja arrin shifrën zero, masa që do të ndërmerret është heqja e lejes së drejtimit të automjetit.

Ndonëse marrja e masave të tilla synon të nxisë rritjen e nivelit të përgjegjshmërisë te qytetarët, këta të fundit duket se nuk bien lehtësisht në një mendje me vendimin.

Drejtuesit e mjeteve taksi, që me anë te drejtimit të automjetit sigurojnë të ardhurat familjare, theksojnë që një gabim i vetëm tani mund ti kushtojë shumë rëndë..

“Qëllimi i mirë i Kryeministrit nuk e justifikon mjetin që po përdor,” u shpreh z. Kosturi, shofer i një taksie në Tiranë.

Krahas detyrimeve, drejtues të automjeteve të pyetur nga BIRN shprehën shqetësimin për sigurinë ende të ulët në rrugë, e cila vjen si rezultat i mungesës së infrastrukturës rrugore.

Mosndarja e korsisë së këmbësorëve, nga ajo e biçikletave; mungesa e vijëzimit për të përcaktuar vendin ku këmbësorët duhet të kalojnë në anën tjetër të rrugës përbëjnë një ndër shkaqet kryesore të aksidenteve.

“Në fillim qeveria duhet të na i pajisë të gjitha rrugët me elementet që duhen dhe pastaj t’ua shtrëngojë litarin njerëzve deri në këtë pikë”,-përgjigjet znj. Gjeta, një drejtuese automjeti.

*Marrë nga BIRN

Ekstradohet nga Italia 41-vjeçari Besnik Sejdo, i dënuar me 5 vite burg për vrasje

09:55 Kronika

Invalidja nga Korça: I dashuri më mashtroi dhe më vodhi lekët e kempit, pasi më la shtatzënë

09:40 Kronika

Paguante drejtoreshën që ndodhej jashtë shtetit, Ndrea Prendi: E bënte punën on-line

09:25 Kronika

Ismet Haxhia: Vrasja e Azem Hajdarit nuk ishte një krim ordiner, siç duan ta paraqesin

09:08 Kronika

Tiranë, 40-vjeçari qëllohet brenda në lokal. Autorët largohen me motorr

19:29 Kronika

Ndëshkimet për kalimin me të kuqe, vetëm për Tiranën. Në qytetet e tjera semaforët pothuajse s’ekzistojnë

15:45 Kronika

Ministri Tahiri: Shtet policor? Jo, ky është shteti ligjor

12:06 Kronika

Aksion anti-kontrabandë në 3 pika doganore/ Spiropali: Vlera e mallrave të bllokuara 100 milionë lekë

11:48 Kronika

“Një vajzë 17-vjeçare vdiq se polici më vonoi teksa e transportoja në urgjencë”

11:42 Kronika

Operacioni kundër vjedhjes së energjisë/Vijon arrestimi i punonjësve të OSHEE dhe konsumatorëve debitorë

10:54 Kronika