FOTOT/ E burgosura më e shquar e Rusisë

Flokë të shkurtra ngjyrë kafe të erët, vështrim serioz përmes kangjellave. Në t-shirt-in e saj është stamposur një cfurk me tri dhëmbë, stema shtetërore e Ukrainës.

Kështu shfaqet Nadija Savçenko para gjykatësve rusë në Moskë, së fundi të premten e kaluar. Përshtypja që lihet është sikur në bankën e të akuzuarve nuk është e reja, por Ukraina si shtet.

“Jam e ngopur me Rusinë tuaj të gënjeshtërt, me gjykatat tuaja të gënjeshtërta dhe me mediet tuaja të gënjeshtërta”, thotë ajo në drejtim të kamerave televizive, kur shoqërohet nga një dyzinë policë, sikur të kishte kryer krime të rënda.

Këto fjalë ajo i thotë në ukrainisht, në zërin e saj ndihet përçmim dhe zemërim.

Savçenko është aktualisht më e shquara nga rreth një dyzinë të burgosurish ukrainas, të cilët sipas të dhënave të Ministrisë së Jashtme të Ukrainës mbahen “për shkaqe politike” në Ukrainë.

Edhe organizata e njohur ruse e të drejtave të njeriut “Memorial” e kategorizoi Savçenkon në tetor si “refugjat politik” dhe kërkoi lirimin e saj.

Drejtësia ruse e akuzon ushtaren profesioniste 31 vjeçare se ka ndihmuar për të vrarë në konfliktin e Ukrainës Lindore.

Savçenko, e stërvitur si pilote ushtarake, luftoi në verë në batalionin vullnetar “Aidar” kundër separatistëve prorusë. Hetuesit rusë e akuzojnë atë se në mes të korrikut i njoftoi ushtrisë ukrainase vendqendrimin e dy reporterëve rusë. Të dy i vranë në një bombardim në afërsi të qytetit Luhansk.

Savçenko pastaj pati kaluar në mënyrë ilegale kufirin dhe pati ardhur refugjate në Rusi, pohojnë hetuesit rusë. Ukrainasen e pret një dënim shumëvjeçar me heqje lirie.

Savçenko kundërshton çdo faj. Ajo thotë se e patën marrë të burgosur separatistët prorusë dhe e patën sjellë fshehtas përtej kufirit në qytetin e Rusisë Jugore Voronesh. Atje ajo u rishfaq në një burg hetimor.

Megjithë protestat e avokatëve të saj, Savçenkon e sollën në Moskë dhe ia nënshtruan në tetor një kontrolli psikiatrik në një klinikë. Avokatët e Savçenkos paraqitën ankesë ndaj kontrollit psikiatrik.

Në Ukrainë Savçenkon ka muaj që e brohorasin si heroinë dhe martire. Mediat e paraqesin atë si ushtare trime dhe luftëtare. Me të vërtetë, Savçenko është një ndër gratë e pakta në forcat ajrore të Ukrainës.

Në zgjedhjet e fundit të parakohshme në Ukrainë, Savçenkon e zgjodhën në parlament. Partia e Atdheut e ish-kryeministres Julia Timoshenko e vendosi Savçenkon në krye të listës.

Si deputete parlamenti, Savçenko është e mbrojtur nga përndjekja penale. Rusinë kjo nuk e impresionon. “Ukraina nuk do ta marrë sërish Savçenko-n”, i tha një burim në drejtësinë ruse agjencisë së lajmeve Interfax.

Vëzhguesit besojnë se Moska ka në plan ta dënojë Savçenkon ashpër në një proces farsë./DW

FOTOT/ Vildania ja bën “bam bam”

17:33 Lifestyle

FOTO/ Hedhja e kupave, metoda shëruese e yjeve të Hollywood

13:05 Lifestyle

FOTOT/ Yjet e muzikës së viteve 80', si duken pas 30 vitesh

12:34 Lifestyle

VIDEO+FOTO/ Rrugëve të Nju Jorkut nudo, askush se kthen kokën!

12:14 Lifestyle

FOTOT/ Na ishte njëherë Amerika... "e të zinjve" dhe ajo e të bardhëve

11:49 Lifestyle

Rita Ora: Atë natë dola pa të brendshme

11:38 Lifestyle

FOTOT/ Lara Stone pozon topless pas lindjes

11:04 Lifestyle

Shkëputet dera e avionit, shpëton mrekullisht Bono i U2

10:07 Lifestyle

FOTOT/ Pa censurë fare! Renata Frisson dhuron nudo të nxehta

19:58 Lifestyle

FOTOT/ Modelja seksi braziliane, e dashura e re e Neymar?

19:05 Lifestyle