Te fundit
Man. Junaited ofron 23 milion euro për Shaqirin
18 Nëntor 2014, 15:03Sport
TEMA
E ardhmja e Xherdan Shaqirit mund të jetë te Mançester Junaited.
“Djatë e Kuq” janë skuadra më e fundit që i është shtuar radhës së gjatë të ekipeve që kërkojnë të marrin shërbimet e sulmuesit me origjinë shqiptare, por që luan për përfaqësuesen e Zvicrës.
E përditshmja britanike Daily Star zbulon se drejtuesit e Junaited kanë gati një ofertë prej 18 milionë sterlinash për të bindur Bajernin të lërë të lirë futbollistin 23-vjecar, dhe nga ana tjetër të mposhtin konkurencën e Liverpulit, që dëshiron me cdo kusht te ketë në skuadër Shaqirin.
Forma e mirë e lojtarëve të tillë si Roben, Gëtce dhe Riberi ka bërë që ish- lojtari i Bazelit të ketë shumë pak hapësira në formacionin e kampionëve të Gjermanisë, dhe kjo është një nga arsyet që gjatë muajve të fundit Shaqiri ka shprehur hapur dëshirën për tu larguar nga skuadra bavareze.
Trajneri i Mançester Junaited, Luis Van Gal sheh te 23-vjecari me pasaportë zvicerane një futbollist me shumë vlera në projektin e tij për të ringritur në majat e futbollit anglez dhe atij europian “Djajtë e Kuq”.
Megjithatë, nuk janë vetëm Mançester Junaited dhe Liverpuli dy ekipet që janë të interesuara për shërbimet e Shaqirit, pasi edhe klubi italian i Juventusit e pëlqen shumë djaloshin nga Gjilani, ndërkohë që nuk qëndrojnë pas as skuadra të tilla si Interi, Roma, Volfsburgu dhe Totenhemi.
Lini një Përgjigje
Më të lexuarat
24 oret e fundit
Javen e fundit
Blog Tema
