70 vjetori i çlirimit/ Moisiut i akordohet Medalja e Mirënjohjes

Ish-Presidenti Alfred Moisiu me rastin e 70 vjetorit të çlirimit të vendit dhe 85 vjetorit të tij të lindjes u dekorua me “Medaljen e Mirënjohjes”, në një ceremoni të organizuar nga Ministria e Mbrojtjes.

Në motivacionin e dekorimit thuhet: “Ministri i Mbrojtjes në 70-Vjetorin e Çlirimit të Atdheut dhe në 85-vjetorin e lindjes i jep z.Alfred Moisiu, Medaljen e Mirënjohjes për kontributin e tij në mbrojtjen e vendit.”

Shefi i Shtabit të Përgjithshëm Gjeneral Jeronim Bazo deklaroi se “Moisiu trupëzon në vetvete ushtarakun e suksesshëm të karrierës, njeriun me integritet të pacenueshëm dhe modelin e burrit të shtetit”.

Ministrja e Mbrojtjes Mimi Kodheli u shpreh  “kur t’i vijë pleqëria, ia uroj të mbarë”.

Ish-Presidenti Moisiu ndërsa shprehu falenderime për vlerësimin dhe dekorimin, theksoi  “shpresoj që unë vërtet të kem bërë kaq shumë për vendin tim. Do të punoj për vendin tim sa të kem frymën time gjallë, sepse kështu e do Atdheu, kështu e do Shqipëria, kështu e meriton populli im”.

“Ju mund të pyesni pse unë zgjodha karrierën ushtarake…Siç e dini, babai im, Spiro Moisiu, ishte Komandant i Përgjithshëm.

Që në kohën e Zogut ai ishte ushtarak dhe mua më tërhiqnin veshjet e tij të bukura, uniformat e bukura. Dhe kjo ishte një nga arsyet.

Arsyeja e dytë ishte se ushtarakët atëherë lëviznin shumë, nga vendi në vend e kishin edhe mundësitë. Unë do të uroja që edhe ushtarakët tanë ta kenë këtë mundësi sot që jemi integruar në NATO.

E kam mbajtur uniformën më shumë se 40 vjet, kam pasur ulje – ngritje, por kalitja më bëri t’i kaloja të gjitha.

Ndaj, unë uroj që Ushtria Shqiptare, në rrugën e NATO-s, qoftë me armatime, qoftë me dije, të vazhdojë të ecë në gjurmët e Ushtrisë së krijuar që në vitin 1912. Gjithashtu nëpërmjet ministres, dëshiroj t’i përcjell Qeverisë mesazhin që të ketë më shumë kujdes për ushtarakët tanë”, tha Moisiu. /gj.k/

Vlorë, 37-vjeçari arrestohet me 20 kallëp tritoli C4

12:04 Kronika

Sokol Sadushi zgjidhet në krye të Shkollës së Magjistraturës

11:59 Kronika

Tenton të hidhet nga kati i 5-të, policia nis negociatat

16:09 Kronika

Operacioni kundër vjedhësve të energjisë/851 aksione, ndërpriten lidhjet për 516 abonentë

14:03 Kronika

Tritol në një shtyllë të tensionit të lartë në Fushë Krujë, policia parandalon shpërthimin

12:56 Kronika

Akuzat e PD-së/ Arrestohet ish- drejtori i OSHEE-së në Lushnje, Dine Aliaj

15:18 Kronika

Buletini i Ministrisë së Brendshme: Në tetor, 66 % më pak vrasje se viti i kaluar

18:05 Kronika

Zbardhet një vrasje e ndodhur 10 vite më parë në Kavajë, kapet autori

16:58 Kronika

Nipi ushtron dhunë ndaj dy gjyshërve të moshuar për një çështje pronësie, një vit pasi ishin dhunuar nga i ati

12:50 Kronika

Vjedhja e thesarit të BSH, vijon gjykimi për 15 të pandehurit/ Ish-drejtori Çollaku kërkon gjykim të shkurtuar

11:21 Kronika