Romë/ Tahiri takon Alfanon, bashkëpunim më i ngushtë mes dy vendeve për luftën kundër krimit

Ministri i Punëve të Brendshme, Saimir Tahiri është takuar sot në mesditë në Romë me Ministrin e Brendshëm italian, Angelino Alfano, me të cilin ka biseduar për forcimin e mëtejshëm të bashkëpunimit dypalësh në luftën kundër krimit të organizuar, trafiqeve të paligjshme dhe terrorizmit.

Takimi i sotëm i dy ministrave vjen pas atij të zhvilluar në muajin qershor të këtij viti, pak përpara nisjes së operacionit kombëtar antikanabis, ku u asgjesuan mbi 500 mijë rrënjë bimë narkotike dhe mbi 100 ton hashash.

Ministri Tahiri e informoi homologun italian për rezultatet e operacionit dhe gjeti rastin për t’a falenderuar në mënyrë të drejpërdrejtë për ndihmën e rëndësishme që dha shteti Italian në këtë operacion, nëpërmjet mbështetjes me avionët e Guardia di Finanza.

Ministri Tahiri e ka njohur ministrin Alfano edhe me angazhimin serioz të Shqipërisë në luftën kundër terrorizmit. Ai ka theksuar se Policia e Shtetit e ka vendosur në prioritetet e punës së saj luftën kundër terrorizmit. Në funksion të kësaj lufte, në Policinë e Shtetit është krijuar një Drejtori e posaçme me rreth 100 specialistë që do të merren me çështjet kundër terrorizmit.

Ministri Tahiri theksoi domosdoshmërinë për shkëmbim informacioni dhe koordinim më të mirë në përpjekjen e përbashkët ndërmjet vendeve të rajonit dhe partnerëve të BE në luftën kundër terrorizmit.

Ministri Alfano nga ana e tij përgëzoi homologun shqiptar, duke shprehur konsideratën e lartë për rezultatet e Policisë së Shtetit në luftën kundër drogës. Ai e siguroi ministrin Tahiri për mbështetjen e pakursyer të Italisë ndaj Shqipërisë dhe po ashtu garantoi se bashkëpunimi dypalësh ka për të qenë më i ngushtë, tanimë që vendi ka fituar edhe statusin e kandidatit për në BE.

70 vjetori i çlirimit/ Moisiut i akordohet Medalja e Mirënjohjes

12:26 Kronika

Vlorë, 37-vjeçari arrestohet me 20 kallëp tritoli C4

12:04 Kronika

Sokol Sadushi zgjidhet në krye të Shkollës së Magjistraturës

11:59 Kronika

Tenton të hidhet nga kati i 5-të, policia nis negociatat

16:09 Kronika

Operacioni kundër vjedhësve të energjisë/851 aksione, ndërpriten lidhjet për 516 abonentë

14:03 Kronika

Tritol në një shtyllë të tensionit të lartë në Fushë Krujë, policia parandalon shpërthimin

12:56 Kronika

Akuzat e PD-së/ Arrestohet ish- drejtori i OSHEE-së në Lushnje, Dine Aliaj

15:18 Kronika

Buletini i Ministrisë së Brendshme: Në tetor, 66 % më pak vrasje se viti i kaluar

18:05 Kronika

Zbardhet një vrasje e ndodhur 10 vite më parë në Kavajë, kapet autori

16:58 Kronika

Nipi ushtron dhunë ndaj dy gjyshërve të moshuar për një çështje pronësie, një vit pasi ishin dhunuar nga i ati

12:50 Kronika