Te fundit
500 studentët e rinj të policisë në terren/ Tahiri: Mos u bëni si kolegët që do gjeni në bazë, kujdes nga veset
11 Dhjetor 2014, 10:28Kronika
TEMA
Pas 22 javësh kurs mësimor intensiv, 500 studentët e Akademisë së Policisë kanë përmbyllur fazën e parë të rekrutimit në radhët e Policisë dhe do të nisin praktikën në terren.
Praktika do të kryhet për 22 javë të tjera pranë Drejtorive të Policisë ku janë rregjistruar për konkurim, ndërsa emërimi më pas do të jetë në varësi të nevojave të Policisë.
“Kjo është koha për t’u përballur me provimin më të vështirë, atë të marrëdhënies me qytetarët”, iu drejtua studentëve ministri Tahiri, në ceremoninë e mbylljes së praktikës mësimore.
“E dimë si deformohet ndonjëherë edhe praktika e përditshme e Policisë së Shtetit. Nëqoftëse ju në emër të shoqërisë, të përditshmërisë, të traditës apo zakonit, që hajt të bëhemi bashkë, toleroni nga vetja për t’u bërë si ata që do të gjeni në bazë, keni humbur përfundimisht bastin me veten. Nuk do të bëheni kurrë njerëzit me të cilët mund të krenohet shoqëria, ju me veten, apo familja juaj nesër”, theksoi ministri.
Drejtori Artan Didi iu ka kërkuar punonjësve të ri të Policisë të jenë të pakursyer dhe kritikë me veset apo shkeljet që do të konstatojnë tek trupa aktuale policore.
“Tashmë do të jeni në terren për të përfituar përvojën e domosdoshme, pasi puna në Polici nuk mund të jetë mënyrë për të përfituar priviligje personale, por për t’i shërbyer komunitetit”, nënvizoi Didi.
Në janar 2015, do të nisin praktikën mësimore grupi i dytë prej 500 studentësh, të përzgjedhur në testimin e kryer në marsin e vitit 2014.
1 komente në “500 studentët e rinj të policisë në terren/ Tahiri: Mos u bëni si kolegët që do gjeni në bazë, kujdes nga veset”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
po keto femrat qe keni marre i keni kot fare
http://bit.do/policet-seksi-te-Sajmirit-flirtojne-me-qytetaret