Ish të përndjekurit e Shkodrës: Hapja e dosjeve, domosdoshmëri. Veliaj: Ligji do ndihmojë në gjetjen e të vrarëve dhe personave të zhdukur

E quajnë domosdoshmëri hapjen e dosjeve. Këtë qëndrim kanë ish-të përndjekurit politik lidhur me projektligjin e qeverisë për hapjen e dosjeve, i cili ka shënuar edhe nisjen e diskutimeve me këtë shtresë në të gjithë vendin. Ndalesa e parë që Kreu i Insitutit të ish-të Përndjekurve Politik të Shqipërisë, Bilal Kola bëri ishte Shkodra, qyteti që i bëri rezistencën më të fortë diktaturës. Edhe pse pranon se përgjatë këtyre 24 vite ka patur ndërhyrje në dosjet e bashkëpunëtorëve të sigurimit, e ku një pjesë janë eleminuar, Kola thekson se janë mbi 20 mijë të tilla që duhet të zbardhen.

 “Por, kjo s’do të thotë se ajo pjesë që është e padëmtuar dhe që ekziston në arkiva, të mos vihet në dispozicion. Kur ky ligj të hyjë në fuqi shqiptarët do të jenë të vetëdijshëm se cilët nga vendimmarrësit aktualë kanë probleme me të shkuarën e tyre”, raporton Ora News.

Ndërsa i ftuar në Top Story mbrëmjen e djeshme për të diskutuar mbi projektligjin e hapjes së dosjeve, ministri i Mirëqenies Sociale dhe Rinisë, Erion Veliaj, deklaroi se ai garanton akses të plotë për të interesuarit direkt, siç janë ish të përndjekurit, media apo akademikët. Veliaj tha se projektligji është hartuar sipas modelit më të mirë, atij gjerman, dhe për të është punuar prej një viti.

“Hapja e dosjeve do të shërbejë edhe për gjetjen e trupave dhe vareve të personave të zhdukur nga komunizmi. Skema e shantazhimit të shoqërisë që vijon prej 24 vitesh duhet të mbarojë. Sipas ligjit, prioritetin për të marrë informacion e kanë viktimat. Ne nuk mund të bëjmë një gjysmagjel që mund të na çojë në elemente antikushtetues. Aty ku është e mundur jemi të hapur për konsensus. Qeveria e majtë ka dhënë këstin e 4 për ish të përndjekurit, dhe kjo është turp për të djathtën”, u shpreh ministri Veliaj.

Politologu Afrim Krasniqi tha se me propozimin e këtij projektligji, flamurin e së djathtës për hapjen e dosjeve e mori e majta. Sipas tij, projektligji në fjalë është i mirë dhe i shërben transparencës. Për analistin Arjan Vasjari, PD-ja ka humbur një sfidë historike nëse projektligji kthehet në ligj dhe e majta po shkruan një histori të re të sajtën.

Sipas analistit Skënder Minxhozi, nisma për hapjen e dosjeve është historike dhe madje do të ishte mirë të votohej nga 140 deputetët e Parlamentit. Ai tha se kjo është një mundësi e mirë për të krijuar consensus të gjerë mes partive./j.h

FOTO LAJM/ Me batanije në shkollë për t’i shpëtuar të ftohtit

10:40 Sociale

Beqaj: Mjekët që s'kalojnë testimin largohen nga puna

18:31 Sociale

Veliaj: Për 8 vjet shteti nuk u ka paguar sigurimet shoqërore, as atyre që punonin në shtet

15:14 Sociale

Vajza mjeke e Namik Dokles: Spitali pa ilaçe, zotërinj të kollarisur dhe zonja me Prada merren me prezencën

12:24 Sociale

Daut Gumeni: P/ligji i qeverisë për hapjen e dosjeve, hapi i duhur

12:09 Sociale

Ulen çmimet e 14 medikamenteve nga 33-65 %, lista e plotë

11:55 Sociale

Ministri Veliaj: Me skemën e re, pensione më të larta për të gjithë

11:53 Sociale

Ngrohja që mungon në kopshtet e Tiranës/ Në një prej tyre prindërit mbledhin lekët për të blerë kondicioner

11:08 Sociale

Pagesat e paaftësisë, pezullohen nga detyra 8 zyrtarë të Komisionit Mjekësor

12:16 Sociale

Video-skandali dhe spitali utopik i qeverisë

09:48 Sociale