Partia Demokratike ka denoncuar sërisht taksat e larta e të përsëritura të Qeverisë si shkaktaren kryesore të cmimit të lartë të karburantit, duke rritur koston e jetesës.

“Të hënën paradite në orën 11.00, nis aksioni i parë qytetar në shenjë proteste ku për 5 minuta do të fiken makinat

Qytetarët e vendit, janë sot të vendosur për të luftuar kundër tiranisë së çmimit të karburanteve.

Nuk mund të pranohet që shqiptarët të jenë delja e zezë e Europës me cmimin më të lartë të naftës dhe benzinës në gjithë rajonin e në gjithë kontinetin, vetëm sepse kështu ka vendosur Edi Rama me taksat e tij.

Të hënën që po vjen, në orën 11.00 paradite, nis aksioni i parë popullor për të kundërshtuar këtë kurs të qeverisë që po varfëron cdo ditë qytetarët.

Fermerët protestojnë për çmimin e lartë dhe i kërkojnë llogari qeverisë se përse ata paguajnë 60% taksa në një litër karburant. Për këtë arsye produktet bujqësore sot janë më shtrenjte e qytetaret po vuajnë pasojat e ketyre cmimeve.

Bizneset, protestojnë sepse pasi qeveria i asfiksoi me lloj-lloj taksash, ka vendosur që t’i marrë dhe frymën e fundit duke e rritur me 240 lekë në dy vjet taksën e qarkullimit.

Qytetarët, dhe cdokush që ka një makinë, apo që po vuan sot koston e shtrenjtuar të jetesës për shkak të cmimit të naftës, proteston sot, pasi qeveria e lidhur me interesat e klientelës së saj të naftës, po refuzon të dëgjojë zërin e tyre”, tha deputetja demokrate Voltana Ademi në një deklaratë për mediat.

Sipas saj, shqiptarët do protestojnë të hënën paradite në orën 11.00, sepse paguajnë 10% të portofolit të tyre të përditshëm bruto për karburant, 5% më shumë se sa kroatët, 6% më shumë se sa Hungarezët, 7% më shumë se sa grekët.

“Shqiptarët do të protestojnë të hënën paradite në orën 11.00, sepse paguajnë më shtrenjtë cdo produkt vetëm si pasojë e rritjes se cmimit te karburantit. Dhe qeveria e Edi Ramës merr nga xhepat e qytetarëve cdo vit 56 milionë dollarë taksa vetëm nga nafta.

Ky është vetëm fillimi i një aksion qytetar që duhet të vërë në lëvizje secilin prej nesh.

Partia Demokratike do të jetë në krah të shqiptarëve dhe kauzës së tyre të drejtë, derisa qeveria të marrë masa për uljen e taksave dhe uljen e cmimit të karburanteve”, tha ajo. /gj.k/

2 komente në “Cmimi i karburanteve/PD: Të hënën aksioni i parë popullor kundër kursit të Qeverisë”

Tirana says:

22 Janar, 2015 13:49 te 1:49 pm

Ik moj pirdhu bajge,kur ishin ne qeveri cmimin e rritet 3 here dhe e rritet ne momentin qe cmimi rritej cdo dite,pasaj dhe e monopolizuat me mafiozet si Taci apo ndonje kuksian qe spo ja them emrin. Tani shisni dengla e pordhe se pse ata horrat qe kane monopolin s’po e ulin,bajga.

Përgjigjjuni
stela says:

22 Janar, 2015 15:29 te 3:29 pm

Kurse une te henen ne oren 11.00, do ti ndez te pese makinat qe disponojne edhe familiaret e mi.

Përgjigjjuni