Zgjedhjet në Greqi/ Merkel thirrje grekëve të qëndrojnë me Europën

Kancelarja gjermane Angela Merkel tha se dëshiron që grekët të “qëndrojnë si pjesë e historisë së Europës” në prag të zgjedhjeve të parakohshme në Greqi, të cilat mund ta nxjerrin vendin nga euro-zona.

Angela Merkel bëri thirrje për unitet në ditën e fundit të fushatës elektorale.

Si Syriza ashtu edhe partia Demokracia e Re kanë  mbajtur mitingjet përmbyllëse të fushatës së tyre.

Mundësia e një fitoreje të partisë së krahut të majtë Syriza ditën e dielë ka nxitur frikën se Greqia mund të refuzojë të paguajë më tej borxhin dhe të dalë nga euro.

Merkel i kërkoi Greqisë që të qëndrojë si pjesë e eurozonës të premten.

“Në zemër të parimeve tona, qëndron solidariteti“, – tha ajo gjatë një konference shtypi në Firence me kryeministrin italian Matteo Renzi.

“Unë dua që Greqia, pavarësisht vështirësive të mbetet pjesë e historisë sonë“, – tha Merkel.

Duke folur për turmat e përkrahësve mbrëmjen e së enjtes, kreu i SYRIZA-së, Aleksis Tsipras, përsëriti premtimin e tij që gjysma e borxhit ndërkombëtar të Greqisë do të shkurtohet kur të përfundojë marrëveshja aktuale.

Ai tha se fundi i “poshtërimit kombëtar” ishte afër, ndërsa sondazhet tregojnë se partia e tij kryeson si fituesja e mundshme e zgjedhjeve në Greqi.

Greqia ka duruar shkurtime të thella të buxhetit për shkak të borxhit  lidhur me të ashtuquajturën troika – BE, Fondi Monetar Ndërkombëtar dhe Banka Qendrore Europiane./j.h

Pas vdekjes së Mbretit të Arabisë Saudite, Elizabeth II mbetet monarkia më e vjetër në botë

14:53 Bota

Vdes Mbreti Abdulla i Arabisë Saudite

08:32 Bota

Dënime mizore nga “Gjykatat e Sheriatit”

18:50 Bota

Në strofullën e çeçenëve

12:12 Bota

INTERVISTA/ Bernard Fitoussi: Barbarët s'mund ta vrasin Francën

10:22 Bota

Shimpazet dhe gorillat presin të vaksinohen, Ebola ka vrarë një të tretën e tyre

12:57 Bota

Tërmetet politike që do të tronditin Europën

11:59 Bota

FOTOT/ Xhihadistët kërkojnë 200 milion dollarë për të liruar dy pengje japonezë

11:10 Bota

Të kuptosh tronditjen zvicerane

10:56 Bota

Identikiti i xhihadistit

18:55 Bota