Kunati konsultohet për qëndrimin ndaj Muzeut të Shtëpisë me Gjethe

Inagurimi i muzeut të “Shtëpisë me Gjethe”, e futi në mendime Kunatin, nëse duhet të reagonin ose jo. Aq më tepër që ky Rama po merrte në dorë flamurin e denoncimit të diktaturës.

I pari që i shkoi në mendje ishte babai i tij, që kishte punuar ndërlidhës dhe merrej me tela telefoni në kohë të diktaturës.

E thirri babain për t’u konsultuar si ishte ajo punë atëherë.

-E ke ditur çfarë është “Shtëpia me Gjethe”, i tha babait?

-Patjetër, si s’e kam ditur! Për atë punonim të gjithë, i tha babai. Kur më sollën në Tiranë, unë kisha detyrë në terren të devijoja kabllin e atyre që përgjigjeshin tek “Shtëpia me Gjethe”.

-Po tani si të duket kjo që po bëjnë këta të qeverisë?

-Ia fusin kot, i tha babai. Këta kanë nxjerrë jashtë loje telat e telefonit dhe përgjojnë celularët. Nuk është se ka ndryshuar ndonjë gjë. Ja, e mban mend ti Ben Imamin që bleu në Izrael atë pajisjen që e vuri tek Ministria dhe përgjonte PS-në dhe diplomatët e huaj? Ja, si “Shtëpia me Gjethe” ishte ajo, po ishte valixhe me gjethe. Tani këta bëjnë muze. Le ta bëjnë. Ajo teknikë e vjetër për muze është, por metoda është ende e gjallë. Kështu që s’ia vlen.

-D.m.th ne si parti ia vlen ta denoncojmë apo jo?

-Ju e dini vetë, por kjo nuk është punë e mirë që po bëjnë. Po dëmtojnë shtetin. Bëjnë sikur denoncojnë Kadri Hazbiun, e do dalin tek Ben Imami në fund.

Kunati u bind që kjo punë ishte gabim. Thirri Gridën dhe e urdhëroi të dilte direkt në konferencë për shtyp.

-Do godasësh fort fjalën e Ramës, i tha.

-Çfarë ka thënë Rama, e pyeti Grida?

-Ka thënë diçka për penetrimin psikologjik dhe fizik në trutë e njerëzve nga “Shtëpia me Gjethe”, i tha Kunati.

-Ok, s’ka nevojë. E shpjegoj unë këtë nga pikëpamja e psikologes, i tha Grida. Ja po ulem e po ta dërgoj tekstin.

Pas pak Kunati mori deklaratën e Gridës:

“Ajo që kryeministri Edi Rama bëri sot para shqiptarëve, është në të vërtetë inkoshienca e fjetur e tij, e cila vuan nga sindromi i penetrimit, që në vetvete mbart dy anët e saj, penetrimin psikologjik dhe atë fizik.

Siç kumton literatura, penetrimi psikologjik është parapërgatitje për atë fizik, ndërsa kryeministri ynë tenton t’i japë prioritet penetrimit fizik, i cili sipas tij, lë pasoja traumatike tek penetrimi psikologjik.

Kjo fsheh në nënshtresat e koshiencës, idenë e një përdhunuesi që synon të prodhojë trauma nga penetrimi fizik, ndërkohë që normaliteti është i njohur për këdo, pasi penetrim psikologjik i hap rrugë penetrimit fizik…Për këto arsye Partia Demokratike dënon gjuhën e dhunës që kryeministri përdori me këtë rast, duke dëshmuar psikologjinë e një përdhunuesi që mendon se penetrimi është diçka e keqe.

Të ngrihemi një orë e më parë e ta rrëzojmë këtë qeveri që synon të banalizojë këto rite njerëzore, që e bëjnë jetën më të mirë. Qeveria po tenton të ndërhyjë dhe në gjërat tona më personale dhe në kënaqësitë tona më intime. Këtë nuk do ta lejojmë kurrë“.

Kunati e lexoi me një frymë gjithë deklaratën dhe iu duk pak e tepëruar. Për të qenë i sigurt pyeti Genc Rulin, se si e vlerësonte reagimin e Gridës.

-Po ç’të të them unë djalo, i tha Ruli. Rama ka dash të thojë që Sigurimi donte të na shkërdhente mendjen… Kjo e ka marrë sikur Rama do ta ndalojë shkërdhimin në tërësi, dhe është nxehur.

Shpërndahet literatura për testimin e mjekëve

19:02 Antena

Kunati njihet me këshillat e Tritanit për zgjedhjet në Greqi

19:01 Antena

Zbulohet sekreti i makinave luksoze të Ermal Hoxhës

19:10 Antena

Kunati, qarkore kundër dorëzimit të librezave të dritave

21:14 Antena

Letër Dragoit nga gjyshi Enver

20:22 Antena

Kunati bën gati arsyetimet për milionat e Zenit

18:14 Antena

Pjesë nga seanca gjyqësore ndaj Ermalit

21:22 Antena

Kunati sqarohet për dekoratën e Doris Pack

20:29 Antena

Kunati vonon deklaratën për laboratorin e drogës

18:38 Antena

Telashet e Kunatit me pemët e rrugës së Dajtit

19:24 Antena