Te fundit
Flamurtari-Teuta, Prokuroria e Vlorës nis hetimin. Priten hetime edhe për Laçi-Partizani
26 Janar 2015, 15:31Sport
TEMA
Prokuroria e Rrethit Vlorë regjistroi kryesisht procedimin penal për akuzën e trukimit të ndeshjes Flamurtari-Teuta, e luajtur të shtunën në mesditë në stadiumin e Vlorës.
Ndeshja, që ishte e vlefshme për javën e 19 të kampionatit shqiptar të futbollit, ka qenë në barazim 1 me 1 deri në minutën e 85-të.
Pas kësaj minute janë vërejtur në fushë anarki totale dhe lëshim të lojës së Teutës, për t’i dhënë mundësinë ekipit pritës të fitonte ndeshjen.
Duke qenë se situata në fushën e futbollit u bë komike dhe u komentua më së shumti nga tifozët e të dyja ekipeve, Prokuroria e nisi vetë hetimin kryesisht në bazë edhe të Kodit të Procedures Penale.
Pavarësisht se duhet të kishte një denoncim më parë nga vetë Federata e Futbollit, Prokuroria në bazë të nenit 197, pika 2, nisi hetimet duke dyshuar për trukimin e kësaj ndeshjeje futbolli.
Akuza u ngritën edhe për ndeshjen Laçi-Partizani, ndërsa pritet që edhe Prokuroria e këtij rrethi të regjistroje procedimin penal, raporton TCH.
Vetë drejtuesit e Flamurtarit e quajtën këtë takim “një komedi të turpshme”.
“Një komedi e turpshme në një vend që nuk ka rregulla të qarta loje në asnjë fushë të jetës. Kemi të bëjmë me një kampionat i cili ka shumë pikëpyetje”, deklaroi administratori i klubit, Sinan Idrizi.
Ai shtoi: “Këtu problemi është i sistemit. Ai që luan pastër është më i dobët. Duhet të bëjnë çdo gjë nga e para.”
Administratori i klubit vlonjat pohon se mënyra më e mirë për të ringritur futbollin shqiptar është heqja e ndeshjeve të kampionatit shqiptar nga kuotimet e basteve.
2 komente në “Flamurtari-Teuta, Prokuroria e Vlorës nis hetimin. Priten hetime edhe për Laçi-Partizani”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa te shkathet keto gjukatat tona Kane male me dosje te hallexhinjve pa zgjidhur neper vite kerkojne te meren edhe me futbollin Kane nuhatur ndonje leke
Po per Safet Gjicin e ate Kalamishin e Vllaznise a do hapni hetime.Apo ato ishin me te sofistikuar se e kishin bere pazarin paradhenie dhe me shumice.Pra Gjici i ka blere 12 piket me Vllaznine qe ne fillim