Bushati i përgjigjet Nishanit: Për Zhitin u konsultuam me Vatikanin. Kushtetuta nuk i njeh të drejtën e vetos presidentit

Ministri i Jashtëm Ditmir Bushati i është përgjigjur deklarimeve të presidentit Bujar Nishani në lidhje me bllokimin e emërimit të Ambasadorëve dhe aludimeve të tij për fshehjen e ftesave nga Ministria e Jashtme.

Bushati shprehu keqardhjen për mënyrën sesi ka reaguar Nishani, ndërsa shtoi se në disa raste ai zgjedh rrugën institucionale dhe në të tjera raste, sikundër rasti i Visar Zhitit, ai zgjedh rrugën e të bërit publike të çështjes.

“Ambasadorët janë kompetencë e Qeverisë dhe Kushtetuta nuk i jep asnjë të drejtë Kreut të Shtetit që të ketë të drejtën e vetos. Ambasadorët propozohen nga Qeveria dhe kjo është një e drejtë që ia ka dhënë Kushtetuta, ia jep ligji dhe sovrani.

Mund të lexoni kompetencat e Presidentit dhe do të shihni që Kushtetuta nuk i jep të drejtën e vetos, pasi Presidenti nuk përfaqëson asnjë nga 3 pushtetet”, theksoi Bushati.

Në vijim ai shtoi se në rastin e kandidatit  Zhiti, Ministria e Jashtme është konsultuar me Vatikanin dhe më pas ka bërë propozimin.

““Mund të ju them që edhe për shkak të profesionit, referuar Kushtetutës, Presidenti nuk bën pjesë në asnjë prej 3 pushteteve, edhe kur vjen puna tek ligji, vetoja përdoret në mënyrë shumë diskrete.

E kam thënë edhe herë tjetër, ftoj ta lexojnë të gjithë Kushtetutën në tërësi dhe kompetencat e Presidentit. Nëse do t’i nënshtrohemi një logjike të tillë, as trupat universitare nuk do të zgjidhnin Rektorin, pasi ai formalisht dekretohet nga Presidenti.

Sa i përket komunikimeve siç është rasti i Vatikanit, më lejoni t’i bëj eko qëndrimit të Presidentit. Duke njohur delikatesën e çështjes, kemi qenë në konsulta me Selinë e Shenjtë për propozimin e Visar Zhitit si ambasador dhe emri i tij ka dalë si rezultat i konsultimeve të vazhdueshme me Selinë e Shenjtë”. 

Unë nuk e di se cila nga arsyet që ka nxjerrë Presidenti bllokon dekretimin e Visar Zhitit, i cili është ish-deputet dhe ish-ministër i Qeverisë Berisha, i dekretuar në postin ministror nga Presidenti aktual.  

Në fillim Nishani nxorri pretendimin e procedurave, më pas tha se Zhiti nuk plotëson kriteret, pastaja tha se Zhiti mund të ishte Ambasador i shkëlqyer në Paris apo konsull në Milano. Pra unë nuk e di se cilës nga këto pretendime i qëndron Presidenti”, tha Bushati.

Ndërkohë në lidhje me fshehjen e ftesave, Bushati sërisht ka përgënjeshtruar Nishanin, duke theksuar se tashmë Presidenti është në Kroaci, në ceremoninë e inaugurimit të Presidentes së re kroate, dhe ky ka qenë edhe propozimi i Ministrisë së Jashtme. /gj.k/

Basha tërhiqet nga dhënia me koncension i parkingjeve publike në Tiranë

10:29 Politika

A është Rama i shantazhueshëm nga mediat?

09:40 Politika

Si gënjeu Basha se Greta po ikte në Novoselë duke i rënë nga Fushë Kruja dhe një shënim për median

09:59 Politika

Arrestohet një 24-vjeçar në Tiranë, dyshohet si vrasës me pagesë

09:18 Politika

Servet Pëllumbi kundër Blushit: Kritikat e tij, skolastike dhe varfëri ideore

09:01 Politika

Basha denoncon vdekjen e minatorit, por nuk i di as emrin

19:41 Politika

Ngjela: Nishani kërkon të bëjë rrëmujë me emërime që nuk i ka të tijat

18:57 Politika

Prokuroria kërkon 15 ditë burg për Emirjon Gjutën, nuk e tregon personin që i bleu celularin

16:03 Politika

Veliaj në Fier, ndihma nga Presheva, OKB dhe UNICEF për familjet e përmbytura

15:27 Politika

Ukraina, kjo është loja e Putinit

15:06 Politika