Te fundit
Veliaj në OKB për luftën ndaj dhunës me bazë gjinore: Shqipëria, shembull për reformat që gjenerojnë punësim për gratë dhe vajzat
16 Mars 2015, 12:38Sociale
TEMA
Në kuadër të Sesionit të 59-të të Komisionit mbi Statusin e Gruas (CWS) në selinë e Organizatës së Kombeve të Bashkuara në Nju Jork, i cili u zhvillua në datat 10-21 mars, Shqipëria solli për herë të parë eksperiencën shqiptare në luftën kundër dhunës me bazë gjinore. Paneli i diskutimeve mbi dhunën me bazë gjinore i titulluar “Breaking Mindset”, u organizua nga Ministria e Mirëqenies Sociale dhe Rinisë, Agjencia e OKB-së në Shqipëri dhe Misioni i Përhershëm i Shqipërisë në OKB.
Aty morën pjesë Ministri i MSR-së, z. Erion Veliaj, Kryetarja e Aleancës së Gruas Parlamentare, znj. Mesila Doda, Koordinatorja e Përhershme e OKB-së në Shqipëri, Zineb Touimi-Benjelloun, përfaqësuesja e Shoqërisë Civile, Iris Luarasi etj., të cilët nëpërmjet prezantimeve të tyre e vunë theksin te masat që duhet të ndërmerren në luftën kundër dhunës me bazë gjinore.
Në fjalën e mbajtur gjatë punimeve të Komisionit për Statusin e Gruas në Nju Jork, ministri Veliaj paraqiti Planin Kombëtar për përfshirjen e burrave dhe djemve për Barazinë Gjinore dhe Ndalimin e Dhunës me Bazë Gjinore, i cili aktualisht po zbatohet në Shqipëri, me fokus nxitjen e djemve dhe burrave në mbështetje të fuqizimit të grave dhe vajzave në shoqërinë tonë.
“Sot Shqipëria ka disa lajme të mira: Pas 500 ditësh me qeverisje të re, për herë të parë qeveria ka vendosur që ndihma ekonomike t’u jepet eksluzivisht grave apo që japim 5 mijë pensione sociale për gjyshet tona. Është hera e parë që 2/3 e Fondit të Nxitjes së Punësimit përdoret për të punësuar më shumë gra e vajza, sidomos në zonat rurale apo me aftësi të kufizuara. Gjithashtu, është hera e parë që kemi një nga qeveritë më progresiste në Ballkan, ku 1/3 e qeverisë dhe rreth ¼ e Parlamentit janë gra dhe vajza”, deklaroi ministri Veliaj.
Ai u shpreh se, në një vit e gjysmë qeverisje, Shqipëria në këtë fushë ka bërë shumë. “Më vjen mirë që, nga rajoni ynë, Shqipëria u përzgjodh si shembull që gjeneron mjaftueshëm reforma për të patur një impakt real në punësim, në pensione dhe në ndihmën ekonomike të grave dhe vajzave. Por, duhet të pranojmë se gjërat nuk janë të përsosura, dhuna është ende pjesë e shoqërisë tonë dhe ajo nuk thjesht çështje e politikës dhe e ligjeve, por edhe pjesë e një shoqërie më të emancipuar”, shtoi z. Veliaj. Sipas tij, qasja që Shqipëria i ka dhënë luftës ndaj fenomenit të dhunës ndaj grave nuk është fokusuar vetëm te gratë dhe vajzat e dhunuara, por kryesisht te djemtë dhe burrat, të cilët janë ftuar të bëhen pjesë e zgjidhjes.
Komisioni për Statusin e Gruas në OKB ka shërbyer si organ përgatitor për Konferencën e Katërt Botërore 1995 për Gratë, i cili miratoi Deklaratën e Pekinit dhe Platformën për Veprim. Komisioni është mandatuar nga Asambleja e Përgjithshme për të luajtur një rol qendror në monitorimin e zbatimit të Deklaratës së Pekinit dhe Platformës për Veprim dhe këshillimin ECOSOC. Në gjashtëdhjetë vitet e ekzistencës dhe seancat e tij, Komisioni për Statusin e Gruas ka promovuar vazhdimisht përparimin e grave dhe ka ndihmuar në zgjerimin e njohjes së të drejtave të grave, në dokumentimin e realitetin e jetës së grave në të gjithë botën, në formësimin e politikave globale për barazinë gjinore dhe fuqizimin e grave dhe për të siguruar që puna e OKB-së për perspektivën gjinore përfshin të gjitha zonat.
Komisioni vazhdon të luajë një rol të rëndësishëm duke bashkuar qeveritë, subjektet e OKB-së, OJQ-të dhe organizatat e tjera ndërkombëtare dhe rajonale për të promovuar të drejtat e grave dhe për të çuar përpara barazinë gjinore.
9 komente në “Veliaj në OKB për luftën ndaj dhunës me bazë gjinore: Shqipëria, shembull për reformat që gjenerojnë punësim për gratë dhe vajzat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
minsitri me i korruptuar i qeverise shqiptare. nje medioker i vertete qe eshte gati teshese dhe nenen e tij per lek dhe karriere.
Mashtrues i papam, ja kaluam Gjermanise se Sali Serbit, me Herjonin ja kaluam dhe Hamerikes, o pusht ske bere asnje pune e mos shit dengla se ju jeni nga ata qe quani per sukses historite qe degjoni ne tavolina, e me pas thoni ne nuk i dime keto pune. Turp per ty o pusht
More,per cfare punesimi grashe flet ky? Per ato qe punojne ne ndermarrjet me fazon si skllave, me ore te zgjatura dhe me paga mizerabel?Shpesh edhe pa qene te siguruara.Mashtrim ne drite te diellit.
Dy komentueset e me siperm SELMA dhe HIUII,duket qe nuk jane ne rregull ose do jen nga ata qe lepine bythen e Saliut.Une nuk jame avukat e Ministrit Veliaj,por dua te them se nuk kemi pare deri tani ndonje korupsion,apo te shes nenen e tij per para.Nuk kemi ndonje rate per te shpallur mashtrues.Keto qe thoni jane nje urrejtje prej xhelozi, se zoti veliaj eshte ne nje moshe te re,me energji te reja dhe eshte ne detyren e ministrit,detyre te cilen po e bene shume mire.
Jo zoteri ti nuk je avukat (shkruhet avokat meqe ra fjala). Ti je nje idiot ne rastin me te mire dhe nje bythelepires ne rastin me te keq! Ik e llogarit qindarkat e pensionit tani.
Faleminderit Erion! Me ngritjen e fundit te pensioneve cdo shqiptar mund te martohet me kursimet e prinderve ( te pensionit dmth). Ne krahasim me kohen e Zogut kemi bere hapa gjigante nen udheheqjen tuaj.
Mashtrues rdiner, me ministra si ky legen e ka te humbur ps betejen….
Shqiperia-shembull,hahahaha.Shqiperia-fanar ndricues,oj temen e semes u kthyem ne vitet 70-te.
Per ke grua e ka fjalen ky, per te veten qe i vuri flaken karrieres se ketij me lloj lloj bemash? Se per te emen qe pergojoi per te mbrojtur dasmen megallomane nuk e ka besoj.Karrierist i peshtire!