Shërbimet sekrete: Kosova e rrezikuar nga sulmet terroriste

Ekstremizmi dhe terrorizmi paraqet rrezik për sigurinë dhe interesat e Kosovës. Si fenomen i përdorimit ekstrem të mjeteve të dhunshme, ai mund të prodhojë akte të dhunshme edhe në Kosovë, thuhet në raportin konfidencial të shërbimeve të inteligjencës, i shkëmbyer ndërmjet autoriteteve vendore e ndërkombëtare.

“Pozita gjeostrategjike e Kosovës është element shtesë, që mund të shndërrojë vendin si cak transiti për grupet e jashtme radikale dhe ekstremiste, si ISIS, Al Nusra dhe grupeve të tjera terroriste, të cilat në të shumtën e rasteve përdorin dhunën si mjet për realizimin e synimeve të tyre politike”, thuhet në këtë raport, për rrezikun që për momentin zanafillën e ka jashtë kufijve të Ballkanit Perëndimor.

Nga përfundimi i luftërave në Ballkan, por edhe pas luftës së fundit në Kosovë është përhapur fenomeni i doktrinës së ashtuquajtur selefiste, sipas të cilës, duke u thirrur mbi parime fetare të interpretuara me koncepte të ngushta dhe fanatike, si qasje strikte ndaj fesë islame, përjashton shpesh edhe katër shkollat e mendimit Maliki, Shafi, Hanbali dhe Hanafi, duke krijuar ligjet, sistemin dhe liderët e tyre me mësim-besimin strikt të islamit.

“Si rezultat i ekstremizmit është shfaqur trendi i pjesëmarrjes së qytetarëve të Kosovës në konfliktin në Siri dhe Irak, kryesisht praktikues të fesë sipas doktrinës selefiste, që i janë bashkuar grupeve terroriste si ISIS/L dhe Al Nusra”, thuhet në këtë raport konfidencial, derisa shqetësues përshkruhet niveli rritës i radikalizimit të tyre si pasojë e pjesëmarrjes në luftime, duke rënë në kontakt me persona dhe duke u bërë pjesë e celulave të caktuara terroriste.

Pjesëmarrja e shtetasve të Kosovës në luftimet në Siri paraqet shqetësim, sepse këta persona janë në kontakt me individë dhe grupe radikale/ekstremiste që janë trajnuar për përdorim të armëve, eksplozivëve, të cilët për arritjen e qëllimeve të veta kanë si metodë përdorimin e dhunës.

“Deri më tani Kosova është ballafaquar me raste individuale dhe grupe të vogla të organizuara, të cilët kanë shfaqur ide për planifikim dhe organizim të mundshëm për kryerje të sulmit ndaj personave të caktuar dhe ndaj individëve të tillë janë ndërmarrë masat e nevojshme ligjore”, thuhet në këtë raport të siguruar nga lajmi.net.

Isa Mustafa për mbledhjen e dy qeverive: Optimist për një kapitull të ri bashkëpunimi mes Kosovës e Shqipërisë

11:38 Rajoni

Rusia përplaset ashpër me NATO-n, përmendet edhe Kosova

18:58 Rajoni

Të hënën mbledhja e dy qeverive Shqipëri-Kosovë. Nënshkruhen 8 marrëveshje, 4 prej tyre në fushën e sigurisë

17:07 Rajoni

Shqipëria, mes vendeve të Ballkanit Perëndimor me potenciale të mëdha energjetike për Evropën

10:42 Rajoni

Përplasje Serbi- BE/ Kukan: Mos shko në paradën e Moskës. Nikoliç: S’të kërkova mendim

10:25 Rajoni

Ballkani, pikë takimi e rrezikut të radikalizmit islamik dhe ndikimit rus

19:21 Rajoni

Beogradi po bën pastrimin etnik të Luginës së Preshevës

16:14 Rajoni

Kosova, e treta pas Sirisë dhe Afganistanit, për numrin e azilkërkuesve në Europë

16:12 Rajoni

Udhëheqësit e BE humbasin durimin. Dhe “ngrijnë” shpresat e Greqisë

11:16 Rajoni

“Beteja” shqiptaro-greke për zonat naftëmbajtëse në Jon

09:50 Rajoni