Te fundit
Prenga: Nëse je shqiptar duhet të zgjedhësh Shqipërinë
25 Mars 2015, 15:13Sport
TEMA
Fanella kuqezi është kthyer në modë dhe shumë e rëndësishme për ata që kërkojnë ta kenë mbi supe dhe të përfaqësojnë Shqipërinë në arenën europiane.
Rasti i fundit është ai i qendërmbrojtësit Herdi Prenga, i lindur në Kroaci dhe pjesë e skuadrës së madhe Dinamo e Zagrebit, që për momentin e ka huazuar tek skuadra e të njëjtit qytet, Lokomotiva Zagreb.
20-vjeçari që ka luajtur më parë me skuadrat e moshave të Kroacisë ka preferuar të vijojë rrugën ndërkombëtare me Shqipërinë, një zgjedhje që e shpjegon vetë lojtari.
“Unë jam shqiptar. Babai im ka luajtur për Kombëtaren shqiptare. I thashë vetes që duhet të luash për Shqipërinë. Fola me babain tim dhe me presidentin e federatës kroate dhe nxorrëm si përfundimin më të mirë për të luajtur me Shqipërinë”, shprehet ai për Sport News.
Debutimi i Herdit me fanellën kuqezi pritet të ndodhë në sfidën e kësaj fundjave me 21-vjeçarët e Lihtenshtejnit.
Një sfidë që hap fushatën eliminatore të Euro 2017, faza finale e të cilit do të zhvillohet në Poloni.
Prenga vlerëson grupin e futbollistëve si dhe premton që kthimi në Shqipëri do të jetë me një rezultat pozitiv:
“Në skuadër janë cuna të mirë dhe më kanë pritur ngrohtësisht. E shoh si një ndeshje të fortë me Lihtenshtejnin, por ne do të kthehemi me rezultat pozitiv”.
Nga mendimi për sfidën e së shtunës, vëmendja kthehet edhe një herë tek zgjedhja personale.
Prenga ka një mesazh për të gjithë ata që kanë dyshime se cfarë ngjyrash duhet të përfaqësojnë në të ardhmen:
“Nuk kam cfarë të them pasi secili e di vetë rrugën e tij. Por nëse je shqiptar duhet të zgjedhësh Shqipërinë”.
Kombëtarja shqiptare e 21-vjeçarëve të drejtuar nga Skënder Gega do të niset drejt Lihtenshtejnit të enjten në mesditë teksa sfida e parë e eliminatoreve për “Euro 2017” do të luhet të shtunën në Eschen në orën 20:30.
4 komente në “Prenga: Nëse je shqiptar duhet të zgjedhësh Shqipërinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
respekt per ti herdi ata qe ithone vetes shqiptar duhet te lozin vetem me kombetaren tone
respekte per Herd Prengen nga Mirdita!
bravo te gjithe duhet te jene krenare te mbajne fanellen kuq e zi ;; cdo shqiptar nuk duhet te nguroje ;;;ne asnje vedn te botes shqiptaret nuk respektohen si me shqiperine ;jetoj jashte dhe cdo dite duhet ti tregoj se kush eshte albania ;;; dhe se assnje ne bote nuk ka gje me te vlere se ne ;;; nuk kane zgjuarsine ;;;megjithese shpesh e mbajne veten seperior nga ne ;;por ne realitet nuk jane ;;;dhe duhet tja beje te ditur me te thena ose ;;;;;;;;dhe njeher bravo dhe jemi fiere de toi ;;;
Brravo.