Te fundit
Kaka: Milani duhet të marrë shëmbull nga Juventusi
10 Prill 2015, 15:58Sport
TEMA
Një nga futbollistët më të dashur për tifozët e Milanit, Rikardo Kaka, rikthehet të flasë për të kaluarën e tij.
Braziliani, që e pranon se nostalgjia për Milanin nuk do t’i ikë kurrë, tregon edhe për diferencën ndërmjet viteve të arta nën drejtimin e Ancelotit dhe eksperiencën e shkurtër pas rikthimit në 2013:
“Kishin kaluar 4 vjet që kur kisha luajtur për herë të fundit me Milanin, pasi më parë kisha kaluar aty 6 vjet të mrekullueshëm, por ajo që gjeta në dhomat e zhveshjes ishte diçka shumë e ndryshme”.
Kaka e pranon se pavarësisht kësaj, ai e kishte dëshiruar jashtëzakonisht shumë rikthimin te Milani në 2013-ë n:
“Isha vërtet i lumtur që pata mundësinë të luaja sërish aty, edhe pse vetëm për një kampionat.
Sigurisht që gjeta lojtarë të tjerë nga ata që kisha lënë.
Cfarë i mungonte asaj skuadre?
Pikët, domethënë vazhdimësia e rezultateve.
Bënim ndeshje të bukura si ndaj Barcelonës apo ndaj Juves, por pastaj në fund gjithmonë kishte dicka që mungonte”.
Kaka falenderon Galianin për gjithçka ka bërë për të, ndërsa nuk mund të mungonte edhe një koment për Inzagin, shokun e tij të dikurshëm të suksesve, që tanimë ka veshur kostumin e trajnerit:
“Pipo e dashuron futbollin dhe jeton për të.
Për mua ka bërë rrugën e duhur, dy vite me skuadrat e të rinjve dhe pastaj erdhi momenti që të merrte drejtimin e Milanit.
Është një sezon vuajtjesh, por unë jam optimist.
Në dy apo tre vjet Milani do të ringrihet.
Duhet të marrim shembull nga Juventusi”.
Në të tashmen dhe të ardhmen e Kaka është te Orlando Siti dhe Kaka shprehet se ndihet shumë i lumtur në SHBA dhe po e shijon eksperiencën e tij në MLS.
Lini një Përgjigje
Më të lexuarat
24 oret e fundit
Javen e fundit
Blog Tema
