“Kantieri i Rilindjes Urbane"/ Rama: Në 18 muaj u ndryshuam fytyrën qyteteve. Peleshi: Katërfishuam fondet për bashkitë

Kryeministri Edi Rama, i ka cilësuar si të suksesshëm 18 muajt e parë të qeverisjes së majtë, e cila sipas tij iu ndryshoi pamjen shumë qyteteve në vend.

Gjatë fjalës së tij në prezantimin e programit “Kantieri i Rilindjes Urbane”, kryeministri prezantoi një sërë ndërhyrjesh që janë bërë në disa qytete të vendit, ndërsa theksoi se ato kanë marrë një tjetër pamje. Ndërsa ka akuzuar qeverinë e shkuar se nuk kanë pasur asnjë projekt për qytetet.

“A ju ka rënë rasti të shikoni ndonjëherë ndonjë qytet lagje apo vendbanim të shëmtuar ku njerëzit jetojnë mirë?

Nëse secili e ndjek me mend filmin e imagjinatës për të gërmuar në kujtesën e vet çka ka parë, besoj se do ta ketë të pamundur të thotë se e ka parë diçka të tillë. Por a është paraja ajo që e sjell ajo bukurinë e një qyteti, apo është e kundërta? Unë besoj se të dyja sjellin njëra-tjetrën.

Stërgjyshërit tanë që kishin shumë më pak para, apo njohje të botës përtej kufijve, ndërtuan vendbanime që sot kanë një vlerë të pakrahasueshme estetike dhe me vlera, në raport me atë që u krijua në periudhën e tranzicionit. Edhe në buzë të Lanës u praktikua një model ndërtimi i paparë askund në botë, me ndërtime buzë lumit.

Ka një arsye të madhe se pse raporti mes pasurisë dhe bukurisë në kuptimin e një hapësire publike të organizuar bukur, ka një marrëdhënie të drejtpërdrejtë. Pas këtyre ndërhyrjeve për shembull në Korçë shkojnë dhjetëra herë më shumë vizitorë e turistë. Një ndërhyrje në qytetet e vendit, për shembull në Kavajë, do të rritë numrin vizitorëve, dhe do të lërë pas atë politikë që e dëmtoi si qytet.

Po ndryshojmë pamjet e qyteteve. Në qeverisjen e PD, projektet ishin vetëm një fletë vizatimi. Qytetet e qeverisura nga socialistët u panë si kështjella për t’u sulmuar, për t’u marrë peng, dhe për ta shembur me çdo kusht kryetarin e bashkisë. qytetet në tërësi u lanë në mëshirë të fatit. Sot në këto qytete investimi i bërë nga kjo qeveri në 18 muaj, i ka ndryshuar fytyrën.

E lanë Gjirokastrën pa asnjë kokërr leku. Ka vazhduar lufta e barbarëve për të marrë peng burimet e tyre. Nga ana tjetër dua të nënvizojë se nuk është çështja e një përplasje tradicionale; kush bën më shumë rrugë..rrugë, por ka një përplasje mes dy vizioneve dhe mes dy rrugëve krejtësisht në drejtim të ndryshëm. Bëhet fjalë për një ndryshim në filozofoi që ne e kemi sjellë. Shqipëria nuk është më territori i 25 viteve më parë dhe me ato plane rregulluese klasike që nuk kanë pasur dhe skano për të pasur sukses, në një realitet siç është realiteti ynë. Shqipëria me kohë e ka pasur me kohë një ligj që pengonte vjedhjen e energjisë elektrike. Nuk jemi në kushte që duhet të shpikim diçka që nuk ekziston, pasi nuk është vetëm Shqipëria që gjendet para kësaj sfide zhvillimi. E atëherë, duke iu referuar shembujve që kanë bërë histori në zhvillimin e qyteteve, pastaj të vendeve, ne jemi për një filozofi që të çon nga urbanizimi tek zhvillimi i qëndrueshëm social e ekonomik.”- pohoi Rama.

Nga ana tjetër, numri një i qeverisë deklaroi se nga qeverisja e kaluar ka plotë 166 ndërhyrje infrastrukturore që kanë krijuar probleme.

“Nuk kupton fuqinë që ka qendra për të induktuar periferinë dhe nuk kupton që t’i japësh Librazhdit, një xhep, se ashtu e kishin lënë dhe të gjithë ndalonin se aty kishte një byrektore. Kemi parë në Shqipëri gjëra të hatashme, shpenzime të hatashme me të cilat mund të ishin bërë gjëra të vlefshme. Janë 166 ndërhyrje të tilla, të cilat vetiu krijojnë atë problem për debatin e brendshëm, për metabolizmin urban. Fondi Shqiptar i Zhvillimit për të vënë në dispozicion të bashkive dhe të vizionit të kryetarëve të tyre një instrument financiar që në kushtet tona s’ka asnjë mundësi ta përballojë. Shikoni Shqipërinë e atyre 20 e kusur viteve, kujtoni se si ishte trupi i saj? Aty ku se preku ky zhvillim i paimagjinueshëm barbar është mirë, ndërsa aty ku ndërhyri është katastrofik. Se si këto ndërhyrje do ndikojnë në ekonomi, e cila nuk mund të jetë e shkëputur nga shpresa dhe perspektiva në një realitet. Këto ndërhyrje krijojnë komunitet. Më thoni një qytet qoftë edhe me 5 mijë banorë që nuk ka një shesh, dhe nuk ka asnjë pikë atraksioni për turistët.  Fluksin e turistëve e vizitorëve në Shqipëri do ta krijojë misteri i së panjohurës, dhe nuk është e mundur që nga çfarë ka në Korçë, të mos përfitojë edhe Librazhdi, Përrenjasi, apo Elbasani, e njëjta gjë edhe në qytetet e tjera. Çfarë biznesi të vogël do të kemi ne në të gjitha qytetet tona. Kjo do të ndikohet edhe nga kërkesat që do kenë ata që do vizitojnë këto qytete”, tha Rama.

Ndërsa zv.kryeministri Niko Peleshi theksoi se në 18 muajt e fundit, fodni për bashkitë dhe komunat është katërfishuar, duke realizuar 366 projekte.

Rilindja Urbane nuk është slogan, është një axhendë dhe transformimi urban është nga njëra anë luftës për ti dhënë fund tranzicionit të territorit. Ky tranzicion thërret si një nevojë ndryshimin. Lufta e ndërtimeve pa leje në fakt prodhoi një situatë të paimagjinueshme më parë, ndërtime pa leje ishin një ngjarje e zakonshme, ndërsa sot është e jashtëzakonshme. Ky ishte komponenti i parë që provoi të ishte i suksesshëm për një kohë të shkurtër, ka një ndryshim të madh në qasjen tonë në legalizim. Legalizimi nuk nisi me këtë qeveri, as me atë të kaluarën, ne e shohim si përpjekje finale për formalizmi. Dhënia fund e ndërtimeve pa leje do të thotë që askush mos të ndërtoj në kurriz të të tjerëve. Ne ndërtojmë dhe punojmë me qasjen dhe me ambicien e ëndrrave e brezit që do vijë dhe jo si ka ndodhur deri më sot. Transformimi urban vjen si komponenti i tre i programit tonë i Rilindjes urbane. Rilindja Urbane nuk është ëndërr. Nëse bashkia e Tiranës do kthente ato lekë, do ti vinte në zbatim për realizimin e disa projektevei.

“Çdo kandidat për garën elektorale, duhet të përgatis procesin e decentralizimit, pasi mund të ndërtohet një e ardhme më e mirë. Ne nuk i lajmë duart me bashkitë e reja me procesin e decentralizimit. Ky është një kush për shumë bashki. Shumë qytete dhe fshatra kanë probleme me ujin e pijshëm, me kanalizime. Janë të gjitha këto nevoja që kërkojnë disa fish buxhet më të madh. Fondi është katërfishuar gjatë 18 muajve të fundit, 366 projekte janë realizuar nga FZHR. 73 projekte janë bërë në ujësjellës, vaditje, kujdes parësor, etj. 120 milion dollarë ka qenë fondi për 95 projekte të reja për disa bashki.”, tha Peleshi

“Kantieri i Rilindjes Urbane” është një projekti i realizuar nga FZHR, i cili u prezantua ditën e sotme me anë të disa kolazheve nga qytete të ndryshme të Shqipërisë.

Balla: Grida Duma është në një listë me Mziun, edhe si akademike, edhe si person me precedent penal

18:13 Politika

Si u bë Grida Duma biznesmene ndërtimi në moshën 25- vjeçare dhe përse akuzohet për mashtrim?

23:05 Politika

Greqia dhe Turqia kërcënojnë Perëndimin

17:19 Politika

Rama: Ju shqupatarët opozitarë jeni mishërimi i varfërisë së aspiratave. Basha: Mjaft delirove, po flet si Nikoliç

17:18 Politika

Tensione në PD/ Lefter Maliqi, sherr me Fatbardh Kadillin

16:43 Politika

"Ne duam të ndëshkohen 'peshqit e mëdhenj'. A do të ndodhë kjo?"

15:49 Politika

Zgjedhjet e 21 Qershorit, OSBE/ODIHR publikon raportin paraprak/ Klima politike e tensionuar, ka shqetësime për blerje vote

15:52 Politika

Ish-kryedoganierja e Sarandës nuk justifikon dot 1.5 milion dollarë

15:34 Politika

Grida Duma: Jam akademike, hidhuni përpjetë sa të doni por në Durrës fitoren e kam të sigurtë

15:27 Politika

FOTOT/ Basha kujtohet të bëjë ndonjë punë në Tiranë, para se të largohet

15:11 Politika