Te fundit
Tifozi i Arsenalit, test të dashurës për të “shpëtuar” lidhjen
29 Prill 2015, 12:25Sport
TEMA
Një lidhje dashurie mund të përfundojë, por edhe mund të shpëtojë kur në mes futet futbolli.
Kjo është historia e një çifti në Angli, me djalin tifoz të çmendur të Arsenalit që po mendonte t’i jepte fund marrëdhënies, por që gjithsesi e kishte ruajtur edhe një mundësi të fundit për të dashurën e tij.
Cfarë duhet të bënte vajza?
Për djalin ishte shumë e thjeshtë, por ndoshta jo dhe aq për partneren e tij.
Kështu ai përpiloi një test me pyetje rreth skuadrës së zemrës dhe nëse ajo do ta kalonte atë, lidhja mes tyre do të vazhdonte e qetë dhe e lumtur si më parë.
Vajza e mori shumë seriozisht testin dhe për habi tregoi se edhe ajo mund të konsiderohet një ultrase e topçinjve me përjashtim të disa gabimeve të vogla, si në rastin kur shkruan se Alexis Sanchez është më i mirë se Eden Hazar sepse është kilian apo kur ngatërron pozicionin e Ozil, i cili në fakt është mesfushor dhe jo mbrojtës.
Nuk dihet sa ishte minimumi i pikëve, por 43.5 nga 50 të mundshme nuk është edhe aq keq.
Bravo Saskia, i shkruan djali në fund të provimit.
Lidhja të paktën edhe për ca kohë duket se do të vazhdojë, deri në një test tjetër…
Lini një Përgjigje
Më të lexuarat
24 oret e fundit
Javen e fundit
Blog Tema
