Te fundit
Simeone: Dëmtimet, jo justifikim për Guardiolën
5 Maj 2015, 15:24Sport
TEMA
Trajneri i Atletikos së Madridit bën analistin, teksa flet gjerë e gjatë në një intervistë rreth përballjes mes Barcelonës e Bajernit në Champions.
Diego Simeone pohon se kurrë nuk ka patur rastin të ndajë dhomat e zhveshjes me Pep Guardiolën, por e njeh mirë nga miqtë e përbashkët që kanë të dy trajnerët:
“Shumë lojtarë më kanë folur për entuziazmin dhe pasionin në punën e Guardiolës.
Ndeshja me Barcelonën do të jetë e veçantë për të sepse do të rikthehet në klubin ku u rrit si lojtar dhe ku ka shkruar shumë histori si trajner.
Fakti që njeh lojtarët e Barçës do ta ndihmojë shumë në përgatitjen e këtij takimi”.
Në ndeshjen e parë gjysmëfinale, bavarezët shkojnë me mungesa të shumta, megjithatë për Simeonen, ky nuk mund të përdoret si justifikim për Guardiolën:
“Bajernit i mungojnë lojtarë të rëndësishëm, por ky është një klub i madh, ndaj ka detyrën që të zbresë në fushë me një formacion sa më të fortë.
Dëmtimet nuk janë justifikim sepse lojtarët cilësorë nuk i mungojnë”.
Nga ana tjetër, Simeone vlerëson edhe Luis Enriken për punën e mirë që ka bërë te Barcelona:
“Po flasim për një nga skuadrat më të mëdha, që ka 3 apo 4 lojtarët më të mirë në botë.
Barcelonës nuk i mungon asgjë në sulm dhe po kështu është e fortë edhe në mbrojtje.
Enrike meriton vlerësime sepse e ka bërë ekipin më efektiv në mesfushë dhe më të fuqishëm në repartin ofensiv e atë difensiv”.
Lini një Përgjigje
Më të lexuarat
24 oret e fundit
Javen e fundit
Blog Tema
