Tahiri: Asnjë vend imun nga terrorizmi, për të luftuar ekstremizmin duhet të luftojmë varfërinë dhe injorancën (VIDEO)

Përfaqësues të 12 vendeve janë mbledhur sot në Tiranë në një samit ku do të diskutohet mbi çështjet që lidhen me ekstremizmin e dhunshëm dhe bashkëpunimin në luftën kundër këtij fenomeni.

Përveç ministrave të Brendshëm të vendeve të rajonit, marrin pjesë edhe përfaqësues të disa vendve të BE, ndërsa Shtetet e Bashkuara të Amerikës përfaqësohen nga Zv/Sekretarja amerikane e Shtetit për Sigurinë Civile, Demokracinë dhe të Drejtat e Njeriut, Sarah SeWall e cila po mban një fjalë.

Ministri i Brendshëm, Saimir Tahiri, deklaroi se “tashmë janë përcaktuar disa objektiva bazë për luftën ndaj ekstremizmit të dhunshëm. Tendencat e terrorizmit janë më shqetësuese se kurdoherë tjetër. Të krijojmë ekipe hetimesh të përbashkëta, të shkëmbejmë informacionet.  Kriminaliteti dhe ekstremizmi i dhunshëm nuk njohin kufij”, tha ai.

Ministri shtoi se asnjë vend nuk është imun nga terrorizmi.

“Edhe Ballkani si i tillë, duket sikur për momentin vetëm eksporton rrezik, që janë luftëtarët e huaj, dhe ky është një problem që jo pak ka shqetësuar shoqëritë tona. Por unë besoj se nuk është e largët dita, kur problemi që sot eksportojmë të jetë një problem që nesë të vijë në shtëpinë tonë”, nënvizoi Ministri i Brendshëm. 

Duke analizuar shkaqet që nxisin terrorizmin, Tahiri theksoi se ato janë disa, duke mos lenë jashtë vëmendjes edhe përjashtimin social, një arsye që duket se ka shkaktuar jo pak trazira kohët e fundit në Maqedoni, me komunitetin shqiptar.

“Probleme të tilla si vërfëria, si papunësia, si mungësia e zhvillimit ekonomik të qëndrueshëm, padrejtësia, qoftë kjo kur vjen nga institucionet, qoftë kur vjen nga sistemi i drejtësisë që duhet të bëjë drejtësi, padrejtësia shoqërore si përjashtimi social, apo fenomene më shqetësuese në Shqipëri dhe në rajon si korrupsioni, kërcënimi i kriminalitetit, krimit të organizuar në veçanti, janë probleme që në një mënyrë osë në një tjetër ushqejnë tendencat për ekstremizëm të dhunshëm”, deklaroi Tahiri. 

Sipas ministrit të Brendshëm masat e forta kanë çuar në zero numrin e personave që nisen për të marrë pjesë në luftë, në kuadër të Shtetit Islamik.

“Bashkëpunimi me agjencitë ligjzbatuese me rezultate pozitive. Është ulur gati në zero numri i personave që mund të nisen në vendet e luftës” tha Tahiri.

Sipas Tahirit është rënë dakord që qasja ndaj terrorizmit të jetë një qasje e përgjithshme dhe jo vetëm një qasje force.

“Çka do të thotë më shumë përpjekje që duhen bërë për luftën kundër varfërisë, kundër injorancës dhe mungesës së arsimit, forcim të zhvillimit ekonomik në mënyrë të qëndrueshme, e pastaj sigurisht përpjekjet e agjencive ligjzbatuese që nga shkëmbimi informacionit deri tek aksionet e përbashkëta”, u shpreh Tahiri.

N/Sekretarja për Sigurinë Civile, Demokracinë dhe të Drejtat e Njeriut në Departamentin e Shtetit të SHBA­-së, Sarah Sewal, kërkoi më shumë bashkëpunim në luftën kundër ekstremizmit të dhunshëm.

“Ekstremizmi i dhunshëm është një çështje globale. Të bashkojmë forcat për një dialog fetar. Nevojiten strategji për të arritur qëllimin. Terroristët nuk i njohin kufijtë. Të bashkëpunojmë të gjithë së bashku për të ndaluar rekrutimet. Të parandalojmë që fëmijët tanë të bëhen terroristë. Duhet të riafirmojmë vlerat tona kyçe,”­ u shpreh Sewall.

Tahiri: SHBA vlerësoi arritjet e Policisë. Deklarata e Erdogan për strukturë paralele terroriste? Është më shumë kërkesë politike

15:23 Sociale

FOTOT/ Para që zhduken

13:45 Sociale

Beqaj në maternitetin Mbretëresha Gerladinë: Spitali është trajtuar si pronë private nga ish-drejtuesi

12:28 Sociale

Ndotja akustike, ja zonat kritike të Tiranës

13:55 Sociale

INSTAT: Popullsia, nën 3 milionë

14:45 Sociale

Nikolla: Shkollat Gulen janë brenda standardeve

13:25 Sociale

Pensionet e pedagogëve dhe akademikëve, Qeveria propozon rritje sipas gradave shkencore

11:44 Sociale

FOTOT/ Bllokohet Tirana, shkak inagurimi i një karburanti që jep naftë falas

18:12 Sociale

Ofroi para në këmbim të shmangies së gjobës, arrestohet (VIDEO)

15:28 Sociale

VIDEO/ Policia e Shtetit nis testimin e dronëve. Ja pse do përdoren

14:13 Sociale