Itali/ 13 vjeçarët shqiptarë talentet e reja të futbollit ndërkombëtar

Kristian Asllani

Të shumtë janë shqiptarët që kanë arritur të bëjnë emër në futbollin ndërkombëtar, falë talentit dhe këmbënguljes së tyre për të ecur përpara. Nuk do të përmend emra edhe pse ata janë gjithmonë të lakuar në media dhe që shquhen nëpër skuadra të ndryshme të huaja, në të gjithë botën, duke na bërë të ndihemi krenarë.

Por, në botë ka edhe nga ata të rinj shqiptarë, të cilët edhe pse në një moshë të re, aspirojnë të krijojnë një identitet të fortë në futboll.

Disa javë më parë, në rajonin e Toskanës, në Itali, patëm fatin të ndjekim nga afër punën e këtyre aspirantëve të futbollit, të cilët janë pjesë e skuadrave të këtij rajoni italian. Redaksia jonë ka përzgjedhur dy prej tyre, Kristian Asllani dhe Kevin Sallillari.

Prezantimi i tyre në skedat e mëposhtme:

 Kristian  Asllani

Kristian Asllani, i datëlindjes 2002, ka nisur të luajë futboll që prej moshës 5-vjeçare, duke luajtur nëpër ambiente të ndryshme familjare. Më pas ai u bë pjesë e Klubit Sportiv të TAU ku  luajti për një periudhë një vjeçare, si mesfushor. 

Aktualisht, prej 6 vitesh është pjesë e skuadrës së Empoli, po në rolin e mesfushorit.

Teknika dhe shkathtësia në fushë, spikasin tek Asllani, i cili ka arritur të fitojë edhe çmimin Topi i Artë në La Spezia (Rajon i Liguria-s) 

Gazetat italiane e kanë cilësuar si një lojtar që çon topin në rrjetë me një saktësi të rrallë. Që ka një shpejtësi atletike dhe mendore, aq sa të bëjë topin e futbollit të “udhëtojë” vërtetë shumë fort në fushë.

Kevin Sallillari i datëlindjes 2002, ka nisur hapat e parë në një fushë futbolli, duke qenë pjesë e

Klubit Sportiv të qytetit të Empolit, në Provincën e Firences, në Itali. 

Pas dy vitesh formimi me Empolin, Kevin Sallillari, u përzgjodh nga skuadra e futbollit të Pontedera-s, në rajonin e Toskanës, ku për një vit me rradhë  ka luajtur si sulmues. Më pas, Sallillari, kalon në skuadrën e futbollit të Pizës, ku vazhdon të jetë ende në rolin e sulmuesit. 

Vëzhguesit dhe profesionistët e futbollit, e kanë cilësuar si një lojtar shumë të shpejtë në fushë, me një forcë fizike dhe teknikë të admirueshme, ku spikat edhe si golshënues i mirë. Zëra të ndryshëm, thonë se këta dy aspirantë futbollistë shqiptarë edhe pse vetëm 13-vjeç, kanë premisa për të arritur nivele shumë të larta në fushën e futbollit në nivel ndërkombëtar. Por deri në momentin që emrat e tyre t’u bashkangjiten yjeve të futbollit, do të duhen shumë vite formimi dhe perfeksioni si futbollistë, duke ngjitur shkallët e profesionalizmit, falë zotësisë, talentit dhe një pune të madhe. Duke mos u ndalur përpara pengesave të shumta që do të hasin dhe duke ndjekur një disiplinë strikte në respekt të pasionit për futbollin.

Ançeloti: Besoj se do të qëndroj te Reali

15:44 Sport

Shkëlzen Gashi te Lacio, nëse kryeqytetasit kualifikohen në Champions

15:41 Sport

Ibra nuk është më lider, bën gati valixhet

15:38 Sport

Juventus përgatit tre goditje në merkato

15:35 Sport

Çmenduria e FSHF, 100 mijë lekë bileta për miqësoren me Francën

15:32 Sport

Igli Tare këmbëngul për ta afruar Hysjan tek Lazio

14:49 Sport

Pep Guardiola planifikon largimin nga Bajerni

14:28 Sport

Lajmi bombë nga Spanja, Pogba i thotë “Po” Barcelonës

12:47 Sport

Gareth Bale kërkon largimin nga Reali

12:26 Sport

Përgjimet, shqiptari dha 90 mijë euro për trukimin e ndeshjeve në Itali

18:32 Sport