Te fundit
Bojaxhi me biznesin: Sistemi korruptiv dhe klientelist, pengesa kryesore për zhvillimin e Tiranës dhe Shqipërisë
17 Qershor 2015, 17:08Politika
TEMA
Kandidati i pavarur për Bashkinë e Tiranës, Gjergj Bojaxhi, i ftuar në Dhomën Kombëtare të Tregtisë, paraqiti vizionin e tij për biznesin. Bojaxhi theksoi vuri theksin mbi problemet sistematike të ekonomisë Shqiptare duke u shprehur se, “Sistemi korruptiv dhe klientelist i ndërtuar nga partitë politike dhe bizneset e tyre është pengesa kryesore për zhvillimin ekonomik dhe përparimin e Tiranës dhe gjithë Shqipërisë. Ne do të mbetemi vend i prapambetur dhe i pazhvilluar nëse nuk do të gjejmë forcën dhe kurajon për të çrrënjosur klientelizmin.”
Një nga çështjet kryesore të diskutuara siç është ajo e taksave, Bojaxhi vuri në dukje se problemi zgjidhet me mirëmenaxhimin e mbledhjes së taksave, duke u shpreshur se më shumë se gjysma e taksave nuk mblidhen. “Ca kandidatë thonë do ulë taksat, të tjerë thonë do t’i ngremë për ata që jetojnë në qendër, por askush nuk ndalet tek mirëmenaxhimi dhe mbledhja e barabartë dhe e plotë e tyre.”
Lidhur me Këshillin Ekonomik të kërkuar nga biznesi, Gjergj Bojaxhi tha se krijimi i tij është i nevojshëm dhe se ai do të merrte vlerë te plotë nëse do të kishte mirëmenaxhim dhe mbledhje të barabartë dhe të plotë të taksave.”
Diskutimi vijoi më tej mbi fushën e turizmit, ku z. Bojaxhi tha se Tirana ëshë shndërruar në një pikë ku turistët vijnë më shumë të shohin dicka të çuditshme sesa nje identitet kulturor. Tirana e ka humbur lidhjen me historinë e saj. Ai u angazhua në mbrojtje të monumentëve të kulturës dhe kundër kalimit të kalave në lokale dhe restorante. “Ka profesorë të shkollave të huaja të arkitekturës që sjellin studentët e tyre tek “Komunën e Parisit” për të thënë si nuk duhet të zhvillohet një zone.” – shtoi z. Bojaxhi.
Në mbyllje ai vuri theksin tek transporti, parkimet dhe referendumi. “Meqë politika ka dështuar”,- tha Bojaxhi,- “ne qytetarët duhet të vendosim standardet e jetesës përmes referendumit”. Ai theksoi se ne duhet të marrim vetë përgjegjësinë për mënyrën sesi do ta zhvillojmë qytetin tonë.
Lini një Përgjigje
Më të lexuarat
24 oret e fundit
Javen e fundit
Blog Tema
