Arsimi, ushqimet dhe komunikimi rritën çmimet e konsumit

Arsimi, ushqimet dhe komunikimi ndikuan në rritjen e çmimeve të konsumit në muajin Qershor nga një vit më parë me 1,4%, ndërsa Indeksi i çmimeve të konsumit (ICK) arriti 118,1 % kundrejt muajit Dhjetor 2007 (Dhjetor 2007=100).

Në muajin Qershor 2015 ndryshimi vjetor i indeksit të çmimeve të konsumit është 1,4 %, ndërsa një vit më parë ishte 1,5 %.

Ndikimin kryesor në ndryshimin vjetor të cmimeve në Qershor e dhanë grupet “Ushqime dhe pije joalkoolike” me +1,07 pikë përqindje, “Pije alkoolike dhe duhan” me +0,25 pikë përqindje.

Edhe çmimet e grupeve “Shërbimi arsimor” kontribuan me +0,14 pikë përqindje, “Komunikimi” me +0,06 pikë përqindje, ndërsa të grupeve “Qira, ujë, lëndë djegëse dhe energji”, “Veshje dhe këpucë” dhe “Transporti” kontribuan me nga -0,07 pikë përqindje secili.

Çmimet e grupeve “Shëndeti” dhe “Mallra e shërbime të ndryshme” kontribuan respektivisht me -0,06 pikë përqindje dhe -0,04 pikë përqindje.

Krahasuar me muajin Qershor 2014, rritja më e madhe e çmimeve u vu re në grupet “Shërbimi arsimor” me 10,1 %, “Pije alkoolike dhe duhan” me 7,0 %, “Komunikimi” me 2,2 %, etj.

Brenda një viti, çmimet e grupit “Ushqime dhe pije joalkoolike” u rritën me 2,7 % dhe brenda tij më shumë janë rritur çmimet e nëngrupit “fruta” me 13,2 %, pasuar nga nëngrupi “zarzavate përfshirë patatet” me 8,8 %, “peshk” me 3,6 %, “sheqer, reçelna e ëmbëlsira” me 0,7 %, etj. Për shkak të sezonit, çmimet e nëngrupit “qumësht djath e vezë” u ulën me 2,9 % pasuar nga nëngrupi “vajra dhe yndyrna” me 1,3 %, nëngrupi “kafe, çaj e kakao” me 1,4 %, etj.

Konstatohet se ulja më e madhe e çmimeve vërehet në grupet “Shëndeti” me 1,9 %, “Veshje dhe këpucë me 1,3 %, “Transporti” me 1,1 % , etj.

Ndryshimi mujor i indeksit është -1,1 %.

Krahasuar me muajin Maj 2015, ulja më e madhe e çmimeve vërehet në grupin “Shëndeti “ me 3,1 % pasuar nga grupi “Ushqime dhe pije joalkolike” me 2,3 %.

Rritja më e madhe mujore vërehet në grupin “Transporti” me 0,4 %. Krahasuar me një muaj më parë çmimi i eurodiezelit u rrit me 2,1 % dhe çmimi i benzinës u rrit me 1,6 %

Katrahura e një vendimi për lejet profesionale në fushën e hidrokarbureve

19:34 Ekonomia

Drejtoresha e re e doganave, Pranvera Behushi

13:23 Ekonomia

Skanimi i kontenierëve, Qeveria marrëveshje me Rapiscan/ Tarifat e reja nga 5 në 22 euro

12:04 Ekonomia

Kriza në Greqi/Nishani informohet nga Sejko mbi pasojat e mundshme në Shqipëri

10:46 Ekonomia

Nafta sërish drejt çmimit historik, edhe pse çmimi në bursa nuk është rritur

15:31 Ekonomia

Shqipëri-Gjermani, nënshkruhen 6 marrëveshje me vlerë 118 milionë euro

12:30 Ekonomia

Tregëtimi i karburanteve/ ISHTI gjobit 21 subjekte, 19 prej tyre shisnin jashtë standardeve

12:15 Ekonomia

Ndërtimi i nënstacionit të ri në Çorovodë/ Gjiknuri: Pagesat e energjisë po i kthejmë në investime

10:47 Ekonomia

TemA TV/ Adrian Civici: Sistemi financiar shqiptar, i pavaruar nga bankat greke. Nuk ka nevojë për panik

17:26 Ekonomia

TAP shkarkon 60 milionë euro; vetëm në fazën e parë pritet ndërtimi i 100 km rrugë

15:31 Ekonomia