Trageti i ri i linjës Durrës-Bari, ai që u përplas në Marsejë tre vite më parë

Rhapsody është emri i ri i tragetit të ri, që u inagurua pak ditë më parë për të bërë linjën e re Durrës-Bari.

Por, Ora News thotë se dikur ai quhej “Napoleon Bonoparte” dhe është përplasur tre vite më parë në Marsejë.

Më 29 tetor 2012, “Daily Mail” shkruan se trageti “Napoleon Bonaparte” pësoi një aksident në portin e Marsejës.

Nuk pati viktima, por anija pësoi një të çarë rreth 30 metra, motorët dolën jashtë funksionit teksa fundosja u shmang për meritë të ekspertëve.

Ky nuk ishte aksidenti i parë për tragetin, pasi një tjetër i shënuar në vitin 2008 i shkaktoi një tjetër të çarë 10 metra.

Gjithsesi dëmet u riparuan, por për francezët kjo anije nuk ishte më e sigurtë dhe e nxorën në shitje.

Kompania italiane e bleu për 7 milion euro, një çmim qesharak krahasuar me koston prej 90 milion eurosh.

Sipas portalit “Pazzo per il mare”, revista e parë italiane dedikuar udhetimeve detare, kompania e siguracioneve, ku ishte siguruar trageti “Napoleon Bonaparte,” pagoi 60 milion euro për dëmet e shkaktuara, 2/3 e kostos së ndërtimit të tragetit.

Për shkak të dëmeve të mëdha të pësuara, që rrezikonin seriozisht sigurinë e lundrimit të tragetit, u diskutuan një sërë mundësish për të ardhmen e tij.

U mendua që ai të kthehej në restorant luksoz jo lundrues, sepse kështu evitoheshin problemet e mundshme, nëse do të vazhdonte të ishte mjet lundrues.

U diskutua madje edhe mundësia të copëtohej për skrap në Indi apo Bangladesh.

“Informatore navale” shkruan se më në fund u vendos që trageti të riparohej e të rikonstruktohej për tu kthyer në destinacionin e mëparshëm, domethënë traget për linja normale detare.

Në këtë kontekst në prill 2014 u mendua për të ulur shpenzimet e mëdha të rikonstruksionit dhe të riklasifikimit si anije, punimet të kryheshin në ndonjë kantier detar turk, ku kostot normalisht janë më të ulëta se në kantieret europiane, shkruan me tej “Informatore navale”.

Më 17 qeshor 2015 “The medi telegraf” shkruan se më 25 të po ketij muaji “Rhapsody” do të arrije ne Genova për t’iu nënshtruar një rikonstruksioni me qëllim perdorimin e tij per udhetime të shkurtra.

Po sipas “The medi telegraf”, në fund të vitit 2014 kompania SNAV shqyrtoi edhe mundësinë, që trageti të përdorej edhe në linjat, që në të ardhmen do të lidhnin Floridën me Kubën, pasi presidenti Obama ndërmori iniciativën për normalizimin e marëdhënieve të SHBA-së me Kubën komuniste.

Ndër alternativat që ky portal përmend është edhe linja Durrës-Bari.

Por tashmë është edhe e qartë se pse inxhinieri Martinoli në fjalën e rastit në ceremoninë inaguruese hyri në hollësi teknike deri te lloji i kolltuqeve të tragetit apo mënyra e prenotimit të biletave online, por nuk tha asnjë fjalë për sigurinë e lundrimit të tragetit në fjalë.

I riu që vrau 17-vjeçarin shqiptar në Itali: Doja t'i jepja një mësim, por situata më doli nga duart

15:19 Kronika

Bien akuzat ndaj Arben Bajraktarit/Prokuroria pushon hetimet për ish-Kreun e Interpolit

14:13 Kronika

Sekretari i Shtetit Kerry, letër Tahirit: Vendet e tjera do të ndjekin shembullin e Shqipërisë, për nismat kundër ekstremizmit

14:09 Kronika

Seks me 13-vjeçaren, 17 vite burg për 30-vjeçarin nga Gramshi

11:48 Kronika

Asgjesohen mijëra bimë narkotike në Tiranë, Tropojë e Fier

10:46 Kronika

Arrestohet tutorja 48 vjecare, shfrytëzonte për prostitucion një 25 vjecare

10:40 Kronika

66-vjeçari kryente veprime të turpshme me 12-vjeçaren, kur ajo i shkonte në dyqan për të blerë

09:27 Kronika

17-vjeçari shqiptar në Itali u masakrua se pëlqente të fejuarën e një tjetër shqiptari

09:12 Kronika

Krujë/ Policia arreston në flagrancë 5 shtetas për kultivim kanabis

18:43 Kronika

Shitja e hotel “Dajtit”, dosja Fullani drejt mbylljes

16:54 Kronika