Peleshi: Të rinjtë e diasporës të investojnë dijet për Shqipërinë moderne

Zv.Kryeministri Niko Peleshi ka ftuar të rinjtë e diasporës të investojnë dijet dhe përkushtimin e tyre për Shqipërinë moderne, për të cilën tha se duhet të jetë në axhendën e gjithësecilit.

“Shqipëria ka nevojë për dijet e të rinjve dhe modele suksesi”, tha Peleshi gjatë takimit të zhvilluar në Tiranë të Forumit të Unionit të të Rinjve të Diasporës, i cili u mbajt në kuadër të bashkëpunimin Shqipëri-Kosovë në fushën e arsimit.

Sipas tij, studentët e diasporës janë “ambasadorët” e krijimit të imazhit të ri të Shqipërisë në botë.

“Të ndryshojmë imazhin e Shqipërisë në botë. Shqipëria ka sot dhe do të ketë nevojë për dijet tuaja. Shumë prej jush janë edukuar në universitetet më të mira të botës, kemi nevojë për këto dije. Kemi nevojë për modelin e suksesit. Shqipëria e re dhe moderne duhet të jetë axhenda e gjithsecilit. Duhet ta bëjmë këtë kudo ku jemi, që nga një bisedë me një të huaj për Shqipërinë, ku ne na duhet të shtojmë mesazhet dhe informacionet për Shqipërinë, deri te kontributi i drejtpërdrejtë përmes investimit të dijeve për Shqipërinë. Le ta kemi në mendje, në zemër dhe në planin tonë të punës Shqipërinë moderne”, deklaroi Peleshi.

Zv.kryeministri tha se roli i diasporës është shumë i rëndësishëm dhe se emigrantët kanë po ashtu rol të rëndësishëm në zhvillimin e ekonomisë, artit, kulturës dhe shoqërisë.

Duke u ndalur në marëdhëniet e Shqipërisë me Kosëvën, Zv.kryeministri Pelesh vuri në dukje se, zhvillimet dhe roli i diasporës së vjetër dhe të re padyshim që e meritonin krijimin e një ministrie për Diasporën, për vetë faktin siç u shpreh ai se, ka një numër të konsiderueshëm të emigrantëve jo vetëm në vendet e rajonit Greqi, Itali por edhe në SHBA e Australi.

“Sot jetojmë në një kohë kur Kosova është e pavarur dhe ka një rrugë të përbashkët me Shqipërisë drejt Bashkimit Evropian, ndaj dhe roli i diasporës mbetet faktor kyç në ndërtimin e modelit modern evropian”, u shpreh ai.

Kukësi humb në tavolinë me Legian, gjobë dhe 70 mijë euro

10:38 Sociale

Akuzat e PD-së, reagon drejtoresha Metani: Nuk ka asnjë kërkesë nga institucioni që unë drejtoj për bindjet politike të mësuesve

18:34 Sociale

Pas kërcënimit të Veliajt, kthehen 4 pllaka bronxi të Monumentit të Pavarësisë

18:14 Sociale

Ministria e Shёndetёsisё: 22 qendra shёndetёsore nё zonat turistike

17:03 Sociale

Sëmundja e bukës, Panariti: Mielli është i kontrolluar, po spekulohet ( TemA Tv, Video)

17:05 Sociale

Panariti: Masa për të mbrojtur midhjen në Butrint nga temperaturat e "çmendura"

13:22 Sociale

Veliaj “zbor”operatorëve të pastrimit në 7 të mëngjesit. I shpall luftë zhulit në Tiranë

08:38 Sociale

Klosi në Kosovë: Rrjeti i të rinjve të Diasporës domosdoshmëri, përmirëson imazhin e vendeve tona

19:57 Sociale

Punët e para për Tiranën/ Bashkia nis aksionin për pastrimin e qytetit

15:05 Sociale

Akuzat e PD-së/ Dializa, Beqaj: Konçesioni është garë ndërkombëtare. Shtrijmë shërbimin në 5 rrethe

16:41 Sociale