Te fundit
Pepe rinovon, te Reali deri në vitin 2017
21 Gusht 2015, 18:46Sport
TEMA
Agjenti më i fuqishëm në botën e futbollit, Jorge Mendez u prezantua në zyrat e Realit të Madridit bashkë me një ndër klientët e shumtë në kampin merengues, Pepen, me futbollistin që firmosi rinovimin e kontratës së tij me Los Blancos deri në vitin 2017.
Portugezi me origjinë braziliane e zgjati në këtë mënyrë edhe për një vit bashkëpunimin e tij kontraktual me Realin e Madridit pasi kontrata e mëparshme i skadonte në fund të sezonit që nis.
Klubi mbretëror e zyrtarizoi lajmin pak pas mesditës.
Kur ti përfundojë kontrata e re me klubin e Florentino Perez , Pepe do të jetë 34 vjec.
Këtë sezon Varane pritet të jetë titullar në formacion bashkë me Sergio Ramos, duke e lënë si një alternativë portugezin.
Reali e bleu futbollistin kur në presidencë ishte Ramond Calderon, në verën e vitit 2007 për 30 milionë euro.
Në Madrid vazhdon në këtë mënyrë politika e rinovimeve të kësaj vere, pasi në muajin e korrikut klubi zyrtarizoi zgjatjen e kontratave të Marcelos dhe Dani Karvajal respektivisht deri në vitin 2019 dhe 2020.
Operacioni i rradhës në këtë strategji do të jetë rinovimi i 23 vjecarit Casemiro që u rikthye këtë verë nga Porto ku ishte dhënë në huazim.
Lini një Përgjigje
Më të lexuarat
24 oret e fundit
Javen e fundit
Blog Tema
