Drejtoresha e Doganave: Masa ndëshkuese për punonjësit doganorë që bashkëpunojnë dhe ndihmojnë shkelësit e ligjt

Në  eventin për lançimin e fushatës kundra informalitetit, Drejtoresha e Doganave Pranvera Fagu vuri theksin tek reformat e marra në administratën tatimore, ku vlerësoi përkushtimin e gjithë aktorëve të përfshirë në luftën kundër paligjshmërisë.

“Në 2 vitet e fundit, Administrata Doganore ka kryer një seri reformash, ku mund të përmendim miratimin e Kodit të ri Doganor; procedurat e thjeshtuara; funksionimi i Kanalit Jeshil; zhdoganimin lokal; korridorin e përbashkët të tranzitit të mallrave Shqipëri-Kosovë, i cili është në linjë me parimet e tranzitit të perbashkët të Bashkimit Europian.

Zhvillime të tjera janë në proces. Kanë filluar procedurat e nevojshme për Akreditimin e Laboratorit Doganor dhe për ndërtimin e një laboratori të ri, nga më modernët në rajon.

Ndërkohë fillon, së shpejti, ndërtimi i Pikës së re të Kalimit të Kufirit të Hanit të Hotit dhe ndërtimi i pikës së përbashkët të kalimit kufitar me Kosovën, në Morinë.

Këtë muaj fillon zbatimi i projektit të binjakëzimit me administratën doganore italiane dhe franceze, për të asistuar doganat shqiptare nga pikëpamja legjislative dhe procedurale në lidhje me ndërveprimin e sistemit të tranzitit me atë të BE-së.  

Këto dy vjet është përmirësuar ndjeshëm bashkëpunimi dhe transparenca me komunitetin e biznesit. Administrata Doganore është në kontakt të vazhdueshëm me Dhomat e Tregtisë dhe shoqatat e biznesit, bashkëpunim ky që do të intensifikohet duke i konsideruar ata si një nga shtyllat garantuese të suksesit në luftën kundër informalitetit.

Në fokus të administrates doganore është lufta kundër evazionit dhe kontrabandës, ku vlerësojmë bashkëpunimin me Crown Agents dhe partenerë të tjerë të rëndësishëm që japin kontributin e tyre, si GFI në fushën e markimit të karburanteve dhe SICPA për pullat fiskale.  Javën e ardhshme këtyre u bashkohet dhe kompania RAPISCAN që ofron kontrollin e mallrave nëpërmjet skanimit.

Për ne partnerë të rëndesishëm janë edhe vetë qytetaret që, nëse i referohemi të dhënave, denoncimet për vitin 2015 e janë rritur në mbi 60 %, në krahasim me një vit më parë. Këto shifra janë një sinjal i qartë i ndërgjegjësimit të publikut dhe rritjes së besimit tek administrata doganore”, – tha  Fagu

Më tej drejtoresha e Doganave theksoi se në luftën kundër informalitetit nuk do të ketë tolerime tek askush, as tek ata punonjës që abuzojnë dhe lejojnë shkeljen e ligjit

“Ne jemi të vendosur për të luftuar informalitetin dhe kemi gjithçka për ta bërë këtë. Sepse jemi në krah të ligjit. Jemi në krah të ligjit dhe të të gjithë atyre bizneseve të ndershëm që paguajnë rregullisht taksat.

Nisja e këtij aksioni është një moment për t’u dëshmuar të gjithëve, por në radhë të parë operatorëve ekonomikë, se Administrata Doganore është aty për t’u shërbyer dhe jo për t’i cënuar. Ne do ta fitojmë këtë betejë me informalitetin, sepse nuk po luftojmë me bizneset por me paligjshmërinë. Fitues do të jenë bizneset dhe  konsumatorët.

Janë pikërisht këta konsumatorë, nga të cilët ne presim shumë. E përsëris, presim të denoncojnë çdo shkelje, çdo abuzim dhe çdo shpërdorim nga punonjësit doganorë.  

Ne po ashpërsojmë masat ndëshkuese për shkelësit e ligjit, por edhe për punonjësit doganorë që bashkëpunojnë dhe ndihmojnë këta shkelës.

Ky mesazh le të shërbejë në radhë të parë për administratën, si dhe për operatorët ekonomikë, sepse vetëm në këtë mënyrë krijohet një mjedis kompetitiv dhe më i sigurt, ku përfituesit më të mëdhenj jemi të gjithë ne, si qytetarë të këtij vendi”, përfundoi Fagu. 

Aksioni i Tatimeve/ Ja gjobat për bizneset. Blerësit gjobiten me 1 mijë lekë po nuk morën kuponin

09:46 Ekonomia

Bilanci i OSHEE “ngel në klasë” te auditimi

16:31 Ekonomia

Bankat fshijnë kreditë e këqija, “pastrohen” 11 miliardë lekë

15:28 Ekonomia

Shqipëria humb ritmet e rritjes, edhe për 10 vjet do mbetet ndër më të varfërat në Europë

10:21 Ekonomia

Biznesi dy ditë kohë për vendosjen e kasave (TemA Tv)

14:27 Ekonomia

Rama: Abuzuesit me pronat mund t’i shpëtojnë drejtësisë, por nuk mund të legalizojnë produktin

11:37 Ekonomia

Të ardhurat buxhetore Janar-Korrik: 5% më shumë se vjet, 19% më shumë se parvjet

10:53 Ekonomia

Tregu i mineraleve bie ne pikate, rriten importet

19:53 Ekonomia

Rama kërkon krijimin e tregut rajonal energjitik

17:01 Ekonomia

2014-a, viti i parë pa rritje page që nga 1999

15:14 Ekonomia