Foto të rralla të yllit të kinemasë, Sofia Loren

Është shumë interesant fakti se sa e qëndrueshme mund të jetë ndonjëherë marrëdhënia mes fotografëve dhe subjekteve të tyre. I tillë ishte padyshim rasti i fotografit  Alfred Eisenstaedt dhe legjendës shkëlqyese të filmit italian, Sofia Loren. Gjatë miqësisë së tyre të gjatë, Eisenstaedt i ka bërë fotografi të panumërta aktores fituese të çmimit Oskar – shumica e të cilave nuk ishin të destinuara për publikim.
“Eisie duhet të më ketë bërë mijëra foto, të cilat askush nuk i ka parë -, ka thënë Loren për revistën LIFE, e cila ka publikuar një seri të portreteve më të mira të Loren të shkrepura nga Eisenstaedt, në periudhën më të bukur të famës së saj botërore. “Kur kam takuar Eisie”, Loren kujton, “ishte me të vërtetë një dashuri me shikim të parë. Ai u bë hija ime. Por ai kurrë nuk u përpoq të ndërhyjë në jetën time. Jo, ai vetëm vazhdoi të shkrepë dhe të qeshë, dhe ishte i lumtur vetëm të ishte me mua – ashtu si dhe unë që isha me të! Më mungon. Ai nuk mund të më bënte asnjë të keqe. E kam besuar atë aq shumë. Ai është një nga ata që nuk rriten nën pemë, si thoshte dhe miku im Cary Grant”.
E pyetur nga LIFE në lidhje me cilësitë e Eisenstaedt, Loren pohon se ai ishte i aftë të nxirrte nga ajo atë që fotografët e tjerë nuk arrinin ta bënin dot. “Që unë ishte një vajzë, e  lumtur për jetën e saj, sepse  pranoja çdo të mirë që vinte prej punës time. Vetëm duke qenë e vërtetë ama, dhe plotësisht e kënaqur “. Sofia Loren është shfaqur në kopertinën e revistës LIFE shtatë herë në mes të viteve 1950-1960./ATA

"Mirëdita, Dobar dan", në Prishtinë me filma të Bekim Fehmiut

13:33 Kulturë

Vëllimi “Vulë uji”, poeti arbëresh Zef Kjaramonte në Durrës

10:16 Kulturë

Vdiq shkrimtari Petraq Zoto

10:08 Kulturë

Ka ardhur koha për të ndërkombëtarizuar ilirët

14:23 Kulturë

Tonin Tërshana: Vaçe Zela kishte shumë pushtet, ne të tjerët ishim tufa

10:30 Kulturë

Serbia synon "Oscar" me film për Kosovën

10:24 Kulturë

Shkrimtarë të njohur, por edhe...spiunë

20:23 Kulturë

Diktatori shqiptar që rrëmbeu yjet e Hollivudit

18:16 Kulturë

INTERVISTA: I besojmë më shumë mirësisë së të huajve sesa drejtësisë së shtetit tonë

16:23 Kulturë

Kozma Dushi: Akuzat e Gjergj Lekës për këngëtaret kurva? Me siguri ka qenë i pirë

09:04 Kulturë