“Tifozat Kuq e Zi”: Mos bëni tradhti kombëtare ndaj Kombëtares!

Duhet të jenë të lumtur, sepse kanë siguruar bileta nga FSHF-ja. E meritojnë këtë, sepse janë tifo-grupi më i organizuar i kombëtares, i shtrirë me përfaqësi në të gjitha vendet ku jetojnë shqiptarët. Koreografia e tyre në stadium është mbresëlënëse, ashtu si edhe përkrahja e zjarrtë. Me të vërtetë “lojtari i 12-të” i kombëtares.

Sidoqoftë, nuk janë të vetmit, sepse ka edhe disa tifo-grupe të tjera, që bëjnë kilometra të tëra, shpenzojnë para nga xhepi i tyre, për të qenë në ndeshjet e kuqezinjve. Kësaj here, ato kanë mbetur pa bileta, ndaj nuk i kanë kursyer akuzat ndaj FSHF-së. “Shvercerat” e Shkupit e denonconin sjelljen e federatës në këtë drejtim, për ndeshjen ndaj Serbisë, duke e barazuar me mafien.

Ndërkohë, “Tifozat Kuq e Zi” kanë konfirmuar pjesëmarrjen e tyre në kualifikuesen e 8 tetorit në “Elbasan Arena”, duke bërë thirrje njëkohësisht për maturi, qetësi, zbatimin e të gjitha rregullave, sepse ndryshe na pret ndëshkimi nga UEFA. Pavarësisht kësaj, ata e emërtojnë Serbinë me termin “shkije”, në deklaratën e tyre për shtyp:

“Tifozat Kuq e Zi” kanë nisur organizimet për ndeshjen e shumëpritur të 8 tetorit, Shqipëri-shkije. Kjo është ndeshja më e rëndësishme dhe njëkohësisht më delikate që prej themelimit të “Tifozave Kuq e Zi”. Federata Shqiptare e Futbollit ka caktuar një kuotë të caktuar të biletave, përgjegjësinë për shpërndarjen e tyre e ka TKZ. Siç thamë edhe më sipër, është ndeshja më e rëndësishme në rrugën tonë drejt kualifikimit për “Euro 2016”, së këndejmi futja në stadium apo hedhja e gjësendeve ndaj lojtarëve kundërshtarë do të ishte TRADHËTI KOMBËTARE.

Sytë e gjithë organizmave të UEFA-s dhe FIFA-s do të jenë të drejtuar nga tifozët shqiptarë dhe për incidentin më të vogël kombëtarja jonë mund të penalizohet me denime të ashpra, deri në heqje pikësh apo edhe eliminim. Me këtë rast nuk do t’i kontribuonim të mirës së kombëtares, të mirës së vendit, por do t’hapnim rrugë që pikërisht shkijet të kualifikoheshin në “play-off”, çka besojmë se asnjë prej nesh nuk e dëshiron. Duke marrë parasysh këta faktorë, “Tifozat Kuq e Zi”, përmes përfaqësuesve nëpër qytete do të bëjnë një përzgjedhje të anëtarëve për t’i pajisur me bileta.

Fatkeqësisht, jo të gjithë anëtarët do ta kenë fatin të kenë një biletë, pasi numri i biletave për TKZ-në nga ana e FSHF-së është i kufizuar. Me këtë rast, duke marrë parasysh kërkesën jashtëzakonisht të madhe, ju kërkojmë paraprakisht ndjesë të gjithë atyre anëtarëve që nuk do të kemi mundësi t’i sigurojmë një biletë. Çmimi i biletës është 10 euro. 7.2 euro kushton bileta, ndërsa që 2.8 euro do të jepen donacion (për destinacionin e donacionit do t’ju informojnë përfaqësuesit tuaj në momentin e pagesës së biletës, si dhe ne do ta bëjmë publik në javët në vazhdim).

Biletat do të jenë për tribunën C2 (pas porte). Secila prej tyre do të jetë e personalizuar, ndërsa krahas emrit dhe mbiemrit këtë herë do të kërkohet edhe numri personal. Afati i fundit për rezervim është data 23 shtator, ora 12:00, por duke pasur parasysh kërkesën ky afat mund të mbyllet edhe më herët. “Tifozat Kuq e Zi” nuk janë biletari, këto bileta vlejnë vetëm për anëtarët zyrtarë. Secili prej jush, që nuk jeni anëtar, nuk mund ta rezervoni një të tillë në tribunën e TKZ-së. O sa mirë me qenë shqiptar!”/ Telesport

Cana: Kudo kam qenë lider, do ta bëj edhe te FC Nantes

17:22 Sport

Interi nuk di të ndalet, kryeson i vetëm Serinë A

14:53 Sport

Çmendet FSHF, do konsiderojë akt terrorist çdo veprim të paligjshëm në ndeshjen ndaj Serbisë

13:40 Sport

VIDEO/ Nën tingujt e këngëve patriotike. Ja si stërvitet Mërgim Mavraj

13:36 Sport

PSG-ja po përgatit një ofertë joshëse për Hoze Murinjon

12:39 Sport

“Shvercerat”: FSHF është mafia, s’na jep biletë për Serbinë

11:41 Sport

Partizani-Kukësi, Erjon Braçe kritikon policinë: Nuk dinë të sillen në stadium ndaj shpesh nuk bën detyrën e saj

11:12 Sport

“Tifozat Kuq e Zi”: Lajmi ndaj himnit serb, jo i vërtetë

20:36 Sport

Frikë për trazira, boshatisen 4 pallate rreth "Elbasan Arenas"

15:22 Sport

Vidal fut në sherr Beckenbauerin me Guardiolën

14:40 Sport