De Biazi rinovon automatikisht, por me më shumë para. Mediat italiane: Kërkon 2-3 milion euro në vit

Festa mbaroi, misioni u krye, Shqipëria shkon për herë të parë në finalet e një Kampionati Europian. Meritë e lojtarëve kuqezinj, por edhe e stafit teknik, me në krye Xhani De Biazin. Ky i fundit ka marrë shumë vlerësime në vendin tonë, është pajisur edhe me pasaportë shqiptare, por në kohën e sotme vlejnë jo pak edhe paratë. Fundja, përveç emrit, që e ka vendosur tashmë me kombëtaren shqiptare, trajneri italian synon të paguhet edhe më mirë se deri tani. Dhe kjo është e ligjshme.

Sidoqoftë, hera-herës, në muajt e fundit, presidenti Armand Duka ka thënë se FSHF-ja i ka mundësitë të kufizuara në planin financiar, kështu që De Biazi nuk duhet të kërkojë shuma marramendëse, nga ato që mund të jenë ofruar nga sheikët e Katarit, apo gjetkë. Por, me shkuarjen në finalet e “Euro 2016” arka e federatës është mbushur. Mësohet se plot 12 milionë euro përfiton ajo nga UEFA. 2 milionë euro u janë premtuar si shpërblim lojtarëve për kualifikimin, ndërsa mbetet të shihet se sa do të jetë oferta për De Biazin, që të rinovojë.

Dëshira e italianit është që të vazhdojë me “krijesën” e tij, por njëkohësisht qëndrimi në këto maja edhe në kualifikueset e ardhshme duket një mision i pamundur. Mjafton të kujtojmë se kemi në grup dy kampione bote, Italinë dhe Spanjën, për “Botërorin 2018”. Ç’është e vërteta, në kontratën aktuale, që skadon në qershor, ka një klauzolë të tillë. Nëse kombëtarja kualifikohet për në finalet e Europianit, atëherë kemi të bëjmë me një ronovim automatik të De Biazit. Por, mbetet të revizionohen termat financiarë, të cilët janë mjaft të rëndësishëm për trajnerin tonë të kombëtares, shkruan Telesport.

Ky i fundit, i pyetur në lidhje me këtë çështje, pas ndeshjes me Armeninë, ka pohuar:

“Kontrata ime me Shqipërinë vazhdon automatikisht pas kualifikimit në “Euro 2016”. Marrëveshja ekzistuese ka qenë e tillë, që vazhdonte automatikisht në rast të kualifikimit, por do të kemi kohë të bisedojmë dhe të intervenojmë. Besoj se nuk do të jetë një problem. Kurse, Kryeministri Rama më ka thënë se është i gatshëm të ma konfiskojë pasaportën italiane për të më mbajtur në Tiranë. Dua shumë që të vijoj me këta djem, me këtë krijesë timen, sepse e ka të ardhmen dhe vazhdimësinë të sigurtë.”

Nga ana e tij, presidenti i FSHF-së, Armand Duka, ka nënvizuar për këtë çështje:

“Është me kontratë deri në qershor të vitit tjetër dhe më tej është vullneti dhe dëshira jonë që të vazhdojë. Mbetet për t’u përcaktuar vetëm numri që do të vendoset mbi letër, që nuk është një faktor i vogël. Pra, mund të na cënojë ndoshta edhe marrëdhënien tonë.”

Corriere della Serra ndërkohë shkruante dje se De Biazi kërkon një pagë nga 2 deri në 3 milion euro në vit.

Një pagë që nuk e marrin as trajnerë të Kombëtareve të mëdha.

Nëse është i vërtetë ky pretendim, atëherë me shumë mundësi kontrata e tij nuk do të rinovohej, pasi Shqipëria nuk mund t’ia lejojë vetes të paguajë një shifër të tillë.

Shqipëria në vazon e katërt: Ja me kë mund të përballet në Europian

11:02 Sport

FOTOT/ Një ditë e shënuar dhe “shoferi” Edi Rama

12:50 Sport

Lorik Cana: Shitja e ndeshjes me Serbinë? Vetëm një budalla mund ta thotë

08:59 Sport

Tifozi kuqezi i dërgon një dhuratë speciale Kombëtares serbe!

21:29 Sport

‘Bomba’ e Tares: Mu ofrua stoli i Shqipërisë këtë vit, por e refuzova

19:54 Sport

Ja 6 “sekretet” e kombëtares së drejtuar nga De Biazi

19:49 Sport

FOTOT/ Pritja dhe festa madhështore për Kombëtaren

19:18 Sport

Gazzetta dello Sport: Bëhuni gati, shqiponja me dy krerë do fluturojë mbi qiejt e Francës

18:46 Sport

Lorik Cana: Në Europian me kokën lart, si Shqipëri e Madhe

16:59 Sport

“Sot mos na çani kokën me moralizma, është dita për të festuar”

16:35 Sport